ഐ ലീഗ്: രാജസ്ഥാൻ യുനൈറ്റഡിനെ 5-0ന് തകർത്ത് ഗോകുലം ഒന്നാമത്

കോ​ഴി​ക്കോ​ട്: ക്യാ​പ്റ്റ​ൻ​പ​ട്ടം അ​ഴി​ച്ചു​വെ​ച്ച് പ​ക​ര​ക്കാ​ര​നാ​യി ഇ​റ​ങ്ങി​യ സ്​പെയിൻ​കാ​ര​നാ​യ അ​ല​ക്സാ​ൺ​ട്രോ സാ​ഞ്ച​സി​ന്റെ ഹാ​ട്രി​ക് മി​ക​വോ​ടെ ഐ ​ലീ​ഗ് മ​ത്സ​ര​ത്തി​ൽ ഗോ​കു​ലം കേ​ര​ള എ​ഫ്.​സി രാ​ജ​സ്ഥാ​ൻ യു​നൈ​റ്റ​ഡ് എ​ഫ്.​സി​യെ 5-0ന് ​നി​ലം​പ​രി​ശാ​ക്കി. ക​ഴി​ഞ്ഞ ക​ളി​ക​ളി​ൽ ക്യാ​പ്റ്റ​നാ​യി​രു​ന്ന സാ​ഞ്ച​സ് രാ​ജ​സ്ഥാ​നെ​തി​രെ​യു​ള്ള മ​ത്സ​ര​ത്തി​ൽ വി.​എ​സ്. ശ്രീ​കു​ട്ട​ന് ക്യാ​പ്റ്റ​ൻ പ​ട്ടം ന​ൽ​കി പ​ക​ര​ക്കാ​ര​നാ​കു​ക​യാ​യി​രു​ന്നു.

ക​ളി​യു​ടെ ഏ​റെ സ​മ​യ​വും എ​തി​രാ​ളി​ക​ളു​ടെ ക​ള​ത്തി​ൽ പ​ന്തു​കൊ​ണ്ട് ഊ​ഞ്ഞാ​ലാ​ടി​യ ഗോ​കു​ലം ഹോം ​ഗ്രൗ​ണ്ടി​ൽ സ്വ​പ്ന​ങ്ങ​ൾ പൂ​വ​ണി​യി​ച്ചു. ജ​യ​ത്തോ​ടെ മൂ​ന്നു മ​ത്സ​ര​ങ്ങ​ളി​ൽ ഏ​ഴു പോ​യ​ന്റു​മാ​യി ഗോ​കു​ലം ഒ​ന്നാം സ്ഥാ​ന​ത്തേ​ക്ക് ക​യ​റി.

കഴിഞ്ഞ കളിയിലെ നൊരോക്കക്കെതിരായ തകർപ്പൻ വിജയത്തിന്റെ ആത്മവിശ്വാസത്തിലാണ് ഗോകുലം ടീം രാജസ്ഥാനെ നേരിട്ടത്. ആദ്യ പത്തുമിനിറ്റോളം ആതിഥേയർ ഒത്തിണക്കത്തിൽ കളിതുടർന്നു. ഇടക്കു മാത്രം പന്ത് തിരിച്ച് ഗോകുലം ഗോളി ദേവൻഷ് ധബൻസിനരികിലെത്തി.

പാദചലനങ്ങളുടെ ചടുലതയിലും താളത്തിലും മാന്ത്രിക മുഹൂർത്തങ്ങൾ തീർക്കാൻ കണ്ണഞ്ചിക്കുന്ന പ്രകടനങ്ങൾ ഒരുവേള മലബാറിയൻസ് താരങ്ങൾ പുറത്തെടുത്തു. 22ാം മിനിറ്റിൽ ഇടതു വിങ്ങിൽ നിന്ന് തജികിസ്താൻ താരം കൊമറോൺ ടർസ്നോവ് കൊടുത്ത പാസ് മിഡ് ഫീൽഡർ അഭിജിത്ത് ബോക്സിൽ നിന്ന് അറ്റൻഡ് ചെയ്ത് ഗോൾ പോസ്റ്റിലേക്ക് തൊടുത്തുവിട്ടെങ്കിലും ബാറിനു മിഡിലിൽ തട്ടി തിരിച്ചു പോന്നു.

23ാം മിനിറ്റിൽ കൊമറോൺ ഗോളവസരം സൃഷ്ടിച്ചെങ്കിലും ഫിനിഷ് ചെയ്യാനായില്ല. 33ാം മി​നി​റ്റി​ൽ ഇ​ട​തു വി​ങ്ങി​ലൂ​ടെ പ​ന്തു​മാ​യെ​ത്തി​യ കൊ​മ​റോ​ൺ രാ​ജ​സ്ഥാ​നി​ക​ളെ മ​റി​ക​ട​ന്ന് ഇ​ട​ങ്കാ​ലു​കൊ​ണ്ട് നീ​ട്ടി ന​ൽ​കി​യ പാ​സ് സ്പെ​യി​ൻ താ​രം നി​ലി പെ​ർ​ഡെ​മോ രാ​ജ​സ്ഥാ​ൻ ഗോ​ളി സ​ചി​ൻ ഝാ​യെ മ​റി​ക​ട​ത്തി വ​ല​യി​ലെ​ത്തി​ച്ച​തോ​ടെ മ​ത്സ​ര​ത്തി​ലെ ക​ന്നി ഗോ​ൾ പി​റ​ന്നു.

1-0ത്തി​ന്റെ ലീ​ഡി​ൽ ക​ളി​യി​ൽ മേ​ധാ​വി​ത്വം പു​ല​ർ​ത്തി​യ ഗോ​കു​ലം ടീം ​അ​വ​സ​ര​ങ്ങ​ൾ ഏ​റെ ക​ള​ഞ്ഞു​കു​ളി​ച്ചെ​ങ്കി​ലും ഗോ​ൾ പോ​സ്റ്റി​നു മു​ന്നി​ൽ​വെ​ച്ച് എ​തി​രാ​ളി​ക​ളെ തു​രു​തു​രാ വി​റ​പ്പി​ച്ചു നി​ർ​ത്തി. മ​ധ്യ​ഭാ​ഗം പി​ന്നി​ട്ട് പ​ന്ത് ഗോ​കു​ലം ഗോ​ളി​ക്കു​നേ​രെ പാ​ഞ്ഞ​ത് അ​പൂ​ർ​വ​മാ​യി​രു​ന്നു.

രാ​ജ​സ്ഥാ​ൻ മു​ന്നേ​റ്റ​ത്തെ ത​ട​യാ​നു​ള്ള ശ്ര​മ​ത്തി​നി​ടെ ഗോ​കു​ല​ത്തി​ന്റെ മൂ​ന്ന് താ​ര​ങ്ങ​ൾ മ​ഞ്ഞ​ക്കാ​ർ​ഡ് ക​ണ്ടു. 60ാം മി​നി​റ്റി​ൽ കൊ​മ​റോ​ണി​നെ ക​യ​റ്റി പ​ക​ര​ക്കാ​ര​നാ​യി അ​ല​ക്സാ​ൺ​ട്രോ സാ​ഞ്ച​സ് ഇ​റ​ങ്ങി​യു​ട​ൻ കി​ട്ടി​യ ആ​ദ്യ പ​ന്ത് രാ​ജ​സ്ഥാ​ൻ ഗോ​ൾ പോ​സ്റ്റി​ലേ​ക്ക് നീ​ട്ടി വി​ട്ടെ​ങ്കി​ലും ഗോ​ളി പ​റ​ന്നെ​ത്തി ബാ​റി​നു മു​ക​ളി​ലേ​ക്ക് ത​ട്ടി മാ​റ്റി ര​ക്ഷ​പ്പെ​ടു​ത്തി.

എ​ഡു ബെ​ഡി​യ എ​ടു​ത്ത കോ​ർ​ണ​ർ കി​ക്ക് ക​ളി​ക്കാ​ർ​ക്കി​ട​യി​ലൂ​ടെ പി​ന്നി​ൽ​നി​ന്ന് പ​റ​ന്നെ​ത്തി​യ സാ​ഞ്ച​സ് ഹെ​ഡ് ചെ​യ്ത് ഗോ​ളാ​ക്കി 2-0ത്തി​ന്റെ ലീ​ഡാ​ക്കി. 69ാം മി​നി​റ്റി​ൽ നൈ​ജീ​രി​യ​ക്കാ​ര​നാ​യ ജ​സ്റ്റി​ന് ല​ഭി​ച്ച സു​വ​ർ​ണാ​വ​സ​രം കാ​ലി​ൽ​നി​ന്ന് വ​ഴു​തി​മാ​റി​യെ​ങ്കി​ലും ഗോ​കു​ല​ത്തി​ന്റെ ക്യാ​പ്റ്റ​ൻ ശ്രീ​ക്കു​ട്ട​ൻ ഗോ​ളാ​ക്കി പ​ട്ടി​ക മു​ന്നി​ലേ​ക്ക് ഉ​യ​ർ​ത്തി.

70ാം മി​നി​റ്റി​ൽ റി​ഷാ​ദി​നെ​യും സൗ​ര​വി​നെ​യും നൗ​ഫ​ലി​നെ​യും ക​ള​ത്തി​ലി​റ​ക്കി​യ​തോ​ടെ മ​ല​ബാ​റി​യ​ൻ​സി​നു ക​രു​ത്തു​കൂ​ടി. 74ാം മി​നി​റ്റി​ൽ പ​ന്തു​മാ​യി കു​തി​ച്ചു​പാ​ഞ്ഞ സാ​ഞ്ച​സ് ത​ന്റെ ര​ണ്ടാ​മ​ത്തെ ഗോ​ള​ടി​ച്ച് 4-0ന്റെ ​ലീ​ഡി​ലേ​ക്ക് ഗോ​കു​ല​ത്തി​നെ ഉ​യ​ർ​ത്തി.

88ാം മി​നി​റ്റി​ൽ വ​ല​തു വി​ങ്ങി​ലൂ​ടെ എ​ത്തി​യ നൗ​ഫ​ൽ ന​ൽ​കി​യ പാ​സ് എ​ടു​ത്ത സാ​ഞ്ച​സ് മ​നോ​ഹ​ര​മാ​യ പ​ന്ത​ടു​ക്ക​ത്തോ​ടെ ഗോ​ളി​യെ മ​റി​ക​ട​ത്തി ഗോ​ൾ വ​ല​യി​ലെ​ത്തി​ച്ച​തോ​ടെ ക​ളി​യി​ലെ ത​ന്റെ ആ​ദ്യ ഹാ​ട്രി​ക് കു​റി​ച്ചു. 90ാം മി​നി​റ്റി​ൽ പെ​നാ​ൽ​റ്റി ബോ​ക്സി​ൽ​വെ​ച്ച് സാ​ഞ്ച​സി​നെ ഫൗ​ൾ ചെ​യ്ത​തി​നാ​ൽ പെ​നാ​ൽ​റ്റി ല​ഭി​ച്ചു. സാ​ഞ്ച​സ് എ​ടു​ത്ത പെ​നാ​ൽ​റ്റി കി​ക്ക് രാ​ജ​സ്ഥാ​ൻ ഗോ​ളി സ​ചി​ൻ ഝാ ​സേ​വ് ചെ​യ്തു.