നാളത്തെ ബ്ലാസ്റ്റേഴ്സ്-എ.ടി.കെ മത്സരവും മാറ്റി

മഡ്ഗാവ്: ഇന്ത്യൻ സൂപ്പർ ലീഗിൽ വ്യാഴാഴ്ച നടക്കാനിരുന്ന കേരള ബ്ലാസ്റ്റേഴ്സ്-എ.ടി.കെ മോഹൻ ബഗാൻ മത്സരവും മാറ്റിവെച്ചു. ബ്ലാസ്റ്റേഴ്സ് നിരയിലെ താരങ്ങൾക്ക് കോവിഡ് ബാധിച്ചതിനെ തുടർന്നാണ് മത്സരം മാറ്റിവെച്ചത്.

വാസ്കോയിലെ തിലക് മൈതാനിയിലാണ് മത്സരം നിശ്ചയിച്ചിരുന്നത്. കഴിഞ്ഞ ഞായറാഴ്ചത്തെ മുംബൈ സിറ്റി എഫ്.സി-കേരള ബ്ലാസ്റ്റേഴ്സ് മത്സരവും കോവിഡിനെ തുടർന്ന് മാറ്റിവെച്ചിരുന്നു. കേരള ബ്ലാസ്റ്റേഴ്സ് നിരയിൽ ഗ്രൗണ്ടിലിറക്കാൻ താരങ്ങളെ തികയില്ലെന്ന് വ്യക്തമായ പശ്ചാത്തലത്തിലാണ് മത്സരം മാറ്റിവെച്ചത്.

മെഡിക്കൽ ടീമുമായി ചർച്ച നടത്തിയതായും താരങ്ങളുടെയും പരിശീലകരുടെയും സുരക്ഷ ഉറപ്പാക്കുമെന്നും അധികൃതർ അറിയിച്ചു.