ക്ലാ​സ് ഗോ​ളു​മാ​യി സ​ഹ​ൽ; വാ​സ്ക്വ​സി​ന് ഡ​ബ്ൾ; കേരള ബ്ലാസ്റ്റേഴ്സിന് മിന്നുന്ന ജയം

പ​നാ​ജി: സ​ഹ​ൽ തു​ട​ക്ക​മി​ട്ട് വാ​സ്ക്വ​സ് ര​ണ്ടു​വ​ട്ടം പൂ​ർ​ത്തി​യാ​ക്കി​യ ഗോ​ൾ​മേ​ള​വു​മാ​യി മ​ഞ്ഞ​പ്പ​ട​യു​ടെ തേ​രോ​ട്ടം. മും​ബൈ​യെ ഒ​ന്നി​നെ​തി​രെ മൂ​ന്നു ഗോ​ളു​ക​ൾ​ക്ക് മു​ക്കി​യാ​ണ് കേ​ര​ള ബ്ലാ​സ്റ്റേ​ഴ്സ് ഐ.​എ​സ്.​എ​ൽ നോ​ക്കൗ​ട്ടി​​ലേ​ക്ക് ഒ​രു ചു​വ​ട് അ​ക​ലെ​യെ​ത്തി​യ​ത്. പോ​യ​ന്റ് പ​ട്ടി​ക​യി​ൽ നാ​ലാ​മ​തെ​ത്തി​യ ബ്ലാ​സ്റ്റേ​ഴ്സി​ന് 33 പോ​യ​ന്റാ​യ​പ്പോ​ൾ 31 ആ​ണ് മും​ബൈ​ക്ക്. ഗോ​ൾ ശ​രാ​ശ​രി​യി​ൽ ഏ​റെ മു​ന്നി​ലാ​യ​തി​നാ​ൽ അ​ടു​ത്ത ക​ളി​യി​ൽ സ​മ​നി​ല​പോ​ലും മ​ഞ്ഞ​പ്പ​ട​ക്ക് സെ​മി​യി​ലേ​ക്ക് ടി​ക്ക​റ്റ് ന​ൽ​കും. ഗോ​വ​യാ​ണ് അ​വ​സാ​ന മ​ത്സ​ര​ത്തി​ൽ കേ​ര​ള​ത്തി​ന്റെ എ​തി​രാ​ളി​ക​ൾ. മും​ബൈ​ക്ക് ക​രു​ത്ത​രാ​യ ഹൈ​ദ​രാ​ബാ​ദും.

ജ​യ​ത്തി​ൽ കു​റ​ഞ്ഞ​തൊ​ന്നും സ​ഹാ​യി​ക്കി​ല്ലെ​ന്ന ബോ​ധ്യം ബൂ​ട്ടു​ക​ളി​ൽ നി​റ​ച്ച് മൈ​താ​നം നി​റ​ഞ്ഞു​ക​ളി​ച്ച മ​ഞ്ഞ​പ്പ​ട തു​ട​ക്കം മു​ത​ൽ ആ​ക്ര​മ​ണ​ത്തി​ന്റെ അ​ല​മാ​ല​ക​ൾ തീ​ർ​ക്കു​ന്ന​താ​യി​രു​ന്നു കാ​ഴ്ച. ഒ​ന്നാം മി​നി​റ്റി​ൽ മും​ബൈ തു​ട​ക്ക​മി​ട്ട ഗോ​ൾ​നീ​ക്ക​ങ്ങ​ൾ അ​തി​വേ​ഗം ഏ​റ്റെ​ടു​ത്ത ബ്ലാ​സ്റ്റേ​ഴ്സ് ര​ണ്ടാം മി​നി​റ്റി​ൽ മും​ബൈ ഗോ​ൾ​മു​ഖ​ത്ത് വ​ര​വ​റി​യി​ച്ചു. പ്യൂ​ട്ടി​യ എ​ടു​ത്ത ഫ്രീ​കി​ക്ക് ഡ​യ​സ് ഗോ​ളി​ലേ​ക്ക് വ​ഴി​തി​രി​ച്ചു​വി​ട്ടെ​ങ്കി​ലും പ്ര​തി​രോ​ധ​ത്തി​ൽ ത​ട്ടി മ​ട​ങ്ങി. 12ാം മി​നി​റ്റി​ൽ അ​ഡ്രി​യ​ൻ ലൂ​ണ ന​ൽ​കി​യ ലോ​ങ് പാ​സ് കാ​ലി​ലെ​ടു​ത്ത സ​ന്ദീ​പ് പാ​യി​ച്ച ഷോ​ട്ട് പു​റ​ത്തേ​ക്കു​പോ​യി.

ഗോ​ൾ​ദാ​ഹം തീ​​രാ​തെ പാ​ഞ്ഞു​ന​ട​ന്ന മ​ഞ്ഞ​പ്പ​ട​യു​ടെ മ​ന​സ്സു​നി​റ​ച്ച് 19ാം മി​നി​റ്റി​ൽ സ​ഹ​ൽ അ​ബ്ദു​സ്സ​മ​ദി​ന്റെ ക്ലാ​സ് ഗോ​ളെ​ത്തി. ബോ​ക്സി​ന്റെ ഒ​രു​വ​ശ​ത്ത് വ​ട്ട​മി​ട്ടു​നി​ന്ന സ​ഹ​ലി​ന്റെ കാ​ലി​ൽ പ​ന്തെ​ത്തു​മ്പോ​ൾ ഒ​ട്ടും ഭീ​തി​യി​ല്ലാ​ത്ത മും​ബൈ കോ​ട്ട കാ​ത്ത് പ്ര​തി​രോ​ധ​നി​ര​യി​ലെ നാ​ലു പേ​ർ. എ​ല്ലാം ശു​ഭ​മെ​ന്നു​റ​പ്പി​ച്ച കാ​വ​ൽ​നി​ര​യെ ഓ​രോ​രു​ത്ത​രാ​യി വെ​ട്ടി​യൊ​ഴി​ഞ്ഞ് ഗോ​ളി​യെ​യും കാ​ഴ്ച​ക്കാ​ര​നാ​ക്കി പോ​സ്റ്റി​ന്റെ വ​ല​തു​മൂ​ല​യി​ലേ​ക്ക് ത​ട്ടി​യി​ട്ട സ​ഹ​ൽ ഐ.​എ​സ്.​എ​ൽ സീ​സ​ണി​ലെ ഏ​റ്റ​വും മി​ക​ച്ച ഗോ​ളു​ക​ളി​ലൊ​ന്ന് സ്വ​ന്തം​പേ​രി​ൽ കു​റി​ച്ചു. ഇ​തോ​ടെ ഉ​ണ​ർ​ന്ന മും​ബൈ സ​മ​നി​ല പി​ടി​ക്കാ​ൻ ശ്ര​മം സ​ജീ​വ​മാ​ക്കി​യെ​ങ്കി​ലും ഒ​രു പ​ണ​ത്തൂ​ക്കം മു​ന്നി​ൽ​നി​ന്ന​ത് മ​ഞ്ഞ​പ്പ​ട​ത​ന്നെ. 26ാം മി​നി​റ്റി​ൽ വാ​സ്ക്വ​സി​ന്റെ ഫ്രീ​കി​ക്ക് അ​പാ​യ​മ​ണി മു​ഴ​ക്കി​യെ​ങ്കി​ലും മും​ബൈ ഗോ​ളി ന​വാ​സ് ആ​യാ​സ​പ്പെ​ട്ട് ത​ട​ഞ്ഞു. ഒ​ന്നാം പ​കു​തി അ​വ​സാ​നി​ക്കാ​നി​രി​ക്കെ പ​ന്തു​മാ​യി പെ​നാ​ൽ​റ്റി ബോ​ക്സി​ലെ​ത്തി​യ വാ​സ്ക്വ​സി​നെ ഫൗ​ൾ ചെ​യ്ത​തി​ന് ല​ഭി​ച്ച പെ​നാ​ൽ​റ്റി താ​രം അ​നാ​യാ​സ​മാ​യി വ​ല​യി​ലെ​ത്തി​ച്ച​പ്പോ​ൾ ലീ​ഡ് 2-0.

ഇ​ട​വേ​ള ക​ഴി​ഞ്ഞ് ര​ണ്ടാം പ​കു​തി​ക്ക് വി​സി​ൽ മു​ഴ​ങ്ങി​യ​തി​ൽ​പി​ന്നെ ക​ളി​യു​ടെ നി​യ​ന്ത്ര​ണം മും​ബൈ ഏ​റ്റെ​ടു​ത്തെ​ന്ന് തോ​ന്നി​ച്ചു. അ​വ​സ​ര​ങ്ങ​ൾ സൃ​ഷ്ടി​ച്ചും ഗോ​ൾ​മു​ഖം വി​റ​പ്പി​ച്ചും മും​ബൈ മു​ന്നേ​റ്റം പ​ല​വ​ട്ടം ബ്ലാ​സ്റ്റേ​ഴ്സ് ഗോ​ളി​യെ പ​രീ​ക്ഷി​ച്ചു. അ​തി​നി​ടെ, അ​പ്ര​തീ​ക്ഷി​ത​മാ​യി മ​ഞ്ഞ​പ്പ​ട ലീ​ഡ് മൂ​ന്നാ​ക്കി. സ്വ​ന്തം ഹാ​ഫി​ലെ അ​പ​ക​ട​മൊ​ഴി​വാ​ക്കാ​ൻ മു​ർ​ത​ദ ഫാ​ൾ ന​ൽ​കി​യ മൈ​ന​സ് പാ​സ് മും​ബൈ ഗോ​ളി ന​വാ​സ് അ​ടി​ച്ചൊ​ഴി​വാ​ക്കാ​ൻ ശ്ര​മി​ച്ചെ​ങ്കി​ലും വ​ന്നു​വീ​ണ​ത് തൊ​ട്ടു​മു​ന്നി​ലു​ണ്ടാ​യി​രു​ന്ന വാ​സ്ക്വ​സി​ന്റെ കാ​ലു​ക​ളി​ൽ. നി​സ്സാ​ര​മാ​യി കാ​ൽ​വെ​ച്ച് വ​ല​യി​ലേ​ക്ക് ഒ​ഴു​ക്കി​വി​ടു​മ്പോ​ൾ നെ​ഞ്ചു ത​ക​ർ​ന്നു നോ​ക്കി​നി​ൽ​ക്കാ​നേ ഗോ​ളി​ക്കാ​യു​ള്ളൂ. ഗോ​ളു​ക​ളു​ടെ എ​ണ്ണം കൂ​ടി​യി​ട്ടും പ്ര​തീ​ക്ഷ വി​ടാ​തെ പൊ​രു​തി​യ മും​ബൈ 71ാം മി​നി​റ്റി​ൽ പെ​നാ​ൽ​റ്റി​യി​ലൂ​ടെ അ​ക്കൗ​ണ്ട് തു​റ​ന്നു. മൗ​റി​സ്യോ​യെ ബോ​ക്സി​ൽ വീ​ഴ്ത്തി​യ​തി​ന് ല​ഭി​ച്ച പെ​നാ​ൽ​റ്റി താ​രം ത​ന്നെ വ​ല​യി​​ലെ​ത്തി​ക്കു​ക​യാ​യി​രു​ന്നു.

ഗോ​ളി​ൽ ആ​വേ​ശം ഇ​ര​ട്ടി​യാ​ക്കി​യ മും​ബൈ പി​ന്നെ​യും ത​ക​ർ​ത്തു​ക​ളി​ച്ചു. വി​ട്ടു​കൊ​ടു​ക്കാ​നി​ല്ലാ​തെ മ​ഞ്ഞ​പ്പ​ട​യും ഒ​പ്പ​ത്തി​നൊ​പ്പം നി​ന്നു. കൊ​ണ്ടും കൊ​ടു​ത്തും ക​ളി മു​ന്നേ​റി​യ നി​മി​ഷ​ങ്ങ​ളി​ൽ ഇ​രു ഗോ​ൾ​മു​ഖ​ങ്ങ​ളും നി​ര​ന്ത​രം വി​റ​കൊ​ണ്ടെ​ങ്കി​ലും ഗോ​ൾ മാ​ത്രം അ​ക​ന്നു​നി​ന്നു. വി​ജ​യം ഉ​റ​പ്പി​ച്ച ബ്ലാ​സ്റ്റേ​ഴ്സ് അ​തി​നി​ടെ വാ​സ്ക്വ​സി​നെ​യും തൊ​ട്ടു​മു​മ്പ് സ​ഹ​ലി​നെ​യും പി​ൻ​വ​ലി​ച്ചു. ആ​റു മി​നി​റ്റ് അ​ധി​ക സ​മ​യ​ത്തും ഗോ​ൾ അ​ന്യം​നി​ന്ന ക​ളി​യി​ൽ ആ​ധി​കാ​രി​ക ജ​യ​വു​മാ​യി ​ബ്ലാ​സ്റ്റേ​ഴ്സ് സെ​മി​ക്ക് തൊ​ട്ട​രി​കെ​യെ​ത്തി.