ജയിച്ചിട്ടും യുവന്‍റസ്​ പുറത്ത്​; എഫ്​.സി പോർ​ടോ ചാമ്പ്യൻസ്​ ലീഗ്​ ക്വാർട്ടറിൽ

ക്രി​സ്​​റ്റ്യാ​നോ റൊ​ണാ​ൾ​ഡോ​യു​ടെ നാ​ട്ടി​ൽ​നി​ന്നേ​റ്റ അ​ട്ടി​മ​റി​ക്ക്​ ക​ണ​ക്കു​ചോ​ദി​ക്കാ​നിറങ്ങിയ യു​വ​ൻ​റ​സ്​ സ്വന്തം തട്ടകത്തിൽ എഫ്​.സി പോർടോയൊ തകർത്തെങ്കിലും ചാമ്പ്യൻസ്​ ലീഗ്​ ക്വാർട്ടർ കാണാതെ പുറത്ത്​. പ്രീ​ക്വാ​ർ​ട്ട​റി​ലെ ര​ണ്ടാം പാ​ദ​ത്തി​ൽ സ്വ​ന്തം ഗ്രൗ​ണ്ടാ​യ അ​ല​യ​ൻ​സ്​ അ​റീ​ന​യി​ൽ പോർചുഗീസ്​ ടീമിനെ രണ്ടിനെതിരെ മൂന്ന്​ ഗോളിന്​ പരാജയപ്പെടുത്തിയെങ്കിലും എവേ ഗോളുകളുടെ പിൻബലത്തിൽ പോർ​േടാ മുന്നേറുകയായിരുന്നു.

ര​ണ്ടാ​ഴ്​​ച മു​മ്പ്​ ന​ട​ന്ന ആ​ദ്യ​പാ​ദ​ത്തി​ൽ 2-1നാ​ണ്​ പോ​ർ​ടോ ക്രി​സ്​​റ്റ്യാ​നോ​യെ​യും സം​ഘ​ത്തെ​യും തോ​ൽ​പി​ച്ച​ത്​. രണ്ട്​ പാദങ്ങളിലുമായി ഇരുടീമുകളും നാല്​ ഗോൾ നേടിയപ്പോൾ എവേ മത്സരത്തിൽ രണ്ട്​ തവണ വലകുലുക്കിയതിന്‍റെ പിൻബലത്തിൽ പോർടോ ക്വാർട്ടറിൽ കടക്കുകയായിരുന്നു.

19ാം മിനിറ്റിൽ സെർജിയോ ഒലിവേര നേടിയ ഗോളിൽ പോർ​ടോയാണ്​ ആദ്യം മുന്നിലെത്തിയത്​. മറുപടി ഗോളിനായി​ 49ാം മിനിറ്റ്​ വരെ കാത്തിരിക്കേണ്ടി വന്നു ആതിഥേയർക്ക്​. ഫെഡറിക്കോ ചിയെസയാണ്​ യുവന്‍റസിനെ ഒപ്പമെത്തിച്ചത്​. അൽപ്പസമയത്തിനകം മെഹ്​ദി ടരേമി ചുവപ്പ്​ കാർഡുമായി പുറത്തുപോയതോടെ 10 പേരുമായിട്ടായിരുന്നു പോർടോയുടെ പോരാട്ടം.

63ാം മിനിറ്റിൽ ഫെഡറിക്കോ ചിയെസ വീണ്ടും യുവന്‍റസിനായി വലകുലുക്കി. ഇതോടെ അഗ്രിഗേറ്റ്​ സ്​​കോർ 2-2. പിന്നീട്​ ഗോളുകളൊന്നും പിറക്കാത്തതിനാൽ മത്സരം എക്​സ്​ട്രാ ടൈമിലേക്ക്​ നീണ്ടു. 115ാം മിനിറ്റിൽ ലഭിച്ച പെനാൽറ്റി സെർജിയോ ഒലിവേര വലയിലെത്തിച്ചതോടെ യുവന്‍റസിന്‍റെ പതനം പൂർത്തിയായി. രണ്ട്​ മിനിറ്റിനകം അഡ്രിയാൻ റാബിയോട്ട്​ ഗോൾ മടക്കിയെങ്കിലും പോർ​ട്ടോയുടെ ക്വാർട്ടർ പ്രവേശനത്തിന്​ തടസ്സമായില്ല.

മറ്റൊരു മത്സരത്തിൽ സെവിയ്യയ സമനിലയിൽ തളച്ച ബൊറൂസിയ ഡോർട്ടുമുണ്ട്​ (2-2) ആദ്യ പാദത്തിലെ വിജയത്തിന്‍റെ മികവിൽ ക്വാർട്ടറിൽ കടന്നു. ആ​ദ്യ​പാ​ദ​ത്തി​ൽ 3-2നായിരുന്നു​ ​ബൊ​റൂ​സി​യയുടെ ജ​യം.