വീണ്ടും ഗോളുമായി കലിയൂഷ്നി; ബ്ലാസ്റ്റേഴ്സ് മുന്നിൽ

കൊച്ചി: തുടർച്ചയായ രണ്ടാം മത്സരത്തിലും ബ്ലാസ്റ്റേഴ്സിനായി ഗോളടിച്ച് ഇവാൻ കലിയൂഷ്നി. ആറാം മിനിറ്റിലാണ് യു​​ക്രെയ്നിൽ നിന്നുള്ള താരം എ.ടി.കെ മോഹൻ ബഗാന്റെ വലയിൽ പന്തെത്തിച്ചത്. കഴിഞ്ഞ മത്സരത്തിൽ ഈസ്റ്റ് ബംഗാളിനെതിരെ പകരക്കാരനായെത്തി ഇരട്ട ഗോളടിച്ച് താരം ശ്രദ്ധ നേടിയിരുന്നു.

ഈസ്റ്റ്ബംഗാളിനെതിരെ ​േപ്ലയിങ് ഇലവനിലിറങ്ങിയ അപോസ്തോലോസ് ജിയാനു- ദിമിത്രിയോസ് ദിയമാന്റകോസ് ആക്രമണ ജോഡിയിൽ ജിയാനുവിനെ മാറ്റിയാണ് കോച്ച് ഇവാൻ വുകുമനോവിച്ച് കലിയൂഷ്നിക്ക് എ.ടി.കെക്കെതിരെ സ്റ്റാർട്ടിങ് ഇലവനിൽ സ്ഥാനം നൽകിയത്. കരുത്തുറ്റ എതിരാളികൾക്കെതിരെ യു​ക്രെയ്ൻ സ്ട്രൈക്കറുടെ സ്കോറിങ് പാടവം തുണക്കെത്തുമെന്ന കോച്ചിന്റെ പ്രതീക്ഷ കാത്ത താരം ടൂർണമെന്റിലെ മൂന്നാം ഗോളാണ് നേടിയത്.