ബിദ്യാഷാഗർ സിങ് കേരള ബ്ലാസ്റ്റേഴ്‌സിൽ

കൊച്ചി: ബംഗളൂരു എഫ്‌.സി സ്‌ട്രൈക്കർ ബിദ്യാഷാഗർ സിങ് കേരള ബ്ലാസ്‌റ്റേഴ്‌സിൽ. 2023വരെ ബംഗളൂരു എഫ്‌.സിയിൽനിന്ന്‌ വായ്‌പ അടിസ്ഥാനത്തിലാണ്‌ ഈ യുവ സ്‌ട്രൈക്കർ കേരള ബ്ലാസ്‌റ്റേഴ്‌സിലെത്തിയത്‌. ടിഡിം റോഡ്‌ അത്‌ലറ്റിക്‌ യൂനിയൻ എഫ്‌.സിയിൽ കളിജീവിതം ആരംഭിച്ച ഈ ഇരുപത്തിനാലുകാരൻ 2016ൽ ഈസ്‌റ്റ്‌ ബംഗാൾ എഫ്‌.സിക്കൊപ്പമാണ് പ്രഫഷനൽ കരിയറിന് തുടക്കംകുറിച്ചത്.

2016-17 അണ്ടർ 18 ഐ ലീഗിൽ ഈസ്റ്റ് ബംഗാളിനെ ഫൈനലിൽ എത്തിച്ചതോടെയാണ്‌ ശ്രദ്ധേയനാകുന്നത്‌. ടൂർണമെന്റിൽ ആറ്‌ ഗോൾ നേടി. 2018ൽ സീനിയർ ടീമിനായും അരേങ്ങേറി. 2020ൽ ഐ ലീഗ്‌ ക്ലബ് ട്രാവുവുമായി ബിദ്യാഷാഗർ കരാർ ഒപ്പിട്ടു. ഐ ലീഗിലെ മിന്നുന്ന പ്രകടനത്തെത്തുടർന്ന്‌ അദ്ദേഹം ബംഗളൂരു എഫ്‌സിയുമായി കരാർ ഒപ്പുവെച്ചു.