മൈതാനം പിടിച്ചിട്ടും സമനില കുരുക്ക്​; ജയം കൈവിട്ട്​ പിന്നെയും ബ്ലാസ്​റ്റേഴ്​സ്​

ഡൽഹി: 90 മിനിറ്റും മനോഹരമായി മൈതാനം നിറഞ്ഞ്​ പന്തുമായി ഓടിനടന്നിട്ടും മലയാളിപ്പടക്ക്​ കിട്ടാക്കനിയായി വിജയം. ഇരു പകുതികളിലും അവസരങ്ങൾ പെരുമഴയായി കാലിൽ ലഭിച്ച സംഘം എതിർപോസ്​റ്റിൽ മലയാളിയായ ടി.പി രഹനേഷിനെ തോൽപിക്കാൻ മറ​ന്നപ്പോൾ പിന്നെയും സമനില കുരുക്ക്​. ഗോൾ തീരെ പിറക്കാതെ പോയ മത്സരത്തിൽ ഇരുടീമുകൾക്കും ​ജയമില്ലാതെ പോയതോടെ പോയിൻറ്​ നിലയിൽ കാര്യമായ മാറ്റമുണ്ടായില്ലെന്ന്​ വേണമെങ്കിൽ ആശ്വസിക്കാം. ​

എതിരാളികളുടെ തട്ടകത്തിലെങ്കിലും കരുത്തിലേറെ ദൗർബല്യം പ്രകടമാക്കിയവരായതിനാൽ ജംഷഡ്​പൂരിനെതിരെ അനായാസ ജയം പ്രതീക്ഷിച്ചായിരുന്നു ​ബ്ലാസ്​റ്റേഴ്​സ്​ ഏഴാം സീസണിലെ 14ാം മത്സരത്തിന്​ ബൂട്ടുകെട്ടിയിറങ്ങിയത്​. കിബു വിക്കുനക്കു പകരം അസിസ്​റ്റൻറ്​ കോച്ച്​ ഇഷ്​ഫാഖ്​ അഹ്​മദ്​ മുഖ്യപരിശീലകക്കുപ്പായമിട്ട ടീം കഴിഞ്ഞ കളികളിലെ വീഴ്​ചകൾക്ക്​ വിരാമമിട്ട പ്രകടനവുമായി​ തുടക്കം ശരിക്കും മിന്നിച്ചു. കഴിഞ്ഞ 13 കളികളിൽ പലവട്ടം വീണ്​ പോയിൻറ്​ പട്ടികയിൽ ഒമ്പതാം സ്​ഥാനത്തായതി​െൻറ കേടു തീർത്ത ആക്രമണം ഉടനീളം ക​ണ്ടെങ്കിലും ലക്ഷ്യം മാത്രം പിഴച്ചു. ​

ആദ്യ പകുതിയിൽ മാത്രം മൂന്നു തവണയാണ്​ ​ബ്ലാസ്​റ്റേഴ്​സ്​ ആക്രമണം ക്രോസ്​ബാർ ചുംബിച്ച്​ മടങ്ങിയത്​. ഏഴാം മിനിറ്റിലായിരുന്നു ആദ്യ അവസരം. ബ്ലാസ്​റ്റേഴ്​സ്​ കീപർ ആൽബിനോ ഗോമസ്​ നീട്ടിനൽകിയ ക്രോസ്​ സ്വീകരിച്ച വാൽസ്​കിസ്​ ലക്ഷ്യത്തിലേക്ക്​ നിറയൊഴിച്ചെങ്കിലും ജംഷഡ്​പൂർ ഗോളി ടി.പി രഹനേഷും ക്രോസ്​ബാറും ചേർന്ന്​ രക്ഷകരായി. പിന്നെയും മുനകൂർത്ത മുന്നേറ്റങ്ങളുമായി മൈതാനം വിറപ്പിച്ച കേരള ടീമി​െൻറ പ്രതീക്ഷകൾ പക്ഷേ, അവസാന ലക്ഷ്യത്തിനു മുന്നിൽ കിതച്ചു. 34ാം മിനിറ്റിൽ ബ്ലാസ്​റ്റേഴ്​സിന്​ പാതി അർഹിച്ച ഗോൾ റഫറി നിഷേധിക്കുകയും ചെയ്​തു. ഗാരി ഹൂപർ- ജോർഡൻ മറെ സഖ്യത്തി​െൻറ മുന്നേറ്റമാണ്​ ഹൂപറി​ലൂടെ വല തുളച്ചുകയറിയത്​. പക്ഷേ, ലൈൻ റഫറി ഓഫ്​സൈഡ്​ വിളിച്ചത്​ അംഗീകരിച്ച റഫറി ഗോൾ നിഷേധിച്ചു. 40ാം മിനിറ്റിൽ മലയാളി മനം ശരിക്കും കുളുർക്കുമെന്ന്​ തോന്നിച്ചെങ്കിലും ക്രോസ്​ബാർ വില്ലനായി. ഇത്തവണയും ഗാരി ഹൂപറും ജോർഡൻ മറേയുമായിരുന്നു തൊട്ടടുത്ത നിമിഷങ്ങളിൽ രണ്ടു തവണ എതിർ പ്രതിരോധം തകർത്ത്​ ക്രോസ്​ബാറിലേക്ക്​ നിറയൊഴിച്ചത്​. അതിലൊന്ന്​, ബാറിൽ തട്ടി കുമ്മായവര കടന്നെങ്കിലും റഫറി മാത്രം കനിഞ്ഞില്ല. പലവട്ടം അപ്പീൽ ​ചെയ്​തുനോക്കിയ മലയാളിപ്പടക്ക്​ അതുവഴി അർഹിച്ച ജയമാണ്​ വഴുതിയത്​.

രണ്ടാം പകുതിയിലും ഒട്ടും തളർച്ച കാണിക്കാതെ ബ്ലാസ്​റ്റേഴ്​സ്​ തന്നെയായിരുന്നു മികവ്​ നിലനിർത്തിയത്​. പലവട്ടം എതിർ പ്രതിരോധത്തെയും ഗോളിയെയും പരീക്ഷിച്ചെങ്കിലും അർഹിച്ച വിജയം മാ​ത്രം വിട്ടുനിന്നു. 68ാം മിനിറ്റിൽ സഹൽ തുടങ്ങിയ മുന്നേറ്റം രോഹിത്​ കുമാർ വലയിലെത്തിക്കുമെന്ന്​ തോന്നിച്ചെങ്കിലും അടി ദുർബലമായി. രണ്ടു മിനിറ്റ്​ കഴിഞ്ഞ്​ പിന്നെയും ഹൂപറും മറേയും ചേർന്ന്​ നടത്തിയ മുന്നേറ്റം ആവേശകരമായെങ്കിലും എവിടെയുമെത്തിയില്ല.

അവസാന മിനിറ്റുകളിൽ പലവട്ടം ആളെ മാറ്റി ഭാഗ്യം പരീക്ഷിക്കാൻ ബ്ലാസ്​റ്റേഴ്​സ്​ ശ്രമം നടത്തിയതും പരാജയപ്പെട്ട ദൗത്യമായി. അതോടെ, മത്സരത്തിന്​ വിരസമായ ഗോൾരഹിത സമനില. ഉടനീളം കളിയിൽ ആധിപത്യം നിലനിർത്തിയ കേരള ടീം എതിർവല ലക്ഷ്യമിട്ട്​ നിറയൊഴിച്ചത്​​ 18 തവണ. നേർപകുതി പോലും വന്നില്ല, ജംഷഡ്​പൂരിന്​- എട്ടു തവണ മാത്രം.

ഒന്നുംഗോളായില്ലെന്ന

ആവേശകരമായി കളിച്ചിട്ടും ഗോൾ പിറക്കാതെ പോയത്​ ദുഃഖമായെന്ന ്​സഹൽ അബ്​ദുൽ സമദ്​ പിന്നീട്​ പറഞ്ഞു.