കേരള പ്രീമിയർ ലീഗ്; പൊലീസിൽ കീഴടങ്ങി ബ്ലാസ്റ്റേഴ്സ്

കോഴിക്കോട്: കോര്‍പറേഷന്‍ സ്റ്റേഡിയത്തില്‍ നടന്ന കേരള പ്രീമിയർ ലീഗില്‍ കേരള ബ്ലാസ്റ്റേഴ്സിനെതിരെ കേരള പൊലീസിന് ജയം. സൂപ്പര്‍ സിക്‌സ് മത്സരത്തില്‍ ഏകപക്ഷീയമായ രണ്ടുഗോളിനാണ് പൊലീസ് ബ്ലാസ്റ്റേഴ്സിനെ കീഴടക്കിയത്.

സ്‌ട്രൈക്കര്‍ ഇ. സജീഷ് ഇരട്ടഗോള്‍ നേടി. സൂപ്പര്‍ സിക്‌സിലെ ആദ്യ മത്സരത്തില്‍ കോവളം എഫ്.സിയെ തോല്‍പിച്ച പൊലീസ് നിലവില്‍ നാല് പോയന്റുമായി ഒന്നാമതാണ്. ശനിയാഴ്ച കോര്‍പറേഷന്‍ സ്റ്റേഡിയത്തില്‍ ഗോകുലം കേരള എഫ്.സിയുമായാണ് പൊലീസിന്റെ അടുത്ത മത്സരം.