കേരള സൂപ്പർലീഗ് നവംബറിൽ

തിരുവനന്തപുരം: എട്ട് പ്രഫഷനല്‍ ഫുട്‌ബാള്‍ ടീമുകളുമായി എത്തുന്ന കേരള സൂപ്പര്‍ ലീഗിന് (കെ.എസ്.എല്‍) നവംബറില്‍ പന്തുരുളും.

മേളയുടെ ലോഗോ മുഖ്യമന്ത്രി പിണറായി വിജയന്‍ പ്രകാശനം ചെയ്തു. മുന്‍ ഇന്ത്യൻ ക്യാപ്റ്റൻ ഐ.എം. വിജയന്‍ കെ.എസ്.എല്‍ ഔദ്യോഗികമായി കിക്ക് ഓഫ് ചെയ്തു. കേരള സ്‌പോർട്സ് കൗണ്‍സില്‍ പ്രസിഡന്റ് യു. ഷറഫലി പന്ത് സ്വീകരിച്ചു.

ഗ്രീന്‍ഫീല്‍ഡ് ഇന്റര്‍നാഷനല്‍ സ്റ്റേഡിയം, കൊച്ചി ജവഹര്‍ലാല്‍ നെഹ്റു സ്റ്റേഡിയം, മഞ്ചേരി പയ്യനാട് സ്റ്റേഡിയം, കോഴിക്കോട് ഇ.എം.എസ് കോര്‍പറേഷന്‍ സ്റ്റേഡിയം എന്നിവിടങ്ങളിലാണ് മത്സരങ്ങള്‍.