ബാഴ്​സ കോച്ചിന്​ ഹൈദരാബാദ് എഫ്​.സി​ കോച്ച്​ റോബർട്ട്​ റോക്കയെ വേണം; പ്രതികരണവുമായി ക്ലബ്​

സ്​പാനിഷ്​ വമ്പൻമാരായ ബാഴ്​സലോണയുടെ കോച്ച്​ റൊണാൾഡ്​ കോമാന്​​ ഇന്ത്യൻ സൂപ്പർ ലീഗിലെ പുതിയ ടീമായ ഹൈദരാബാദ്​ എഫ്​.സിയുടെ കോച്ചിനെ വേണം. ആൽബർട്ട്​ റോക്കയോട്​ ബാഴ്​സയുടെ കോച്ചിങ്​ സ്റ്റാഫായി വരാൻ താൽപര്യമുണ്ടോ എന്ന്​ കോമാൻ ചോദിച്ചതായാണ് പുതിയ​ റിപ്പോർട്ടുകൾ പറയുന്നത്​.

2003 മുതൽ 2008 വരെ ബാഴ്​സയിൽ പ്രവർത്തിച്ച പരിചയവും​ റോക്കക്കുണ്ട്​. ടീമിനെ അടിമുടി മാറ്റാനായി പുതിയ ചില പദ്ധതികളിലേർപ്പെട്ട കോമാൻ, ആൽഫ്രഡ്​ ഷ്ര്യൂഡർ, ഹെൻറിക്​ ലാർസൺ എന്നിവരെ ടീമിലേക്ക്​ എത്തിച്ചിട്ടുണ്ട്​. അതിന്​ പിന്നാലെയാണ്​ കോച്ചിങ്​ സ്റ്റാഫായി റോക്കയെ കൂടി എത്തിക്കാനുള്ള ശ്രമം നടക്കുന്നത്​.

'അതെ, അങ്ങനെയൊരു ഒാഫർ വന്നിട്ടുണ്ട്​. അതിൽ കൂടുതൽ വ്യക്​തതക്കായി നമ്മൾ കാത്തിരിക്കുകയാണ്​. ഇതിൽ എങ്ങനെ പ്രതികരിക്കണമെന്ന്​ അറിയില്ല. റോക്കക്ക്​ ഇതൊരു വലിയ അവസരമാണ്​. എന്നാൽ ഹൈദരാബാദ്​ എഫ്​.സിക്ക്​ അവരുടേതായ താൽപര്യങ്ങളുമുണ്ട്​. ക്ലബ്​ റോക്കയെ ആശ്രയിച്ചുകൂടിയാണ്​ നിലനിൽക്കുന്നത്​. -ഒരു മുതിർന്ന ക്ലബ്​ ഉദ്യോഗസ്ഥൻ ടൈംസ്​ ഒാഫ്​ ഇന്ത്യയോട്​ പറഞ്ഞു.

കഴിഞ്ഞ ആഴ്​ചയാണ്​ നെതർലൻഡ്​സി​െൻറ പരിശീലക സ്ഥാനം ഉപേക്ഷിച്ച്​ രണ്ട്​ വർഷത്തെ കരാറിന്​ കോമാൻ കാംപ്​നൗവിലേക്ക്​ എത്തിയത്​. ചാമ്പ്യൻസ്​ ലീഗ്​ ക്വാർട്ടറിൽ ബയേൺ മ്യൂണിക്കിനോടേറ്റ ഞെട്ടിപ്പിക്കുന്ന തോൽവിക്കു പിന്നാലെ ബാഴ്​സയിൽ നിന്ന്​ പുറത്തായ കോച്ച്​ ക്വിക്കെ സെറ്റിയന്​ പകരക്കാരനാണ്​​ കോമാൻ​​.