എംബാപെ ഡബ്​ളിൽ പി.എസ്​.ജി ഫ്രഞ്ച്​ കപ് ക്വാർട്ടറിൽ

പാരിസ്​: കിലിയൻ എംബാപ്പെ രണ്ടുവട്ടം എതിർവല ചലിപ്പിച്ച ആവേശപ്പോരിൽ ലീഗ്​ വണ്ണിലെ ഒന്നാമന്മാരായ ലിലെയെ വീഴ്​ത്തി പി.എസ്​.ജി ഫ്രഞ്ച്​ കപ്​ അവസാന എട്ടിൽ. ആദ്യ പകുതിയിൽ ​െപനാൽറ്റി ലക്ഷ്യത്തിലെത്തിച്ചും ഇഞ്ചുറി സമയത്ത്​ മനോഹരമായി സ്​കോർ ചെയ്​തുമാണ്​ എംബാപ്പെ ഡബ്​ൾ തികച്ചത്​. കളിയുടെ ഒമ്പതാം മിനിറ്റിൽ ഗോൾ നേടി ഇക്കാർഡി​ പി.എസ്​.ജിക്ക്​ കണ്ണഞ്ചും തുടക്കം നൽകിയേടത്തുനിന്ന്​ എംബാപ്പെ വിജയം ആഘോഷമാക്കുകയായിരുന്നു.

ഫ്രഞ്ച്​ ലീഗിലെ ഒന്നാം ഡിവിഷനായ ലീഗ്​ വണ്ണിൽ മൂന്നു പോയിന്‍റ്​ ലീഡുമായി ലിലെ ഇപ്പോഴും മുന്നിലാണ്​. വീടുകൾ കൊള്ളയടിക്കപ്പെട്ട്​ പാരിസിന്‍റെ ദുഃഖമായി മാറിയ എയ്​ഞ്ചൽ ഡി മരിയ, മാർക്വിഞ്ഞോസ്​ എന്നിവർ ഇന്നലെ ആദ്യ ഇലവനിൽ ഇറങ്ങി. ആദ്യ ഗോളി​ന്​ വഴിയൊരുക്കി ഡി മരിയ തന്‍റെ വരവ്​ ഗംഭീരമാക്കുകയും ​െചയ്​തു.