ലിവർപൂളിനോടേറ്റ​ തോൽവിയിലും തലയുയർത്തി ലീഡ്​സ്

ലണ്ടൻ: തോറ്റെങ്കിലെന്താ, ആരാധക ഹൃദയങ്ങളിലേക്ക്​ ഉൗളിയിട്ടായിരുന്നു ലീഡ്​സ്​ യുനൈറ്റഡി​െൻറ ഇംഗ്ലീഷ്​ പ്രീമിയർ ലീഗ്​ തിരിച്ചുവരവ്​. നിലവിലെ ചാമ്പ്യന്മാരായ ലിവർപൂളി​െൻറ താരസമ്പന്ന സംഘത്തെ മുൾമുനയിൽ നിർത്തി 4-3ന്​ കീഴടങ്ങു​േമ്പാഴും മാഴ്​സലോ ബിയേൽസയുടെ കുട്ടികൾ തലയുയർത്തി, ഗമയോടെ തന്നെ 16 വർഷത്തിനു ശേഷമുള്ള തങ്ങളുടെ പ്രീമിയർ ലീഗ്​ പടയോട്ടം തുടങ്ങി.

ലിവർപൂൾ കോച്ച്​ യുർഗൻ ​േക്ലാപ്പി​െൻറ വാക്കുകളിൽ തന്നെയുണ്ട്​ ലീഡ്​സി​െൻറ മികവിനുള്ള അംഗീകാരം. ''എന്തൊരു മത്സരം. എന്തൊരു എതിരാളി. ഇരു ടീമുകളും ഗംഭീരമായി കളിച്ചു. ഇൗ തുടക്കം എനിക്കിഷ്​ടമായി' -മത്സരശേഷം ​േക്ലാപ്പി​െൻറ വാക്കുകൾ.

സൂപ്പർ താരം മുഹമ്മദ്​ സലാഹി​െൻറ ഹാട്രിക്​ മികവിലായിരുന്നു ലിവർപൂൾ 4-3ന്​ ലീഡ്​സിനെ തോൽപിച്ചത്​. ഒാരോ ഗോൾ നേടി ലിവർപൂൾ മുന്നേറു​േമ്പാഴും ലീഡ്​സ്​ തിരിച്ചടിച്ച്​ ഒപ്പമെത്തി. ഒടുവിൽ 88ാം മിനിറ്റിലെ പെനാൽറ്റിയിലൂടെയാണ്​ ലിവർപൂൾ വിജയ ഗോൾ നേടിയത്​. മൂന്നു ഗോൾ നേടാനായത്​ പോസിറ്റിവ്​ ഘടകമാണ്​. എന്നാൽ, നാലു​ ഗോൾ വഴങ്ങിയത്​ പരിശോധിക്കപ്പെടണം -​ലീഡ്​സ്​ കോച്ച്​ ബിയേൽസയുടെ വാക്കുകൾ.

ന്യൂകാസിൽ വെസ്​റ്റ്​ഹാമിനെയും (2-0), ലെസ്​റ്റർ സിറ്റി ​ വെസ്​റ്റ്​ബ്രോമിനെയും (3-0) തോൽപിച്ചു.