കോടതിയിൽ പോകാനില്ല, ബാഴ്സയിൽ തുടരും -ലയണൽ മെസ്സി
text_fieldsബാഴ്സലോണ: ഫുട്ബാൾ ലോകത്തെ പിടിച്ചുകുലുക്കിയ മെസ്സിയുടെ ട്രാൻസ്ഫർ അഭ്യൂഹങ്ങൾക്ക് വിരാമം. സൂപ്പർതാരം ലയണൽ മെസ്സി 2021വരെ ബാഴ്സലോണയിൽ തുടരുമെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
ബാഴ്സലോണ ക്ലബ് അധികൃതർക്ക് അയച്ച ഫാക്സ് സന്ദേശത്തിലാണ് മെസ്സി തൻെറ തീരുമാനം അറിയിച്ചത്.
''ക്ലബ് വിടുന്ന കാര്യം എൻെറ ഭാര്യയോടും മക്കളോടും സംസാരിച്ചു. അവരാകെ സങ്കടത്തിലായി. എൻെറ കുടുംബമൊന്നാകെ കരയാൻ തുടങ്ങി. എൻെറ കുട്ടികൾക്ക് ഞാൻ ബാഴ്സ വിടുന്നത് ഒട്ടും ഇഷ്ടമല്ല.കൂടുതൽ ഉയരങ്ങളിലേക്ക് തന്നെയാണ് ഞാൻ നോക്കുന്നത്. ചാമ്പ്യൻസ്ലീഗ് അടക്കമുള്ള കൂടുതൽ കിടീടങ്ങളും ഞാൻ പ്രതീക്ഷിക്കുന്നു. വിജയിച്ചാലും ഇല്ലെങ്കിലും, ബുദ്ധിമുട്ടേറിയതാണെങ്കിലും അത് പൂർണമാക്കേണ്ടതുണ്ട്.
ബാഴ്സയിൽ നിന്നും പോകാൻ സ്വാതന്ത്ര്യമുണ്ടെന്ന് ഞാൻ കരുതി. അതിൽ ഉറപ്പുണ്ടായിരുന്നു, സീസൺ അവസാനിക്കുമ്പോൾ തുടരണമോ വേണ്ടയോ എന്ന് തീരുമാനിക്കാമെന്ന് പ്രസിഡൻറ് എപ്പോഴും പറഞ്ഞിരുന്നു.ജൂൺ 10 ന് മുമ്പ് ഞാൻ ഇത് പറഞ്ഞില്ല എന്നാണ് അവർ ഇപ്പോൾ പറയുന്നത്. ജൂൺ 10 ന് ഞങ്ങൾ ഈ ഭയാനകമായ കൊറോണ വൈറസിന് നടുവിൽ ലാ ലിഗയ്ക്കായി മത്സരിക്കുകയായിരുന്നു, ഈ രോഗം സീസണിലും മാറ്റം വരുത്തി.
ഇപ്പോൾ ഞാൻ ക്ലബിൽ തുടരാൻ പോകുന്നു, കാരണം പോകുകയാണെങ്കിൽ 700 മില്യൺ ഡോളറോളം ക്ലോസ് അടക്കണമെന്ന് പ്രസിഡൻറ് എന്നോട് പറഞ്ഞു. ഇത് അസാധ്യമാണ്.പുറത്തുകടക്കാനുള്ള മറ്റൊരു വഴി നിയമത്തിേൻറതായിരുന്നു. ബാഴ്സയ്ക്കെതിരെ ഞാൻ ഒരിക്കലും കോടതിയിൽ പോകില്ല, കാരണം ഇത് ഞാൻ ഇഷ്ടപ്പെടുന്ന ക്ലബ്ബാണ്, ഇവരെല്ലാം എനിക്ക് തന്നു.ഇത് എൻെറ ജീവിതത്തിൻെറ ക്ലബ്ബാണ്, ഇവിടെയാണ് ഞാൻ എൻെറ ജീവിതം ഉണ്ടാക്കിയത്.
ബാഴ്സയെ ഞാൻ സ്നേഹിക്കുന്നു. ഇതിനേക്കാളും മികച്ച ഒരു സ്ഥലം കണ്ടെത്താൻ ഞാൻ നോക്കുന്നില്ല. എങ്കിലും എനിക്ക് തീരുമാനിക്കാനുള്ള അവകാശമുണ്ട്. പുതിയ ലക്ഷ്യങ്ങളും വെല്ലുവിളികളും ഏറ്റെടുക്കാൻ ഞാൻ പോകുകയാണ്. നാളെ എനിക്ക് പോകേണ്ടി വന്നേക്കാം, കാരണം ബാഴ്സയിൽ എനിക്കെല്ലാമുണ്ട്'' - അന്താരാഷ്ട്ര ഫുട്ബാൾ വെബ്സൈറ്റായ ഗോൾ ഡോട്ട് കോമിന് വെള്ളിയാഴ്ച നൽകിയ അഭിമുഖത്തിൽ മെസ്സി മനസ്സുതുറന്നു.
മെസ്സി ഇംഗ്ലീഷ് പ്രീമിയർ ലീഗ് ക്ലബ്ബായ മാഞ്ചസ്റ്റർ സിറ്റിയിലേക്ക് കൂടുമാറിയേക്കുമെന്ന് കനത്ത അഭ്യൂഹങ്ങൾ നിലനിന്നിരുന്നു. മെസ്സിയുടെ പിതാവും ഏജൻറുമായ ഹോർഹെ മെസ്സിയുമായി ബാഴ്സ പ്രസിഡൻറ് ജോസപ് മരിയ ബർതമ്യൂ നടത്തിയ ചർച്ചയിൽ ടീമിൽ തുടരുന്ന കാര്യത്തിൽ തീരുമാനമായതായി യൂറോപ്യൻ മാധ്യമങ്ങൾ നേരത്തേ റിപ്പോർട്ട് ചെയ്തിരുന്നു.
തുടക്കത്തിൽ ഒരു ഒത്തുതീർപ്പിനും വഴങ്ങാതിരുന്ന മെസ്സി വമ്പൻ തുക റിലീസ് േക്ലാസായി ആവശ്യപ്പെട്ടുകൊണ്ടുള്ള ബാഴ്സയുടെ കടുത്ത തീരുമാനത്തിനുമുമ്പിൽ മുട്ടുമടക്കുകയായിരുന്നു. ടീമുമായുള്ള പടലപ്പിണക്കങ്ങൾ വരും സീസണുകളിൽ മെസ്സിയുടെ പ്രകടനത്തെ എങ്ങനെ ബാധിക്കുമെന്ന് കണ്ടറിയണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.