'എമിൽ ഒരു പ്രതിഭാസം'- അർജൻറീനയെ ഫൈനലിലെത്തിച്ച സേവുകൾക്ക്​ ഗോളിയെ വാഴ്​ത്തി മെസ്സി

സവോപോ​േളാ: തുടക്കത്തിലേ മുന്നിലെത്തിയിട്ടും കിട്ടിയ സുവർണാവസരങ്ങളിൽ വിജയം ഉറപ്പിക്കാതെ സമനിലക്ക്​ നിന്നുകൊടുത്ത്​ പെനാൽറ്റി ഷൂട്ടൗട്ട്​ ചോദിച്ചുവാങ്ങിയ നീലക്കുപ്പായക്കാർ അവസാനം കോപ ഫൈനലിലേക്ക്​ ടിക്കറ്റുറപ്പിക്കു​േമ്പാൾ ഹീറോ ആയി ഗോളി എമിലിയാനോ മാർടിനെസ്​. ചരിത്രമുറങ്ങുന്ന മാറക്കാന മൈതാനത്ത്​ ശനിയാഴ്​ച നെയ്​മർ നയിക്കുന്ന സാംബ കരുത്തിനെതിരെ അങ്കം കുറിക്കാൻ കരുത്തുനൽകിയ ആ മിന്നും സേവുകളാണിപ്പോൾ അർജൻറീന ക്യാമ്പിലെ വർത്തമാനം.

മാനേ ഗരിഞ്ച മൈതാനത്ത്​ മുഴുസമയത്ത്​ 1-1ന്​ സമനില വന്നതോടെയാണ്​ പെനാൽറ്റിയിലേക്ക്​ കളി നീങ്ങിയത്​. പിന്നീട്​ സംഭവിച്ചതിനെ കുറിച്ച്​ മെസ്സി ത​​െന്ന പറയും: ''എമിൽ ഒരു പ്രതിഭാസമാണ്​. അവനിൽ ഞങ്ങൾ വിശ്വാസം അർപിച്ചിരുന്നു''. അതുതന്നെ സംഭവിക്കുകയും ചെയ്​തു.

ഉദ്വേഗം പെനാൽറ്റി ബോക്​സിലേക്ക്​ ചുരുങ്ങിയ നിമിഷങ്ങളിൽ മൂന്നു കൊളംബിയൻ ഷോട്ടുകൾ എമിലി​യാനോ മാർടിനെസി​െൻറ കൈകളിൽ തട്ടി മടങ്ങി. സാഞ്ചെസ്​, യെറി മിന, എഡ്വിൻ കാർഡോണ എന്നിവരെയാണ്​ അർജൻറീന ഗോളി നിരാശരാക്കിയത്​. ക്വാഡ്രാഡോ, മിഗ്വൽ ബോർയ എന്നിവർ ലക്ഷ്യം കണ്ടു. മറുവശത്ത്​ റോഡ്രിഗോ പോൾ അവസരം കളഞ്ഞുകുളിച്ചപ്പോൾ മെസ്സിയിൽ തുടങ്ങി ലിയാ​ൻഡ്രോ പരേഡെസ്​, ലോടറോ മാർടിനെസ്​ എന്നിവർ വല തുളച്ച്​ വിജയം പൂർത്തിയാക്കി.

തനിക്ക്​ ബ്രസീലിനെതിരെ ഫൈനൽ കളിക്കണമെന്നുണ്ടായിരുന്നുവെന്ന്​ പെനാൽറ്റിക്കു ശേഷം മാർടിനെസി​െൻറ​ കണ്ണീരണിഞ്ഞ വാക്കുകൾ. ''ഏറ്റവും മികച്ച പരിശീലകൻ. ലോകത്തെ ഏറ്റവും മികച്ച താരം. ആ കപ്പ്​ ഞങ്ങൾ നേടും''- എന്നും എമിൽ പറയുന്നു.