പിന്നെയും വീണ്​ ലിവർപൂൾ; ​േക്ലാപി​െൻറ കുട്ടികൾക്ക്​ ചുവടുപിഴക്കുന്നു?

പ്രിമിയർ ലീഗ്​ കഴിഞ്ഞ സീസണിൽ എതിരാളികളെ അതിവേഗം ബഹുദൂരം പിറകിലാക്കി കിരീടത്തിൽ മുത്തമിട്ട ​േക്ലാപ്പി​െൻറ കുട്ടികൾ​ക്ക്​ അവസാനം ചുവടുപിഴക്കുന്നോ?

കോവിഡ്​ നിയ​ന്ത്രണങ്ങളിൽ വമ്പന്മാർ ഇടറിവീഴുകയും 'ഇത്തിരിക്കുഞ്ഞന്മാർ' കരുത്തു തെളിയിക്കുകയും ചെയ്യുന്നത്​ പതിവുകാഴ്​ചയായി മാറിയ ഇംഗ്ലീഷ്​ മണ്ണിൽ ഏറ്റവും ഒടുവിൽ ഞെട്ടിയത്​ ലിവർപൂളാണ്​. മാഞ്ചസ്​റ്റർ യുനൈറ്റഡിനൊപ്പം ഒന്നാം സ്​ഥാനം പങ്കിടുന്ന ചെമ്പട കളി തുടങ്ങി രണ്ടാം മിനിറ്റിൽ വീണ ഒരു ഗോളിന്​ സതാംപ്​ടണിനോടാണ്​ വീണത്​.

അലിസൺ വലകാത്ത ലിവർപൂൾ പോസ്​റ്റിൽ ഡാനി ഇങ്​സായിരുന്നു സതാംപ്​ടണി​െൻറ വിജയ ഗോൾ കുറിച്ചത്​. സീസണിൽ ഇത്​ രണ്ടാം തോൽവി മാത്രമാണെന്ന്​ ന്യായം പറയാമെങ്കിലും അവസാന മൂന്നു കളികളിൽ നിന്ന്​ ടീമി​െൻറ സമ്പാദ്യം വെറും രണ്ടുപോയി​േൻറയുള്ളൂവെന്നതും ചേർത്തുവായിക്കണം. സ്വന്തം തട്ടകങ്ങളിൽ നടക്കുന്ന അങ്കം ജയിക്കാനായാൽ നിലവിൽ ഒപ്പമുള്ള യുനൈറ്റഡ് ലിവർപൂളിനെ മറികടക്ക​ും. അവസാന അഞ്ചു മത്സരങ്ങളിൽ ആദ്യ ജയം കുറിച്ച സതാംപ്​ടണാക​ട്ടെ ജയത്തോടെ ആറാം സ്​ഥാന​ത്തേക്കുമുയർന്നു.

പ്രതിരോധ നിരയിൽ പ്രമുഖരിൽ പലരും പരിക്കുമായി പുറത്തിരിക്കുന്നതാണ്​ ലിവർപൂളിനെ അലട്ടുന്നത്​. ഫുൾഹാം, ബ്രൈറ്റൺ, വെസ്​റ്റ്​​ ബ്രോം, ന്യൂകാസിൽ, ആസ്​റ്റൺ വില്ല, എവർടൺ തുടങ്ങി താരതമ്യേന ദുർബലരായ പലരും കഴിഞ്ഞ കളികളിൽ ടീമിനെ ശരിക്കും ഞെട്ടിച്ചതാണ്​. അനായാസമായി ജയിക്കാമായിരുന്ന കളികൾ സമനിലയിൽ വീഴുകയോ തോൽക്കുകയോ ചെയ്​താണ്​ പോയിൻറ്​ കളഞ്ഞുകുളിച്ചത്​. ടീം അവസാനം കളിച്ച 15 ലീഗ്​ മത്സരങ്ങളിൽ നാലു കളികൾ മാത്രമാണ്​ ജയിച്ചതെന്നു കൂടി കൂട്ടി വായിക്കണം.

അതിലേറെ ചെമ്പടയെ ഞെട്ടിക്കുന്നത്​ ആൻഫീൽഡിൽ ഇനി കാത്തിരിക്കുന്നത്, ഒന്നാം സ്​ഥാനത്തേക്ക്​ രാജകീയ പ്രകടനത്തോടെ കയറി ഇരിപ്പുറപ്പിച്ച മാഞ്ചസ്​റ്റർ യുനൈറ്റഡാണ്​ എന്നതാണ്​.