'വാർ'ചതിച്ചു, സലാഹിന്​ നൂറാംഗോൾ; ലിവർപൂളിന്​ സമനില

ലണ്ടൻ: ആസ്​റ്റൺ വില്ലയോ​ടേറ്റ 7-2 ​െൻറ നാണക്കേട്​ മാറ്റാനായി 'മേഴ്​സി സൈഡ്​ ഡെർബിയിൽ' എവർട്ടനെ നേരിടാനിറങ്ങിയ ലിവർപൂളിന്​ സമനില. പ്രതിരോധ ഭടൻ വിർജിൽ വാൻഡികിനെ പരിക്കേറ്റ്​ നഷ്​ടമായതും ഇഞ്ചുറി ടൈമിൽ ജോർഡൻ ഹെൻഡേഴ്​സൺ നേടിയ ഗോൾ വാറിലൂടെ നിഷേധിച്ചതും ലിവർപൂളിന്​ വിനയായി. ലീഗിൽ 13 പോയൻറുമായി എവർട്ടൺ ഒന്നാമതും 10പോയൻറുമായി ലിവർപൂൾ രണ്ടാമതുമാണ്​.

എവർട്ടനി​െൻറ തട്ടകമായ ഗുഡിസൺ പാർക്കിൽ നടന്ന മത്സരത്തി​െൻറ മൂന്നാം മിനുറ്റിൽ തന്നെ സാദിയോ മാനെ​യുടെ ഗോളിൽ ലിവർപൂൾ മ​ുന്നിലെത്തിയിരുന്നു. 11ാം മിനുറ്റിൽ എവർട്ടൻ ഗോൾകീപ്പർ ജോർഡൻ പിക്​ഫോർഡി​െൻറ അപകടകരമായ ചാലഞ്ചിൽ പ്രതിരോധനിരയിലെ പ്രധാനിയായ വാൻഡിക്കിനെ നഷ്​ടമായത്​ ലിവർപൂളിന്​ തിരിച്ചടിയായി.

ആനുകൂല്യം മുതലെടുത്ത എവർട്ടൺ 19ാം മിനുറ്റിൽ മൈക്കൽ കീനിലൂടെ ഒപ്പമെത്തി. രണ്ടാം പകുതിയിലും മികച്ചരീതിയിൽ പന്തുതട്ടിയ ലിവർപൂളിനായി 72ാം മിനുറ്റിൽ മുഹമ്മദ്​ സലാഹി​െൻറ ഉഗ്രൻ ഗോളെത്തി. ലിവർപൂളിനായി 138 മത്സരങ്ങളിൽ നിന്നുള്ള സലാഹി​െൻറ 100ാം ഗോളായിരുന്നു അത്​.

ആഘോഷം നീളും മു​േമ്പ 81ാം മിനുറ്റിൽ ഡൊമിനിക്​ കാൽവെർട്ടിലൂടെ എവർട്ടൺ തിരിച്ചടിച്ചു.90ാം മിനുട്ടിൽ തിയാഗോ അൽക്കൻറാരയെ ഫൗൾ ചെയ്​തതിന്​ എവർട്ട​െൻറ റിച്ചാർലിസണ്​ ചുവപ്പുകാർഡ്​ കിട്ടി. തുടർന്ന്​ ​ഹെൻഡേഴ്​സണിലൂടെ ലിവർപ്പൂൾ മുന്നി​ലെത്തിയെങ്കിലും 'വാർ'പ്രകാരം നേരിയ ഓഫ്​സൈഡുണ്ടെന്ന്​ കണ്ടെത്തി ഗോൾ നിഷേധിക്കുകയായിരുന്നു. ഗോൾ നിഷേധിച്ചതിൽ പ്രതിഷേധവുമായി കോച്​ ജുർഗൻ ​​​േക്ലാപ്പെത്തി. ''അത്​ ഓഫല്ലെന്ന്​ ചിത്രത്തിൽ ഞാൻ വ്യക്തമായി കണ്ടു. എന്തുകൊണ്ട്​ ഗോൾ നിഷേധിച്ചെന്ന്​ ആരെങ്കിലും എനിക്കൊന്ന്​ വിശദീകരിക്കണം' -​േക്ലാപ്​ ​പ്രതികരിച്ചു.

ശനിയാഴ്​ച നടന്ന മറ്റൊരു മത്സരത്തിൽ ചെൽസിയെ 3-3ന്​ സതാംപ്​ടൺ സമനിലയിൽ പിടിച്ചു. സ്വന്തം തട്ടകമായ സ്​റ്റാംഫോർഡ്​ ബ്രിഡ്​ജിൽ 15, 28 മിനുറ്റിലെ തിമോ വെർണറുടെ ​ഗോളുകളിൽ ചെൽസി മുന്നിലെത്തിച്ചെങ്കിലും 43ാം മിനുറ്റിൽ ഡാനി ഇങ്​സിലൂടെയും 57ാം മിനുറ്റിൽ ചെ ആദംസിലൂടെയും സതാംപ്​ടൺ സമനിലപിടിച്ചു. 59ാം മിനുറ്റിൽ ​കായ്​ ഹ​ാവെർട്​സിലൂടെ ചെൽസി മുന്നിലെത്തിയെങ്കിലുംഇഞ്ചുറി ടൈമിൽ ജെന്നിക്​ വെസ്​റ്റർഗാർഡിലൂടെ സതാംപ്​ടൺ സമനില പിടിക്കുകയായിരുന്നു.