ചാമ്പ്യൻസ്​ ലീഗ്​: മാഞ്ചസ്റ്റർ സിറ്റി, പി.എസ്​.ജി, റയൽ, ഇന്‍റർ പ്രീക്വാർട്ടറിൽ

യുവേഫ ചാമ്പ്യൻസ്​ ലീഗിൽ കരുത്തരായ ടീമുകൾ പ്രീക്വാർട്ടർ ബെർത്തുറപ്പിച്ചു. ഇംഗ്ലീഷ്​ ക്ലബുകളായ മാഞ്ചസ്​റ്റർ സിറ്റി, ലിവർപൂൾ എന്നിവർക്കൊപ്പം സ്​പെയിനിൽ നിന്ന്​ റയൽ മഡ്രിഡും ഫ്രാൻസിൽ നിന്ന്​ പി.എസ്​.ജിയും ഇറ്റലിയിൽ നിന്ന്​ ഇന്‍റർ മിലാനും നെതർലൻഡ്​സിൽ നിന്ന്​ അയാക്​സ്​ ആംസ്​റ്റർഡാമും പോർചുഗലിൽ നിന്ന്​ സ്​പോർടിങ്​ ലിസ്​ബണും അവസാന 16ൽ ഇടം നേടി. ബയേൺ മ്യൂണിക്​, ചെൽസി, മാഞ്ചസ്റ്റർ യുനൈറ്റഡ്​ എന്നീ ടീമുകൾ നേരത്തെ പ്രീക്വാർട്ടറിലെത്തിയിരുന്നു. ​

ബുധനാഴ്ച രാത്രി നടന്ന പോരാട്ടത്തിൽ മാഞ്ചസ്റ്റർ സിറ്റി ലയണൽ മെസ്സിയുടെ പി.എസ്​.ജിയെ 2-1ന്​ തോൽപിച്ചു. ഗോൾരഹിതമായ ആദ്യപകുതിക്ക്​ ശേഷം 50ാം മിനിറ്റിൽ കിലിയൻ എംബാപ്പെയുടെ ഗോളിലൂടെ പി.എസ്​.ജിയാണ്​ ആദ്യം ലീഡ്​ പിടിച്ചത്​. 63ാം മിനിറ്റിൽ ഗബ്രിയേലിന്‍റെ അസിസ്റ്റിൽ റഹീം സ്റ്റിർലിങ്ങ്​ സിറ്റിയെ ഒപ്പമെത്തിച്ചു. 76ാം മിനിറ്റിൽ ഗബ്രിയേൽ ജീസസ്​ കൂടി വലകുലുക്കിയതോടെ ജയം സിറ്റിക്കൊപ്പമായി. ഗ്രൂപ്പ്​ 'എ'യിൽ നടന്ന മറ്റൊരു മത്സരത്തിൽ ആർ.ബി ലെപ്​സിഷ്​ ക്ലബ്​ ബ്രൂജിനെ എതിരില്ലാത്ത അഞ്ച്​ഗോളിന്​ തകർത്തു. അഞ്ച്​ മത്സരത്തിൽ നിന്ന്​ 12പോയിന്‍റുമായി സിറ്റിയും എട്ടു​പോയിന്‍റുമായി പി.എസ്​.ജിയും പ്രീക്വാർട്ടറിലെത്തി.

ഗ്രൂപ്പ്​ ബിയിൽ എഫ്​.സി പോർട്ടോയെ 2-0ത്തിന്​ തോൽപിച്ചാണ്​ ലിവർപൂൾ പ്രീക്വാർട്ടറിലെത്തിയത്​. തിയാഗോ അൽകൻതാരയും (52) മുഹമ്മദ് സലാഹുമാണ്​ (70) ലിവർപൂളിനായി സ്​കോർ ചെയ്​തത്​. ഗ്രൂപ്പിലെ മറ്റൊരു മത്സരത്തിൽ എ.സി മിലാൻ അത്​ലറ്റി​േകാ മഡ്രിഡിനെ 1-0ത്തിന്​ തോൽപിച്ചു. ജൂനിയർ മെസിയാസാണ്​ ഇറ്റലിക്കാർക്കായി വലചലിപ്പിച്ചത്​. അഞ്ച്​ കളികളിൽ നിന്ന്​ അഞ്ചും വിജയിച്ച ലിവർപൂൾ 15 പോയിന്‍റുമായി ഒന്നാം സ്​ഥാനത്ത്​ നിൽക്കു​േമ്പാൾ അഞ്ച്​​ പോയിന്‍റ്​ മാത്രമു​ള്ള എഫ്​.സി പോർ​ട്ടോയാണ്​ രണ്ടാമത്​. നാല്​ പോയിന്‍റുമായി എ.സി മിലാൻ മൂന്നാമതും അത്ര തന്നെ പോയിന്‍റുള്ള അത്​ലറ്റികോ നാലാമതുമാണ്​.

ആദ്യപാദത്തിൽ അട്ടിറികളുമായി ഏവരെയും ഞെട്ടിച്ച ശരീഫിനെ രണ്ടാം മത്സരത്തിൽ റയൽ മഡ്രിഡ്​ തകർത്ത്​ തരിപ്പണമാക്കി. 3-0ത്തിനായിരുന്നു റയലിന്‍റെ ജയം. ഡേവിഡ്​ അലാബ (30), ടോണി ക്രൂസ്​ (45), കരീം ബെൻസേമ (55) എന്നിവരാണ്​ റയലിന്‍റെ സ്​കോറർമാർ. അഞ്ച്​ മത്സരങ്ങളിൽ നിന്ന്​ 12 പോയിന്‍റുമായി റയലാണ് ഗ്രൂപ്പിലെ​ മുമ്പൻമാർ. 10 പോയിന്‍റുമായി ഇന്‍ററാണ്​ രണ്ടാമത്​. ശരീഫിന്​ ആറ്​ പോയിന്‍റാണുള്ളത്​.

ഗ്രൂപ്പ്​ സിയിൽ ബേഷിക്തിഷിനെ 2-1ന്​ തോൽപ്പിച്ച് അയാക്സും ഗ്രൂപ്പ്​ ഡിയിൽ ഷാക്തറിനെ 2-0ത്തിന്​ പിന്തള്ളി ഇന്‍ററും പ്രീക്വാർട്ടറിലെത്തി.