'അപമാനിച്ച്​ മതിയായെങ്കിൽ നിർത്തിക്കൂ​ടേ..'; ലിവർപൂളിൽ മുങ്ങി യുനൈറ്റഡ്​

മാഞ്ചസ്​റ്റർ: സ്വന്തം തട്ടകമായ ഓൾഡ്​ ട്രാഫോഡിൽ മാഞ്ചസ്റ്റർ യുനൈറ്റഡിന്​ ദു:സ്വപ്​നം പോലൊരു രാവ്​ നൽകി ലിവർപൂൾ. വമ്പൻ പോരിൽ യുനൈറ്റഡിനെ ഏകപക്ഷീയമായ അഞ്ചു ഗോളുകൾക്കാണ്​ യുർഗൻ ക്ലോപ്പും സംഘവും തകർത്തത്​. ഹാട്രിക്കുമായി മുഹമ്മദ്​ സലാഹ്​ കളം നിറഞ്ഞപ്പോൾ നബി കെയ്​റ്റ, ഡീഗോ ജോട്ട എന്നിവർ ഓരോ ഗോൾ വീതം സ്​കോർ ചെയ്​തു.

മത്സരത്തിന്‍റെ അഞ്ചാം മിനിറ്റിൽ തന്നെ നബി കീറ്റയിലൂടെ ലിവർപൂൾ മുന്നിലെത്തി. നിലയുറപ്പിക്കും മു​േമ്പ 13ാം മിനിറ്റിൽ യുനൈറ്റഡിന്​​ ഡിയഗോ ജോട്ട രണ്ടാം ഷോക്കും നൽകി. തുടർന്ന്​ സലാഹിന്‍റെ കൊ​ടിയേറ്റമായിരുന്നു. 38,45,50 മിനിറ്റുകളിൽ നേടിയ ഗോളിലൂടെ സലാഹ്​ ലീഗിലെ ഉജ്ജ്വല ഫോം തുടർന്നു. ഇടക്ക്​ റൊണാൾഡോയിലൂടെ യുനൈറ്റഡ്​ സ്​കോർ ചെയ്​തെങ്കിലും വാർ പരിശോധനയിൽ ഗോളല്ലെന്ന്​ തെളിഞ്ഞു. 60 ാം മിനിറ്റിൽ പോൾ പോഗ്​ബ ​ചുവപ്പുകാർഡ കണ്ട്​ പുറത്തായതോടെ യുനൈറ്റഡ്​ കൂടുതൽ ദുർബലമായെങ്കിലും ലിവർപൂളിന്​ സ്​കോർ ചെയ്യാൻ കഴിഞ്ഞില്ല. മത്സരത്തിന്‍റെ 64 ശതമാനവും പന്ത്​ കൈവശം വെച്ച ലിവർപൂൾ മത്സരം ഏകപക്ഷീയമായി ജയിച്ചുകയറുകയായിരുന്നു.

ഇതോടെ ഒമ്പതു കളികളിൽ 21 പോയൻറുമായി ലിവർപൂൾ രണ്ടാം സ്ഥാനത്താണ്. ചെൽസിയാണ്​ (22) മുന്നിൽ. 14 പോയൻറുള്ള യുനൈറ്റഡ്​ ഏഴാം സ്ഥാനത്താണ്​. ലെസ്​റ്റർ സിറ്റി 2-1ന്​ ബ്രെൻഡ്​ഫോഡിനെയും വെസ്​റ്റ്​ഹാം 1-0ത്തിന്​ ടോട്ടൻഹാമിനെയും തോൽപിച്ചു. മാ​ഞ്ച​സ്​​റ്റ​ർ സി​റ്റി 4-1ന്​ ബ്രൈ​റ്റ​ണി​നെ തകർത്തിരുന്നു.

​20 പോയൻറുള്ള സിറ്റി മൂന്നാമതാണ്​. ഫി​ൽ ഫോ​ഡ​െൻറ ഇ​ര​ട്ട ഗോ​ളു​ക​ളും ഇ​ൽ​കാ​യ്​ ഗു​ൻ​ഡോ​ഗ​ൻ, റി​യാ​ദ്​ മെ​ഹ്​​റ​സ്​ എ​ന്നി​വ​രു​ടെ ഗോ​ളു​ക​ളു​മാ​ണ്​ സി​റ്റി​ക്ക്​ ജ​യം സ​മ്മാ​നി​ച്ച​ത്. അ​ല​ക്​​സി​സ്​ മ​ക്​​അ​ലി​സ്​​റ്റ​റാ​ണ്​ ബ്രൈ​റ്റ​ണി​െൻറ ഗോ​ൾ സ്​​കോ​ർ ചെ​യ്​​ത​ത്. വാ​റ്റ്​​ഫോ​ഡ്​ 5-2ന്​ ​എ​വ​ർ​ട്ട​ണി​നെ കീ​ഴ​ട​ക്കി. സ​താം​പ്​​ട​ൺ-​ബേ​ൺ​ലി (2-2), ലീ​ഡ്​​സ്​ യു​നൈ​റ്റ​ഡ്​-​വോ​ൾ​വ്​​സ്​ (1-1), ക്രി​സ്​​റ്റ​ൽ​പാ​ല​സ്​-​ന്യൂ​കാ​സി​ൽ യു​നൈ​റ്റ​ഡ്​ (1-1) ക​ളി​ക​ൾ സ​മ​നി​ല​യി​ലാ​യി.