മിസ്സ് യൂ... സൗദി

ദോ​ഹ: മെ​ക്​​സി​ക്കോ​യു​ടെ​യും അ​ർ​ജ​ൻ​റീ​ന​യു​ടെ​യും ആ​രാ​ധ​ക​കൂ​ട്ട​ങ്ങ​ളു​ടെ ഏ​ഷ്യ​ൻ പ​തി​പ്പാ​ണ്​ സൗ​ദി അ​റേ​ബ്യ​യു​ടെ ഫു​ട്​​ബാ​ൾ ആ​രാ​ധ​ക​ർ. പ​ച്ച​ക്കു​പ്പാ​യ​മ​ണി​ഞ്ഞ്, മു​ഖ​ത്ത്​ ചാ​യം പൂ​ശി, പ​ല​രൂ​പ​ങ്ങ​ള​ണി​ഞ്ഞ്, വ​ലി​യ പ​താ​ക​യു​മേ​ന്തി ഗാ​ല​റി​യി​ലേ​ക്ക്​ കൂ​ട്ട​മാ​യി ന​ട​ന്ന​ടു​ക്കു​ന്ന സൗ​ദി ആ​രാ​ധ​ക​ർ മ​രു​ഭൂ നാ​ട്ടി​ൽ ഫു​ട്​​ബാ​ളി​ന്​ പ​ച്ച​പ്പ്​ ന​ൽ​കു​ന്ന പ്ര​തീ​ക്ഷ​യാ​ണ്.

സ്വ​ന്തം അ​യ​ൽ​നാ​ട്ടി​ൽ വ​ൻ​ക​ര​യു​ടെ ഫു​ട്​​ബാ​ൾ മേ​ള​ക്ക്​ വി​സി​ൽ മു​ഴ​ങ്ങി​യ​പ്പോ​ഴും സൗ​ദി​ക്കാ​ർ ത​ന്നെ​യാ​യി​രു​ന്നു ഗാ​ല​റി​യി​ൽ മെ​ക്​​സി​ക്ക​ൻ തി​ര​മാ​ല​ക​ൾ തീ​ർ​ത്ത​ത്. ക​ഴി​ഞ്ഞ ലോ​ക​ക​പ്പ്​ വേ​ള​യി​ൽ ഖ​ത്ത​റി​ൽ ക​ണ്ട അ​തേ ആ​വേ​ശ​വു​മാ​യി ഏ​ഷ്യ​ൻ ക​പ്പ്​ ഫു​ട്​​ബാ​ൾ വേ​ദി​ക​ളി​ലും സ​ജീ​വ​മാ​യി​രു​ന്നു സൗ​ദി ആ​രാ​ധ​ക സം​ഘ​ങ്ങ​ൾ.

ദ​ക്ഷി​ണ കൊ​റി​യ​ക്കെ​തി​രെ പെ​നാ​ൽ​റ്റി ഷൂ​ട്ടൗ​ട്ടി​ൽ തോ​ൽ​വി വ​ഴ​ങ്ങു​മ്പോ​ൾ സൗ​ദി ആ​രാ​ധ​ക​രു​ടെ നി​രാ​ശ

സ്​​റ്റേ​ഡി​യ​ത്തി​ലേ​ക്കു​ള്ള യാ​ത്ര​ക​ളി​ൽ ദോ​ഹ മെ​ട്രോ​യെ​യും മു​ശൈ​രി​ബി​ലെ സ്​​റ്റേ​ഷ​നെ​യും സ്​​റ്റേ​ഡി​യം പ​രി​സ​ര​ങ്ങ​ളെ​യും അ​വ​ർ പൂ​ര​ന​ഗ​രി​ക​ളാ​ക്കി​മാ​റ്റി. പ​ച്ച​ക്ക​ട​ൽ​പോ​ലെ ഗാ​ല​റി​യി​ലേ​ക്ക്​ ഒ​ഴു​കി​യെ​ത്തു​ന്ന​വ​ർ കി​ക്കോ​ഫ്​ വി​സി​ൽ മു​ഴ​ക്ക​ത്തി​നും മ​ണി​ക്കൂ​ർ മു​മ്പ്​ ഗാ​ല​റി​യി​ൽ ഇ​രി​പ്പു​റ​പ്പി​ക്കു​ന്ന​തും ഏ​ഷ്യ​ൻ ഫു​ട്​​ബാ​ളി​ലെ വേ​റി​ട്ട കാ​ഴ്​​ച​യാ​യി​രു​ന്നു.

വാ​ദ്യ​മേ​ള​ങ്ങ​ൾ മു​ഴ​ക്കി​യും താ​ള​ത്തി​ൽ പാ​ട്ടു​പാ​ടി​യും ഗാ​ല​റി​യു​ടെ നി​യ​ന്ത്ര​ണം ഏ​റ്റെ​ടു​ക്കു​ന്ന​വ​ർ ക​ള​ത്തി​​ലി​റ​ങ്ങു​ന്ന താ​ര​ങ്ങ​ളി​ലേ​ക്ക്​ പ​ക​രു​ന്ന ഊ​ർ​ജം ചെ​റു​ത​ല്ല. സ്​​കോ​ർ ബോ​ർ​ഡി​ൽ ടീം ​പി​ന്നി​ലാ​കു​​മ്പോ​ഴും താ​ര​ങ്ങ​ളു​ടെ ബൂ​ട്ടി​ൽ​നി​ന്ന്​ പ​ന്ത്​ ന​ഷ്​​ട​മാ​കു​മ്പോ​ഴും ഗാ​ല​റി​യു​ടെ ആ​ര​വം വ​ർ​ധി​ച്ച വീ​ര്യ​​ത്തോ​ടെ ഉ​യ​രും. ഗോ​ൾ പോ​സ്​​റ്റി​ന് പി​ന്നി​ൽ നി​ല​യു​റ​പ്പി​ക്കു​ന്ന പ​ച്ച​ക്കു​പ്പാ​യ​ക്കാ​ർ പ​ക​രു​ന്ന ഊ​ർ​ജ​ത്തി​ലാ​​ണോ സാ​ലിം ദൗ​സ​രി​യും സം​ഘ​വും മു​ന്നേ​റു​ന്ന​തെ​ന്ന്​ പോ​ലും തോ​ന്നി​യേ​ക്കാം.

ഏ​ഷ്യ​ൻ​ക​പ്പ്​ ​ഗ്രൂ​പ്​ റൗ​ണ്ടി​ൽ ഒ​മാ​നെ​തി​രെ പി​ന്നി​ൽ നി​ന്ന​പ്പോ​ഴും കി​ർ​ഗി​സ്​​താ​നെ നി​ലം​പ​രി​ശാ​ക്കി​യ​പ്പോ​ഴു​മെ​ല്ലാം ഈ ​ആ​വേ​ശം ഖ​ത്ത​റി​ലെ വേ​ദി​ക​ളെ സ​ജീ​വ​മാ​ക്കി. അ​തു ത​ന്നെ​യാ​യി​രു​ന്നു പ്രീ​ക്വാ​ർ​ട്ട​റി​ൽ ക​രു​ത്ത​രാ​യ ദ​ക്ഷി​ണ കൊ​റി​യ​യെ സൗ​ദി നേ​രി​ടു​​മ്പോ​ഴും ക​ണ്ട​ത്.

‘ഏ​ഷ്യ ഈ​സ്​ ഗ്രീ​ൻ’ എ​ന്ന കൂ​റ്റ​ൻ ബാ​ന​റും ത​ങ്ങ​ളു​ടെ ടീ​മി​ന്​ പി​ന്തു​ണ​യും രാ​ജാ​വി​ന്​ ആ​ശം​സ​യും നേ​ർ​ന്നു​ള്ള ‘ചാ​ൻ​റു​ക​ളു’​മാ​യി അ​വ​ർ കി​ക്കോ​ഫ്​ വി​സി​ൽ മു​ഴ​ക്ക​ത്തി​നും ഒ​രു മ​ണി​ക്കൂ​ർ മു​മ്പ് ഗാ​ല​റി​യെ സ​ജീ​വ​മാ​ക്കി​യി​രു​ന്നു.

ക​ള​ത്തി​ലെ സൗ​ദി​യു​ടെ 11 പേ​രെ​യും നി​റ​ഞ്ഞ ഗാ​ല​റി​യെ​യും ഒ​രേ​സ​മ​യം നേ​രി​ടേ​ണ്ട ഭീ​ഷ​ണി​യി​ലാ​യി​രു​ന്നു ദ​ക്ഷി​ണ കൊ​റി​യ. ഒ​രു ഗോ​ളി​ന്​ സൗ​ദി ലീ​ഡ്​ നേ​ടി​യ​തി​ന് പി​ന്നാ​ലെ തി​രി​ച്ചെ​ത്താ​നു​ള്ള ഓ​രോ ശ്ര​മ​ത്തി​ലും ഗാ​ല​റി​യും അ​വ​ർ​ക്ക്​ ഭീ​ഷ​ണി​യാ​യി. ദ​ക്ഷി​ണ കൊ​റി​യ​ക്ക്​ അ​നു​കൂ​ല​മാ​യി ഫ്രീ​കി​ക്കോ കോ​ർ​ണ​റോ മ​റ്റോ ല​ഭി​ക്കു​​മ്പോ​ൾ സ്വ​ന്തം ആ​​രാ​ധ​ക​ർ ഉ​യ​ർ​ത്തു​ന്ന ആ​ര​വ​ങ്ങ​ൾ സൗ​ദി​യു​ടെ അ​ല​ക​ട​ലി​ൽ അ​ലി​ഞ്ഞി​ല്ലാ​താ​യി.

ഒ​ടു​വി​ൽ 10 മി​നി​റ്റ്​ ഇ​ഞ്ചു​റി ടൈ​മി​ലേ​ക്ക്​ നീ​ങ്ങി​യ ക​ളി​ക്കൊ​ടു​വി​ലും സൗ​ദി ക്വാ​ർ​ട്ട​ർ സ്വ​പ്​​ന​ങ്ങ​ളി​ലാ​യി​രു​ന്നു. എ​ന്നാ​ൽ, പ്ര​സി​ങ്​ ഗെ​യി​മി​ലൂ​ടെ നി​ര​ന്ത​ര ഭീ​തി വി​ത​ച്ച കൊ​റി​യ ലോ​ങ്​ വി​സി​ലി​ന്​ 90 നി​മി​ഷം ബാ​ക്കി​നി​ൽ​ക്കെ ല​ക്ഷ്യം ക​ണ്ടു. ഉ​ജ്ജ്വ​ല ഫോ​മി​ലാ​യി​രു​ന്ന സൗ​ദി ഗോ​ൾ​കീ​പ്പ​ർ അ​ഹ​മ്മ​ദ്​ അ​ൽ കാ​സ​റി​ന്റെ പ്ര​തി​രോ​ധ​​ത്തെ മ​റി​ക​ട​ന്ന്​ ചോ ​സു​ങ്​ ഗു​വി​ന്റെ ഹെ​ഡ്​​ഡ​ർ വ​ല​യി​ൽ പ​തി​ച്ച​പ്പോ​ൾ സൗ​ദി ഗാ​ല​റി ആ​ദ്യ​മാ​യി നി​ശ്ശ​ബ്​​ദ​മാ​യി. പി​ന്നെ എ​ക്​​സ്​​ട്രാ ടൈ​മി​ലും ഒ​ടു​വി​ൽ ഷൂ​ട്ടൗ​ട്ടി​ലു​മാ​യി അ​വ​രു​​ടെ ക​ണ്ണീ​രി​റ്റി​യ എ​ജു​ക്കേ​ഷ​ൻ സി​റ്റി സ്​​റ്റേ​ഡി​യ​ത്തെ​യാ​ണ്​ ക​ണ്ട​ത്. വാ​ഹ​ന​ങ്ങ​ളി​ലാ​യി അ​ബു സം​റ അ​തി​ർ​ത്തി ക​ട​ന്നും ആ​കാ​ശം വ​ഴി​യും ഏ​ഷ്യ​ൻ ക​പ്പ്​ വേ​ദി​ക​ളെ മ​നോ​ഹ​ര​മാ​ക്കാ​നെ​ത്തി​യ സൗ​ദി​യു​ടെ പാ​തി വ​ഴി​യി​ലെ പു​റ​ത്താ​വ​ലാ​യി​രി​ക്കും ഈ ​മേ​ള​യു​ടെ വ​ലി​യ ന​ഷ്​​ട​വും.