മോ​ഹ​ൻ ബ​ഗാ​നെ​തി​രെ പൊ​രു​തി തോ​റ്റ് കേ​ര​ള ബ്ലാ​സ്റ്റേ​ഴ്സ്

കൊ​ൽ​ക്ക​ത്ത: ക​രു​ത്ത​രാ​യ മോ​ഹ​ൻ ബ​ഗാ​ൻ സൂ​പ്പ​ർ ജ​യ​ന്റ്സി​നെ​തി​രെ ഗം​ഭീ​ര​മാ​യി ക​ളി​ച്ചെ​ങ്കി​ലും സാ​ൾ​ട്ട്ലേ​ക്ക് സ്റ്റേ​ഡി​യ​ത്തി​ൽ കേ​ര​ള ബ്ലാ​സ്റ്റേ​ഴ്സി​ന് നി​ർ​ഭാ​ഗ്യ തോ​ൽ​വി. ര​ണ്ടാം പ​കു​തി​യു​ടെ അ​വ​സാ​നം, പ​ത്ത് മി​നി​റ്റി​നി​ടെ ര​ണ്ട് ഗോ​ൾ വ​ഴ​ങ്ങി​യാ​ണ് ബ്ലാ​സ്റ്റേ​ഴ്സ് തോ​ൽ​വി​യി​ലേ​ക്ക് വീ​ണ​ത്. 86ാം മി​നി​റ്റ് വ​​രെ 2-1ന് ​മു​ന്നി​ലാ​യി​രു​ന്നു ടീം. 33ാം ​മി​നി​റ്റി​ൽ ജാ​മി മ​ക്‍ലാ​റ​നി​ലൂ​ടെ ബ​ഗാ​നാ​ണ് ഗോ​ള​ടി​ക്ക് തു​ട​ക്ക​മി​ട്ട​ത്. 51ാം മി​നി​റ്റി​ൽ ജീ​സ​സ് നൂ​ന​സ് സ​മ​നി​ല പി​ടി​ച്ചു. 77ാം മി​നി​റ്റി​ൽ മി​ലോ​സ് ഡ്രി​ൻ​സി​ച്ചി​ലൂ​ടെ 2-1ന് ​ബ്ലാ​സ്റ്റേ​ഴ്സ് മു​ന്നി​ലെ​ത്തി. 86ാം മി​നി​റ്റി​ൽ ജാ​സ​ൺ ക​മ്മി​ങ്സ് ബ​ഗാ​ന് 2-2ന്റെ ​സ​മ​നി​ല സ​മ്മാ​നി​ച്ചു. ഇ​ഞ്ച്വ​റി സ​മ​യ​ത്ത് ആ​ൽ​ബ​ർ​ട്ടോ റോ​ഡ്രി​ഗ്വ​സ് സ​ന്ദ​ർ​ശ​ക​രു​ടെ നെ​ഞ്ച് പി​ള​ർ​ത്തി ബ​ഗാ​ന് 3-2ന്റെ ​ജ​യം നേ​ടി​ക്കൊ​ടു​ക്കു​ക​യാ​യി​രു​ന്നു. 11 ക​​​ളി​​​ക​​​ളി​​​ൽ 26 പോ​​​യ​​​ന്റു​​മാ​യി ബ​ഗാ​ൻ ഒ​ന്നാം സ്ഥാ​ന​ത്ത് തു​ട​ര​ു​ക​യാ​ണ്. 12 ക​ളി​ക്ക് ശേ​ഷം ഏഴ് തോൽവിയുമായി 11 പോ​യ​ന്റു​ള്ള ബ്ലാ​സ്റ്റേ​ഴ്സ് പ​ത്താം സ്ഥാ​ന​ത്തും തു​ട​രു​ന്നു. ബഗാന്റെ മലയാളി താരം ആശിഖ് കുരുണിയനാണ് കളിയിലെ താരം.

5-4-1 ശൈ​ലി​യി​ൽ തു​ട​ങ്ങി​യ ബ്ലാ​സ്​​റ്റേ​ഴ്സ് തു​ട​ക്ക​ത്തി​ൽ ത​ന്നെ ആ​ക്ര​മി​ച്ച് ക​ളി​ച്ചു. മു​ൻ ക​ളി​ക​ളി​ലെ അ​ല​സ​ത മാ​റ്റി​വെ​ച്ച ബ്ലാ​സ്റ്റേ​ഴ്സ് ബ​ഗാ​നെ പ​ല​വ​ട്ടം വി​റ​പ്പി​ച്ചു. നോ​ഹ സ​ദൗ​യി​യു​ടെ ഷോ​ട്ട് ഗോ​ളാ​കാ​തെ ബ​ഗാ​ൻ കാ​ത്തു. ബ​ഗാ​ൻ ഗോ​ളി വി​ശാ​ൽ കെ​യ്ത്തി​നെ ബ്ലാ​സ്റ്റേ​ഴ്സ് താ​ര​ങ്ങ​ൾ തു​ട​ക്ക​ത്തി​ൽ അ​ട​ങ്ങി​യി​രി​ക്കാ​ൻ അ​നു​വ​ദി​ച്ചി​ല്ല. നോ​ഹ​യും ജീ​സ​സ് നൂ​ന​സും മു​ഹ​മ്മ​ദ് ഷ​ഹീ​ഫും ഷാ​നി​ഷ് ഫാ​റൂ​ഖും ആ​ദ്യ പ​ത്ത് മി​നി​റ്റി​നു​ള്ളി​ൽ ഓ​രോ​ത​വ​ണ ഗോ​ൾ ശ്ര​മം ന​ട​ത്തി. പി​ന്നീ​ട് സു​ഭാ​ശി​ഷ് ബോ​സും ലി​സ്റ്റ​ൺ കൊ​ളാ​സോ​യും മു​ൻ ബ്ലാ​സ്റ്റേ​ഴ​്സ് താ​രം സ​ഹ​ൽ അ​ബ്ദു​ൽ സ​മ​ദും ദി​മി​ത്രി​യോ​സ് പെ​ട്ര​റ്റോ​സും ബ​ഗാ​നെ മ​ത്സ​ര​ത്തി​ലേ​ക്ക് തി​രി​ച്ചു​കൊ​ണ്ടു​വ​രാ​ൻ പ്ര​യ​ത്നി​ച്ചു. 23ാം മി​നി​റ്റി​ൽ സ​ഹ​ലി​ന് മ​ഞ്ഞ​ക്കാ​ർ​ഡ് കി​ട്ടി. ബ്ലാ​സ്റ്റേ​ഴ​്സ് ക്യാ​പ്റ്റ​ൻ അ​ഡ്രി​യാ​ൻ ലൂ​ണ​യെ പി​ന്നി​ൽ നി​ന്ന് വ​ലി​ച്ച​തി​നാ​യി​രു​ന്നു ശി​ക്ഷ. തു​ട​ര​ൻ ആ​ക്ര​മ​ണ​ങ്ങ​ൾ​ക്കൊ​ടു​വി​ൽ ബ​ഗാ​ൻ ലീ​ഡ് നേ​ടി. ഏ​ക സ്ട്രൈ​ക്ക​ർ ജാ​മി മ​ക്‍ലാ​റ​ന്റെ ക്ലോ​സ് റേ​ഞ്ച് ഷോ​ട്ടാ​ണ് വ​ലി​യി​ൽ ക​യ​റി​യ​ത്. ആ​ശി​ഷ് റാ​യി​യു​ടെ ഷോ​ട്ട് കൈ​യ്യി​ലൊ​തു​ക്കു​ന്ന​തി​ന് പ​ക​രം ബ്ലാ​സ്റ്റേ​ഴ്സ് ഗോ​ളി സ​ചി​ൻ സു​രേ​ഷ് മു​ന്നോ​ട്ട് ത​ട്ടി​യി​ടു​ക​യാ​യി​രു​ന്നു. മു​ന്നി​ൽ കി​ട്ടി​യ പ​ന്ത് മ​ക്‍ലാ​റ​ൻ ഗോ​ളാ​ക്കി. ആ​ദ്യ പ​കു​തി​യു​ടെ അ​വ​സാ​ന മി​നി​റ്റി​ൽ ജി​മി​ന​സ് മി​ക​ച്ച അ​വ​സ​രം പാ​ഴാ​ക്കി. എ​ന്നാ​ൽ ര​ണ്ടാം പ​കു​തി​യി​ൽ ജി​മി​ന​സ് ല​ക്ഷ്യം ക​ണ്ടു. സ്കോ​ർ: 1-1. മി​ക​ച്ച അ​വ​സ​ര​ങ്ങ​ൾ ന​ഷ്ട​മാ​ക്കി​യ ശേ​ഷം ബ്ലാ​സ്റ്റേ​ഴ്സ് ലീ​ഡ് സ്വ​ന്ത​മാ​ക്കി. ബ​ഗാ​ൻ ഗോ​ളി വി​ശാ​ൽ കെ​യ്ത്ത് ര​ക്ഷ​പ്പെ​ടു​ത്തി​യ പ​ന്താ​ണ് ഡ്രി​നി​സി​ച്ച് വ​ല​യി​ലെ​ത്തി​ച്ച​ത്. പി​ന്നീ​ടാ​യി​രു​ന്നു ബ​ഗാ​ൻ തു​ട​ർ​ച്ച​യാ​യി ര​ണ്ട് ഗോ​ളു​ക​ളു​മാ​യി വി​ജ​യം ത​ട്ടി​യെ​ടു​ത്ത​ത്.

മ​റ്റൊ​രു മ​ത്സ​ര​ത്തി​ൽ 0-2ന് ​പി​ന്നി​ട്ട് നി​ന്ന ശേ​ഷം ഗം​ഭീ​ര​മാ​യി തി​രി​ച്ചു​വ​ന്ന ബം​ഗ​ളുു എ​ഫ്.​സി​ക്ക് സ​മ​നി​ല. എ​ഫ്.​സി ഗോ​വ​യെ 2-2നാ​ണ് ബം​ഗ​ളു​രു ത​ള​ച്ച​ത്. ഏ​ഴാം മി​നി​റ്റി​ൽ സ​ന്ദേ​ശ് ജിം​ഗാ​ൻ ഗോ​വ​യു​ടെ ആ​ദ്യ ഗോ​ൾ നേ​ടി. 66ാം മി​നി​റ്റി​ൽ സ​ഹി​ൽ ട​വോ​ര ലീ​ഡു​യ​ർ​ത്തി. എ​ന്നാ​ൽ, 71ാം മി​നി​റ്റി​ൽ റ്യാ​ൻ വി​ല്യം​സും 83ാം മി​നി​റ്റി​ൽ ജോ​ർ​ഗെ ഡ​യ​സും വ​ല​കു​ലു​ക്കി​യ​തോ​ടെ ബം​ഗ​ളു​രു ഒ​പ്പ​മെ​ത്തു​ക​യാ​യി​രു​ന്നു. ഇ​തോ​ടെ, ത​ട്ട​ക​മാ​യ ശ്രീ​ക​ണ്ഠീ​ര​വ സ്റ്റേ​ഡി​യ​ത്തി​ൽ തോ​ൽ​വി​യ​റി​യാ​തെ തു​ട​ർ​ച്ച​യാ​യ ഏ​ഴ് മ​ത്സ​ര​ങ്ങ​ൾ ബം​ഗ​ളു​രു പൂ​ർ​ത്തി​യാ​ക്കി.