ബുണ്ടസ് ലിഗയിൽ പുതിയ ചാമ്പ്യന്മാർ ഈയാഴ്ച?

ബെ​ർ​ലി​ൻ: ഒ​രു പ​തി​റ്റാ​ണ്ടി​ലേ​റെ​യാ​യി ആ​ർ​ക്കും വി​ട്ടു​കൊ​ടു​ക്കാ​തെ ബു​ണ്ട​സ് ലി​ഗ ചാ​മ്പ്യ​ൻ​പ​ട്ടം സ്വ​ന്തം ഷെ​ൽ​ഫി​ൽ സൂ​ക്ഷി​ക്കു​ന്ന ബ​വേ​റി​യ​ന്മാ​ർ​ക്ക് കി​രീ​ട​ന​ഷ്ടം ഇ​ത്ത​വ​ണ നേ​ര​ത്തേ തീ​രു​മാ​ന​മാ​കാ​ൻ പോ​കു​ന്നു. സീ​സ​ണി​ൽ ഇ​തു​വ​രെ ഒ​രു ​ക​ളി​പോ​ലും തോ​ൽ​ക്കാ​തെ കു​തി​ക്കു​ന്ന ക​റു​ത്ത കു​തി​ര​ക​ളാ​യ ബ​യേ​ർ ലെ​വ​ർ​കൂ​സ​ൻ ജേ​താ​ക്ക​ളാ​കു​മെ​ന്ന് നേ​ര​ത്തേ ഉ​റ​പ്പാ​യ​താ​ണെ​ങ്കി​ലും ടീം ​ഒ​ന്നു പ​ന്തു ത​ട്ടു​ക​പോ​ലും ചെ​യ്യാ​തെ ഈ​യാ​ഴ്ച അ​ത് സം​ഭ​വി​ച്ചേ​ക്കു​മെ​ന്ന​താ​ണ് പു​തി​യ വ​ർ​ത്ത​മാ​നം. ര​ണ്ടാ​മ​തു​ള്ള ബ​യേ​ണി​നെ​ക്കാ​ൾ 16 പോ​യ​ന്റ് മു​ന്നി​ലാ​ണ് ടീം. ​ലെ​വ​ർ​കൂ​സ​ന് 76ഉം ​ബ​യേ​ണി​ന് 60ഉം. ​സ്റ്റ​ട്ട്ഗ​ർ​ട്ടി​നും 60 പോ​യ​ന്റു​ണ്ട്.

ആ​റു റൗ​ണ്ട് മ​ത്സ​ര​ങ്ങ​ൾ ശേ​ഷി​ക്കെ ശ​നി​യാ​ഴ്ച ആ​ദ്യം ഇ​റ​ങ്ങു​ന്ന ബ​യേ​ൺ എ​തി​രാ​ളി​ക​​ളാ​യ കൊ​ളോ​ണി​നോ​ട് തോ​ൽ​വി സ​മ്മ​തി​ച്ചാ​ൽ ബു​ണ്ട​സ് ലി​ഗ ചാ​മ്പ്യ​ൻ​പ​ട്ടം നേ​ര​ത്തെ തീ​രു​മാ​ന​മാ​കും. പി​റ്റേ​ന്ന് വെ​ർ​ഡ​ർ ബ്രെ​മ​നെ​തി​രെ പ​ന്തു ത​ട്ടാ​തെ കി​രീ​ടം ത​ങ്ങ​ളു​ടേ​താ​ക്കാ​നു​ള്ള കാ​ത്തി​രി​പ്പി​ലാ​ണ് ലെ​വ​ർ​കൂ​സ​ൻ.

നീ​ണ്ട കാ​ല​ത്തി​നി​ടെ ആ​ദ്യ​മാ​യാ​ണ് ബ​യേ​ൺ ജ​ർ​മ​ൻ ലീ​ഗി​ൽ പി​ന്ത​ള്ള​പ്പെ​ടു​ന്ന​ത്. 2012ൽ ​യു​ർ​ഗ​ൻ ക്ലോ​പി​ന്റെ ബൊ​റു​സി​യ ഡോ​ർ​ട്മു​ണ്ട് ജേ​താ​ക്ക​ളാ​യ ശേ​ഷം ബ​യേ​ൺ മാ​ത്ര​മാ​ണ് ബു​ണ്ട​സ് ലി​ഗ​യി​ൽ ക​പ്പു​യ​ർ​ത്തി​യ​ത്. ഇ​ത്ത​വ​ണ പ​ക്ഷേ, പ്രീ​മി​യ​ർ ലീ​ഗി​ൽ എ​ത്തി​പ്പി​ടി​ക്കാ​നാ​വാ​തെ പോ​യ ചാ​മ്പ്യ​ൻ​പ​ട്ടം ജ​ർ​മ​ൻ ടീ​മി​നൊ​പ്പം സ്വ​ന്ത​മാ​ക്കാ​മെ​ന്ന സൂ​പ്പ​ർ താ​രം ഹാ​രി കെ​യി​നി​ന്റെ കാ​ത്തി​രി​പ്പ് പി​ന്നെ​യും നീ​ട്ടി​യാ​ണ് പി​ൻ​നി​ര​യി​ൽ​നി​ന്ന് ക​യ​റി​വ​ന്ന് മ​റ്റൊ​രു ടീം ​കി​രീ​ടം ത​ട്ടി​പ്പ​റി​ച്ചെ​ടു​ക്കു​ന്ന​ത്. ഒ​പ്പം, ഒ​രു മു​ൻ​നി​ര ടീ​മി​ന്റെ ഒ​ന്നാം ന​മ്പ​ർ പ​രി​ശീ​ല​ക പ​ദ​വി​യി​ൽ ആ​ദ്യ സീ​സ​ണി​നി​റ​ങ്ങു​ന്ന ലെ​വ​ർ​കൂ​സ​ന്റെ സാ​വി അ​ലോ​ൻ​സോ​ക്ക് ഒ​രു മാ​സ​ത്തി​​ലേ​റെ ബാ​ക്കി നി​ൽ​ക്കെ കി​രീ​ടം മാ​റോ​ടു​ചേ​ർ​ക്കാ​മെ​ന്ന സ​ന്തോ​ഷം കൂ​ടി​യു​ണ്ട്. സീ​സ​ൺ ഒ​ടു​വി​ൽ ടീം ​വി​ടു​മെ​ന്ന് സൂ​ച​ന​ക​ളു​ണ്ടാ​യി​രു​ന്നെ​ങ്കി​ലും അ​ലോ​ൻ​സോ തു​ട​രു​മെ​ന്ന് ഉ​റ​പ്പു​ന​ൽ​കി​യി​ട്ടു​ണ്ട്.

മ​ത്സ​ര​ങ്ങ​ളേ​റെ ബാ​ക്കി​യി​ല്ലാ​ത്ത ലീ​ഗി​ലും സീ​സ​ണി​ലും ഇ​തു​വ​രെ തോ​ൽ​ക്കാ​ത്ത ലെ​വ​ർ​കൂ​സ​ന് വ​രും​മ​ത്സ​ര​ങ്ങ​ളി​ലും തോ​ൽ​വി​യി​ല്ലാ​ക​ളി തു​ട​രാ​നാ​യാ​ൽ ഫു​ട്ബാ​ൾ ച​രി​ത്ര​ത്തി​ലെ അ​ത്ഭു​ത​മാ​യി അ​ത് മാ​റും. ഒ​രു സീ​സ​ണി​ൽ ഒ​റ്റ​ക്ക​ളി​യും തോ​ൽ​ക്കാ​തെ ഒ​രു ടീ​മു​മി​ല്ല.

മൂ​ന്നു കി​രീ​ട​ങ്ങ​ള​ട​ക്കം വ​ലി​യ നേ​ട്ട​ങ്ങ​ൾ പി​ടി​ച്ച് മാ​ഞ്ച​സ്റ്റ​ർ സി​റ്റി, മാ​ഞ്ച​സ്റ്റ​ർ യു​നൈ​റ്റ​ഡ്, ബാ​ഴ്സ​ലോ​ണ തു​ട​ങ്ങി​യ ടീ​മു​ക​ളു​ണ്ട്. ആ​ഴ്സ​ന​ല​ട​ക്കം സ്വ​ന്തം ലീ​ഗി​ൽ ഒ​റ്റ​ക്ക​ളി​യും തോ​ൽ​ക്കാ​തി​രു​ന്ന​വ​രു​മു​ണ്ട്. പ​ക്ഷേ, മ​റ്റു ടൂ​ർ​ണ​മെ​ന്റു​ക​ളി​ൽ​കൂ​ടി അ​പ​രാ​ജി​ത കു​തി​പ്പി​ന് ഇ​തു​വ​രെ​യും ഒ​രാ​ൾ​ക്കു​മാ​യി​ട്ടി​ല്ല.

ബ​യേ​ർ ഇ​തു​വ​രെ സീ​സ​ണി​ൽ മൊ​ത്തം 41 ക​ളി​ക​ൾ ക​ളി​ച്ച​തി​ൽ 36ലും ​ജ​യി​ച്ച​താ​ണ്. അ​ഞ്ചെ​ണ്ണം സ​മ​നി​ല​യി​ലും. ക്ല​ബി​ന്റെ 119 വ​ർ​ഷ​ത്തെ ച​രി​ത്ര​ത്തി​ൽ ടീം ​ഇ​തു​വ​രെ ബു​ണ്ട​സ് ലി​ഗ​യി​ൽ ജേ​താ​ക്ക​ളാ​യി​ട്ടി​ല്ല.