ടോകിയോ ഒളിമ്പിക്​സ്​: നെയ്​മറിനെ പുറത്തിരുത്തി ബ്രസീൽ, ഡാനി ആൽവസ്​ നയിക്കും

സവോ പോളോ: ലോകത്തെ ഏറ്റവും വിലപിടിപ്പുള്ള താരം നെയ്​മറെ പുറത്തിരുത്തി 18 അംഗ ടീമിനെ പ്രഖ്യാപിച്ച്​ ബ്രസീൽ. എന്നാൽ, അപ്രതീക്ഷിതമായി ടീമിൽ ഇടം കണ്ടെത്തിയ 38 കാരനായ ഡാനി ആൽവസിന്​​ നായക പദവി ലഭിക്കുകയും ​െചയ്​തു. പി.എസ്​.ജിയിൽ നെയ്​മറുടെ സഹതാരമായ മാർക്വിഞ്ഞോസിനെയും പുറത്തിരുത്തിയിട്ടുണ്ട്​. അഞ്ചു വർഷം മുമ്പ്​ ബ്രസീലിൽ ടീം സുവർണ കിരീടത്തിലേക്ക്​ പന്തടിച്ചുകയറ്റു​േമ്പാൾ മാർക്വിഞ്ഞോസും ടീമിലുണ്ടായിരുന്നു. കാൽമുട്ടിന്​ പരി​ക്കുമായി പുറത്തിരിക്കുന്ന ഡാനി ആൽവസ്​​ കോപ അമേരിക്കയിൽ ടീമിനൊപ്പമില്ല.

തനിക്ക്​ അവസരം നൽകാൻ നെയ്​മർ ആവശ്യപ്പെ​ട്ടെങ്കിലും കോപ ​അമേരിക്ക കൊണ്ട്​ തൃപ്​തിയടയാൻ നിർദേശിക്കുകയായിരുന്നുവെന്ന്​ ബ്രസീൽ മാധ്യമങ്ങൾ റിപ്പോർട്ട്​ ചെയ്​തു. മാറക്കാനയിൽ ഒളിമ്പിക്​ സ്വർണം മാറോടു ചേർത്ത ദിവസം ടീമിനായി പെനാൽറ്റി​യിലൂടെ വിജയ ഗോൾ കുറിച്ചത്​ നെയ്​മറായിരുന്നു.

29കാരനായ നെയ്​മർ പുറത്തിരിക്കു​േമ്പാൾ വെറ്ററൻ കരുത്തുമായി സെവിയ്യയുടെ ഡീഗോ കാർലോസ്​, ഗോളി സാ​േന്‍റാസ്​ എന്നിവരും ഇടം പിടിച്ചിട്ടുണ്ട്​. ജർമനി, ഐവറി കോസ്റ്റ്​, സൗദി അറേബ്യ എന്നിവരുൾപെടുന്ന ഗ്രൂപ്​ ഡിയിലാണ്​ ബ്രസീൽ. ജൂലൈ 22ന്​ ജർമനിക്കെതിരെയാണ്​ ടീമിന്‍റെ കന്നി മത്സരം.

ടീം: ​സാ​േന്‍റാസ്​, ബ്രെന്നോ, ഗബ്രിയേൽ മെ​നിനോ, ഗിഹേൺ അറാന, ഗബ്രിയേൽ മാഗലേസ്​, നിനോ, ഡീഗോ കാർലോസ്​, ഡഗ്ലസ്​ ലൂയിസ്​, ബ്രൂണോ ഗ്വിമെറാസ്​, ഗേഴ്​സൺ, ​േക്ലാഡീഞ്ഞോ, മാത്യൂസ്​ ഹെന്‍റിക്​, മാത്യൂസ്​ കുൻഹ, മാൽക്കം, ആൻറണി, പോളീഞ്ഞോ, പെഡ്രോ.