‘രാ​ജ്യ​ത്തി​നു​വേ​ണ്ടി ക​ളി​ക്കു​ന്ന​ത് നി​ർ​ത്താ​ൻ ആ​രും ആ​ഗ്ര​ഹി​ക്കു​ന്നി​ല്ല’

ഇ​രു​പ​താ​ണ്ട് തി​ക​യു​ന്ന അ​ന്താ​രാ​ഷ്ട്ര ക​രി​യ​റി​ന് ഫൈ​ന​ൽ വി​സി​ൽ മു​ഴ​ക്കി സുനിൽ ഛേത്രി ​നീ​ല​ക്കു​പ്പാ​യ​മ​ഴി​ക്കു​ക​യാ​ണ്. സം​ഭ​വ​ബ​ഹു​ല​മാ​യ ക​രി​യ​റി​നാണ് ഇ​തോ​ടെ അ​ന്ത്യ​മാ​വു​ന്നത്. വി​ര​മി​ക്ക​ൽ തീരുമാനത്തെ കുറിച്ച് ഇ​ന്ത്യ​ൻ നാ​യ​ക​ൻ സം​സാ​രി​ക്കു​ന്നു...

? വി​ര​മി​ക്ക​ൽ തീ​രു​മാ​ന​ത്തി​നു പി​ന്നി​ൽ

ഒ​രു മാ​സ​മാ​യി ഇ​ങ്ങ​ന​യൊ​രു ചി​ന്ത തു​ട​ങ്ങി​യി​ട്ട്. സ​മ​യ​മാ​യെ​ന്ന തോ​ന്ന​ലും ഉ​ൾ​ക്കാ​ഴ്ച​യും വ​ന്നു. അ​ത് എ​ന്നി​ൽ സാ​വ​ധാ​ന​ത്തി​ലും സ്ഥി​ര​മാ​യും ഓ​രോ ദി​വ​സ​വും വ​ള​ർ​ന്നു. അ​വ​സാ​നം ഞാ​ൻ ഈ ​തീ​രു​മാ​ന​ത്തി​ലെ​ത്തി. ശ​രി​യാ​യ തീ​രു​മാ​ന​മെ​ടു​ത്തു​വെ​ന്നാ​ണ് ഞാ​ൻ ക​രു​തു​ന്ന​ത്. 2024 ജൂ​ൺ ആ​റി​ലേ​ത് എ​ന്റെ ക​രി​യ​റി​ലെ ഏ​റ്റ​വും വ​ലി​യ ഗെ​യി​മു​ക​ളി​ലൊ​ന്നാ​ണ്. ദേ​ശീ​യ ടീ​മി​ന് ഇ​ത് വ​ള​രെ പ്ര​ധാ​ന​മാ​ണ്. അ​തി​നാ​ൽ, കു​വൈ​ത്തി​നെ​തി​രെ ഞ​ങ്ങ​ൾ മി​ക​ച്ച പ്ര​ക​ട​നം ന​ട​ത്തു​മെ​ന്നും ലോ​ക​ക​പ്പ് യോ​ഗ്യ​ത മൂ​ന്നാം റൗ​ണ്ടി​ൽ എ​ത്തു​മെ​ന്നും പ്ര​തീ​ക്ഷി​ക്കു​ന്നു.

‍? മൂ​ന്നാം റൗ​ണ്ടി​ലേ​ക്ക് യോ​ഗ്യ​ത നേ​ടു​ന്ന​ത് ബൂ​ട്ട​ഴി​ക്കാ​നു​ള്ള ഏ​റ്റ​വും മി​ക​ച്ച മാ​ർ​ഗ​മാ​ണോ? സ​മ്മ​ർ​ദ​മൊ​ന്നു​മി​ല്ലെ​ന്ന് താ​ങ്ക​ൾ പ​റ​ഞ്ഞു. എ​ന്നാ​ൽ ഈ ​ഗെ​യിം ജ​യി​ക്കാ​ൻ അ​തി​യാ​യി ആ​ഗ്ര​ഹി​ക്കു​ന്നു​മു​ണ്ട​ല്ലോ.

അ​തെ, പ​ക്ഷേ എ​ന്റെ സ്വ​ന്തം കാ​ര്യം ര​ണ്ടാ​മ​തേ വ​രു​ന്നു​ള്ളൂ. ആ​ദ്യം ചെ​യ്യേ​ണ്ട​ത് രാ​ജ്യ​ത്തി​നു​വേ​ണ്ടി​യാ​ണ്. അ​ത് ന​മ്മു​ടെ കൈ​യി​ലാ​യ​തി​നാ​ൽ ന​മു​ക്ക് ചെ​യ്യേ​ണ്ട​തു​ണ്ട്. ഞ​ങ്ങ​ൾ ഇ​തു​വ​രെ ക​ഴി​യാ​ത്ത മൂ​ന്നാം റൗ​ണ്ട് യോ​ഗ്യ​ത കൈ​വ​രി​ക്കാ​ൻ ഹോം ​ഗ്രൗ​ണ്ടി​ൽ ജ​യി​ക്കേ​ണ്ട​തു​ണ്ട്. എ​ന്നി​ട്ട് ഏ​ഷ്യ​യി​ലെ ഏ​റ്റ​വും മി​ക​ച്ച​താ​യി അ​ഭി​മാ​നം കൊ​ള്ളു​ക. ഒ​രി​ക്ക​ൽ ഞ​ങ്ങ​ൾ അ​ത് ചെ​യ്‌​തു​ക​ഴി​ഞ്ഞാ​ൽ, എ​ന്റെ അ​വ​സാ​ന​ത്തെ ക​ളി വ​ള​രെ പ്ര​ധാ​ന​പ്പെ​ട്ട ഒ​ന്നാ​യി​രു​ന്നു​വെ​ന്ന് ഓ​ർ​ത്തെ​ടു​ക്കാ​ൻ ക​ഴി​യു​ന്ന​ത് ന​ല്ല​താ​കും. ലോ​ക​ക​പ്പ് യോ​ഗ്യ​ത മൂ​ന്നാം റൗ​ണ്ടി​ലേ​ക്ക് രാ​ജ്യ​ത്തെ സം​ഭാ​വ​ന ചെ​യ്യാ​ൻ എ​നി​ക്ക് ക​ഴി​ഞ്ഞു​വെ​ന്ന​തും.

? ജൂ​ൺ ആ​റി​ലെ മ​ത്സ​ര​ത്തി​നു​ശേ​ഷം താ​ങ്ക​ൾ വി​ര​മി​ക്കു​ക​യാ​ണ്. എ​ന്തു​കൊ​ണ്ട് ടീം ​ഔ​ദ്യോ​ഗി​ക​മാ​യി മൂ​ന്നാം റൗ​ണ്ടി​ലേ​ക്ക് യോ​ഗ്യ​ത നേ​ടു​ന്ന ഖ​ത്ത​റി​നെ​തി​രാ​യ ജൂ​ൺ 11ലെ ​മ​ത്സ​രം താ​ങ്ക​ൾ ക​ളി​ക്കു​ന്നി​ല്ല.

അ​ത് ഒ​രു സ​ഹ​ജാ​വ​ബോ​ധ​മാ​ണെ​ന്ന് പ​റ​യാം. സാ​ൾ​ട്ട് ലേ​ക്കി​ലേ​തും ഖ​ത്ത​റി​ലേ​തും ത​മ്മി​ൽ വ്യ​ത്യാ​സ​മു​ണ്ട്. ഒ​ന്ന് ഹോം ​മ​ത്സ​ര​മാ​ണ്. ര​ണ്ട് വ​ഴി​ക​ളി​ലും എ​നി​ക്ക് ന​ല്ല ആ​ത്മ​വി​ശ്വാ​സ​മു​ണ്ട്. ഖ​ത്ത​റി​നെ​തി​രെ പോ​യ​ന്റ് നേ​ട​ണ​മെ​ന്ന​ത് ശ​രി​ത​ന്നെ. ഞ​ങ്ങ​ളു​ടെ ടീം ​തി​ക​ച്ചും ക​ഴി​വു​ള്ള​വ​രാ​ണ്. അ​തി​ന് ടീം ​ത​യാ​റാ​ണെ​ന്ന് ഞാ​ൻ ക​രു​തു​ന്നു. എ​ല്ലാം ചേ​ർ​ത്തു​വെ​ച്ച് ജൂ​ൺ ആ​റി​ലേ​ത് രാ​ജ്യ​ത്തി​നു വേ​ണ്ടി​യു​ള്ള അ​വ​സാ​ന ക​ളി​യാ​യി തീ​രു​മാ​നി​ക്കാ​ൻ എ​ന്നെ പ്രേ​രി​പ്പി​ച്ചു.

? ഒ​രു ദേ​ശീ​യ ടീം ​ക​ളി​ക്കാ​ര​നെ​ന്ന നി​ല​യി​ൽ 19 വ​ർ​ഷ​ത്തെ സം​ഗ്ര​ഹി​ക്കാ​മോ

അ​ത് മി​ക​ച്ച​താ​ണ്. അ​തൊ​രു സ്വ​പ്ന​മാ​ണ്. എ​വി​ടെ തു​ട​ങ്ങ​ണ​മെ​ന്ന് എ​നി​ക്ക​റി​യി​ല്ല. പ​ക്ഷേ, അ​തൊ​രു സു​ന്ദ​ര​മാ​യ സ്വ​പ്ന​മാ​ണ് എ​ന്ന​താ​ണ് സം​ഗ്ര​ഹം. 19 വ​ർ​ഷ​മാ​യി ദേ​ശീ​യ ടീ​മി​ന്റെ ഭാ​ഗ​മാ​കാ​ൻ ക​ഴി​ഞ്ഞ​തി​ൽ ഞാ​ൻ അ​ത്യ​ധി​കം ഭാ​ഗ്യ​വാ​നാ​ണ്. രാ​ജ്യ​ത്തി​നാ​യി പ​ങ്കെ​ടു​ക്കാ​നും ക​ളി​ക്കാ​നും ക​ഴി​ഞ്ഞു. എ​ന്നി​ൽ​നി​ന്ന് ആ​ർ​ക്കും എ​ടു​ത്തു​ക​ള​യാ​ൻ ക​ഴി​യാ​ത്ത കാ​ര്യ​മാ​ണി​ത്. അ​തി​നാ​യി സം​ഭാ​വ​ന​ക​ൾ ന​ൽ​കി​യ എ​ല്ലാ​വ​രോ​ടും ഞാ​ൻ ന​ന്ദി​യു​ള്ള​വ​നാ​ണ്. ആ ​തോ​ന്ന​ലി​നെ പ​റ​ഞ്ഞ് ക്ലീ​ഷേ​യാ​ക്കു​ന്നി​ല്ല.

? വ്യ​ക്തി​പ​ര​മാ​യി, ഈ ​തീ​രു​മാ​നം താ​ങ്ക​ൾ​ക്കും കു​ടും​ബ​ത്തി​നും എ​ന്ത് വി​കാ​ര​മു​ണ്ടാ​ക്കി

അ​തൊ​രു സ​മ്മി​ശ്ര വി​കാ​ര​മാ​യി​രു​ന്നു. പ​ക്ഷേ, ഞാ​ൻ അ​വ​രോ​ട് പ​റ​ഞ്ഞ​പ്പോ​ൾ എ​ല്ലാ​വ​ർ​ക്കും മ​ന​സ്സി​ലാ​യി. എ​ന്ത് നേ​ട്ടം കൈ​വ​രി​ച്ചാ​ലും എ​ന്റെ മു​ഴു​വ​ൻ കു​ടും​ബ​വും അ​ഭി​മാ​നി​ക്കു​ന്നു​വെ​ന്ന് ഞാ​ൻ വി​ശ്വ​സി​ക്കു​ന്നു. 19 വ​ർ​ഷ​മാ​യി ഞാ​ൻ ഇ​ത് ചെ​യ്യു​ന്നു. അ​വ​ർ അ​തി​ര​റ്റ സ​ന്തോ​ഷ​ത്തി​ലാ​ണ്. സം​ഭ​വി​ക്കു​മെ​ന്ന് എ​ല്ലാ​വ​ർ​ക്കും അ​റി​യാ​വു​ന്ന കാ​ര്യ​ങ്ങ​ളി​ൽ ഒ​ന്നാ​ണി​തെ​ന്ന് ഞാ​ൻ ക​രു​തു​ന്നു. പ​ക്ഷേ, ഞാ​ൻ അ​വ​രോ​ട് പ​റ​ഞ്ഞ​പ്പോ​ൾ, അ​വ​ർ അ​ൽ​പം ഞെ​ട്ടി​പ്പോ​യി. പ​ക്ഷേ, ഞാ​ൻ ഉ​ള്ളി​ൽ പോ​രാ​ടു​ക​യാ​ണെ​ന്ന് അ​വ​ർ മ​ന​സ്സി​ലാ​ക്കി. രാ​ജ്യ​ത്തി​നു​വേ​ണ്ടി ക​ളി​ക്കു​ന്ന​ത് നി​ർ​ത്താ​ൻ ആ​രും ആ​ഗ്ര​ഹി​ക്കു​ന്നി​ല്ല. പ​ക്ഷേ, ഒ​രു ദി​വ​സം അ​ത് ചെ​യ്യ​ണം.