Begin typing your search above and press return to search.
proflie-avatar
Login
exit_to_app
exit_to_app
മൈതാനത്തെ​ ചുവപ്പു കാർഡിന്​​ ടണലിൽ  ലിലെ താരവുമായി  അടികൂടി നെയ്​മർ; നിർണായക അങ്കം തോറ്റ്​ പി.എസ്​.ജി
cancel
Homechevron_rightSportschevron_rightFootballchevron_rightമൈതാനത്തെ​ ചുവപ്പു...

മൈതാനത്തെ​ ചുവപ്പു കാർഡിന്​​ ടണലിൽ ലിലെ താരവുമായി 'അടികൂടി' നെയ്​മർ; നിർണായക അങ്കം തോറ്റ്​ പി.എസ്​.ജി

text_fields
bookmark_border

പാരിസ്​: ഫ്രഞ്ച്​ ലീഗിൽ ആദ്യ സ്​ഥാനങ്ങളിലുള്ള കരുത്തരുടെ നേരങ്കത്തിൽ തോൽവിഭാരവുമായി പാരിസ്​ സെന്‍റ്​ ജർമൻ. ലീഗ്​ വണ്ണിൽ ഒന്നാമന്മാരായ ലിലെയോടാണ്​ ഏകപക്ഷീയമായ ഒരു ​േഗാളിന്​ പി.എസ്​.ജി തോറ്റത്​. ആദ്യപകുതിയുടെ 20ാം മിനിറ്റിൽ ലിലെ താരം 22കാരനായ ജൊനാഥൻ ​േഡവിഡാണ് പി.എസ്​.ജിയുടെ അന്തകനായത്​.

ആദ്യാവസാനം മൈതാനം നിറഞ്ഞ സൂപർ താരം നെയ്​മർ ലിലെ പെനാൽറ്റി ബോക്​സിൽ അപകടം വിത​ച്ച അവസാന നിമിഷങ്ങളിൽ അപകടമൊഴിവാക്കുന്നതിനിടെ തിയ​ാഗോ ജാലോയുമായുണ്ടായ കൈയാങ്കളിയിൽ ഇരുവരും കാർഡ്​ കണ്ട്​ പുറത്തായത്​ കളിക്കു ശേഷവും പ്രശ്​നങ്ങൾക്കിടയാക്കി.

പന്ത്​ കാലിൽനിന്ന്​ പോയതോടെ പ്രതിഷേധിച്ച്​ ജാലോയെ തള്ളിമാറ്റുന്നതോടെയായിരുന്നു സംഭവങ്ങളുടെ തുടക്കം. ശരിക്കും 'ബോക്​സിങ്​' സ്​റ്റൈലിലായിരുന്നു നെയ്​മറുടെ മറിച്ചിടൽ. ​കടുത്ത ഭാഷയിൽ പ്രതികരിച്ച ജാലോക്കും നെയ്​മർക്കും ഒന്നിച്ചു കാർഡ്​ നൽകിയ റഫറി രണ്ടാം മഞ്ഞക്കാർഡായതിനാൽ ഇരുവർക്കും ചുവപ്പും കാണിച്ചു. ഇതോടെ പുറത്തുപോയ ഇരുവരും പുറത്ത്​ ടണലിലും പരസ്​പരം കൊമ്പുകോർത്തു. കൈ കൊണ്ടു സാധിക്കാത്തത്​ നാവു കൊണ്ട്​ പറഞ്ഞുതീർക്കാനുള്ള ശ്രമം സുരക്ഷ ജീവനക്കാർ ഇടപെട്ടാണ്​ അവസാനിപ്പിച്ചത്​.

നെയ്​മറുടെ ചുവപ്പുകാർഡും അപ്രതീക്ഷിത തോൽവിയും ഒരേ ദിവസം കിട്ടിയ പി.എസ്​.ജിക്ക്​ തുടർച്ചയായ നാലാം കിരീടമെന്ന സ്വപ്​നനേട്ടം പിടിക്കാനാവുമോയെന്ന ആശങ്കക്ക്​ ​ശക്​തികൂടി. ലിലെ മൂന്നു പോയിന്‍റ്​ കൂടുതൽ നേടി ഒന്നാം സ്​ഥാനത്ത്​ തുടരുകയാണ്​. 31 കളികൾ പൂർത്തിയാക്കിയ ലിലെക്ക്​ 66 പോയിന്‍റാണ്​ സമ്പാദ്യം. അത്രയും കളികൾ പൂർത്തിയാക്കിയ പി.എസ്​.ജി 63ഉം മൊണാകോ 62ഉം ലിയോൺ 61ഉം പോയിന്‍റുമായി രണ്ടും മൂന്നും നാലും സ്​ഥാനങ്ങളിലുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:NeymarParis St-GermainLigue One
News Summary - Paris St-Germain beaten by Lille in Ligue One, Neymar sent off
Next Story