പ്രീമിയർ ലീഗ്: സിറ്റിക്കും ലിവർപൂളിനും ജയം; ചെൽസിക്ക് തോൽവി

ലണ്ടൻ: പോരാട്ടം കനക്കുന്ന ഇംഗ്ലീഷ് പ്രീമിയർ ലീഗിൽ മുൻനിരക്കാരായ മാഞ്ചസ്റ്റർ സിറ്റിക്കും ലിവർപൂളിനും ജയം. അതേസമയം, മൂന്നാം സ്ഥാനക്കാരായ ചെൽസി തോറ്റു. ലിവർപൂൾ 2-0ത്തിന് വാറ്റ്ഫോഡിനെയും സിറ്റി അതേ സ്കോറിന് ബേൺലിയെയുമാണ് തോൽപിച്ചത്.

ചെൽസി 4-1ന് ബ്രെന്റ്ഫോഡിനോട് തോറ്റു. ലിവർപൂളിനായി ഡീഗോ ജോട്ടയും ഫാബിന്യോയും സിറ്റിക്കായി കെവിൻ ഡിബ്രൂയ്നും ഇൽകായ് ഗുൻഡോഗനുമാണ് സ്കോർ ചെയ്തത്. ബ്രെന്റ്ഫോഡിനായി വിറ്റാലി യാനെറ്റ് രണ്ടു ഗോൾ നേടിയപ്പോൾ ക്രിസ്റ്റ്യൻ എറിക്സൺ ക്ലബിനായി ആദ്യ ഗോൾ സ്കോർ ചെയ്തു. സിറ്റിക്ക് 73ഉം ലിവർപൂളിന് 72ഉം പോയന്റാണ്.