മെസിക്കായി വലവിരിച്ച് ക്ലബുകൾ; കൂടുമാറ്റം എവിടേക്കെന്ന ആകാംക്ഷയിൽ ആരാധകരും
text_fieldsഅർജന്റീനയുടെ സൂപ്പർ താരം ലയണൽ മെസി സ്പാനിഷ് ക്ലബ് ബാഴ്സലോണ വിട്ടതോടെ ഇനി എവിടേക്കാവും മെസി കൂടുമാറ്റം നടത്തുകയെന്ന ചർച്ചകളാണ് സജീവമാകുന്നത്. ഫ്രഞ്ച് ക്ലബായ പി.എസ്.ജിയാണ് മെസിക്കായുള്ള പോരാട്ടത്തിൽ മുന്നിൽ നിൽക്കുന്നത്. ഇതുമായി ബന്ധപ്പെട്ടുള്ള നീക്കങ്ങൾക്ക് പി.എസ്.ജി തുടക്കമിട്ടുവെന്നാണ് റിപ്പോർട്ട്.
പി.എസ്.ജി കഴിഞ്ഞാൽ മാഞ്ചസ്റ്റർ സിറ്റിയാണ് മെസിക്കായി സജീവമായി രംഗത്തുള്ള ക്ലബ്. സിറ്റി മെസിക്കായി വലവിരിച്ചിട്ടുണ്ടെന്ന റിപ്പോർട്ടുകൾ പുറത്ത് വന്നിരുന്നു. എന്നാൽ, വാർത്തകൾ അസംബന്ധമെന്ന് പറഞ്ഞ് തള്ളിക്കളയാൻ മാഞ്ചസ്റ്റർ സിറ്റി ഇതുവരെ തയാറായിട്ടില്ലെന്നത് അഭ്യൂഹങ്ങൾ വർധിപ്പിക്കുന്നുണ്ട്. ജാക്ക് ഗ്രില്ലിഷിനെ ആസ്റ്റൺ വില്ലയിൽ നിന്ന് ടീമിലെത്തിച്ചതിന് പിന്നാലെയാണ് മെസിക്കായും പി.എസ്.ജിയുടെ നീക്കം.
അതേസമയം, സാമ്പത്തികമായ പ്രശ്നങ്ങൾ മെസിയെ ടീമിലെത്തിക്കുന്നതിന് മാഞ്ചസ്റ്റർ സിറ്റിക്ക് മുന്നിൽ പ്രതിസന്ധിയാവുന്നുണ്ടെന്ന സ്ഥിരീകരിക്കാത്ത റിപ്പോർട്ടുകളും പുറത്ത് വരുന്നുണ്ട്. യൂറോ കപ്പിൽ മിന്നും പ്രകടനം പുറത്തെടുത്ത ഹാരി കെയ്നിനേയും മാഞ്ചസ്റ്റർ സിറ്റി നോട്ടമിട്ടിട്ടുണ്ട്. രണ്ട് വമ്പൻ താരങ്ങളെ ഒരുമിച്ച് ക്ലബിലെത്തിച്ച് ആരാധകരെ സിറ്റി ഞെട്ടിക്കുമോയെന്നാണ് ഇനി അറിയേണ്ടത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.