മി​നി​പൂ​രം; ഏ​ഷ്യ​ൻ ക​പ്പി​നൊ​രു​ങ്ങി ഖ​ത്ത​ർ; ഇ​ന്ത്യ​ൻ ടീം ​ഇ​ന്നെ​ത്തും

ദോ​ഹ: വ​ൻ​ക​ര​യു​ടെ ക​ളി​യു​ത്സ​വ​ത്തി​ലേ​ക്ക് പ​ന്തു​രു​ളാ​ൻ ര​ണ്ടാ​ഴ്ച​മാ​ത്രം ശേ​ഷി​ക്കെ ഖ​ത്ത​ർ വീ​ണ്ടു​മൊ​രി​ക്ക​ൽ​കൂ​ടി ക​ളി​യാ​ര​വ​ങ്ങ​ളി​ലേ​ക്ക്. ഏ​ഷ്യ​ൻ ക​പ്പ് ഫു​ട്ബാ​ളി​നു​ള്ള 24 ടീ​മു​ക​ളി​ൽ ആ​ദ്യ സം​ഘ​മാ​യി ഇ​ന്ത്യ​യു​ടെ നീ​ല​പ്പ​ട ശ​നി​യാ​ഴ്ച ദോ​ഹ​യി​ലെ​ത്തും. ഇ​ന്ത്യ​ൻ സൂ​പ്പ​ർ ലീ​ഗ് സീ​സ​ണി​ന്റെ ആ​ദ്യ ഘ​ട്ട മ​ത്സ​ര​ങ്ങ​ൾ​ക്ക് വെ​ള്ളി​യാ​ഴ്ച ലോ​ങ് വി​സി​ൽ മു​ഴ​ങ്ങി​യ​തി​നു പി​ന്നാ​ലെ​യാ​ണ് ഏ​ഷ്യ​ൻ ക​പ്പി​നു​ള്ള സാ​ധ്യ​താ ടീ​മു​മാ​യി കോ​ച്ച് ഇ​ഗോ​ർ സ്റ്റി​മാ​കും സം​ഘ​വും ദോ​ഹ​യി​ലേ​ക്ക് വി​മാ​നം ക​യ​റു​ന്ന​ത്. ​ശ​നി​യാ​ഴ്ച ന്യൂ​ഡ​ൽ​ഹി വ​ഴി വൈ​കു​ന്നേ​ര​ത്തോ​ടെ ടീം ​ദോ​ഹ ഹ​മ​ദ് വി​മാ​ന​ത്താ​വ​ള​ത്തി​ലെ​ത്തു​മെ​ന്നാ​ണ് റി​പ്പോ​ർ​ട്ട്. ഖ​ത്ത​റി​ലെ ഇ​ന്ത്യ​ൻ ഫു​ട്ബാ​ൾ ആ​രാ​ധ​ക​രു​ടെ​യും ഇ​ന്ത്യ​ൻ എം​ബ​സി അ​നു​ബ​ന്ധ സം​ഘ​ട​ന​യാ​യ ഇ​ന്ത്യ​ൻ സ്​​പോ​ർ​ട്സ് സെ​ന്റ​റി​ന്റെ​യും നേ​തൃ​ത്വ​ത്തി​ൽ വി​മാ​ന​ത്താ​വ​ള​ത്തി​ൽ​ത​ന്നെ വ​ലി​യ വ​ര​വേ​ൽ​പ്പാ​യി​രി​ക്കും സു​നി​ൽ ഛേത്രി​യെ​യും സം​ഘ​ത്തെ​യും കാ​ത്തി​രി​ക്കു​ന്ന​ത്.ഏ​ഷ്യ​ൻ ക​പ്പി​നു​ള്ള ആ​ദ്യ വി​ദേ​ശ​സം​ഘ​മാ​യാ​ണ് നേ​ര​ത്തേ​ത​ന്നെ ഇ​ന്ത്യ​യു​ടെ വ​ര​വ്.

ഇ​ന്ത്യ​ൻ സൂ​പ്പ​ർ ലീ​ഗി​ലെ മ​ത്സ​ര​ച്ചൂ​ടി​ന് താ​ൽ​ക്കാ​ലി​ക അ​വ​ധി ന​ൽ​കി​യാ​ണ് ബ്ലൂ ​ടൈ​ഗേ​ഴ്സ് രാ​ജ്യ​ത്തി​ന്റെ വി​വി​ധ ദി​ക്കു​ക​ളി​ൽ​നി​ന്നാ​യി ന്യൂ​ഡ​ൽ​ഹി​യി​ലെ​ത്തി ‘ടീം ​ഇ​ന്ത്യ’​യാ​യി മാ​റു​ന്ന​ത്. ജ​നു​വ​രി 12ന് ​കി​ക്കോ​ഫ് കു​റി​ക്കു​ന്ന ഏ​ഷ്യ​ൻ ക​പ്പി​ൽ 13നാ​ണ് ഇ​ന്ത്യ​യു​ടെ ആ​ദ്യ മ​ത്സ​രം. ക​രു​ത്ത​രാ​യ ആ​സ്ട്രേ​ലി​യ​യാ​ണ് ആ​ദ്യ എ​തി​രാ​ളി. പി​ന്നാ​ലെ, 18ന് ​ഉ​സ്ബെ​കി​സ്താ​നെ​യും 23ന് ​സി​റി​യ​യെ​യും നേ​രി​ടും.

സ​ന്നാ​ഹമില്ലാ​തെ

സ​ന്നാ​ഹ മ​ത്സ​ര​ങ്ങ​ളൊ​ന്നു​മി​ല്ലാ​തെ ഏ​ഷ്യ​ൻ ക​പ്പി​ൽ നേ​രി​ട്ട് ബൂ​ട്ടു​കെ​ട്ടാ​നാ​ണ് കോ​ച്ച് ഇ​ഗോ​ർ സ്റ്റി​മാ​കി​ന്റെ പ്ലാ​ൻ. 30 പേ​രു​മാ​യാ​ണ് ദോ​ഹ​യി​ലെ​ത്തു​ന്ന​ത്. ഇ​വി​ടെ പ​രി​ശീ​ല​നം ആ​രം​ഭി​ച്ച​ശേ​ഷം ജ​നു​വ​രി മൂ​​ന്നി​ന് മു​മ്പാ​യി 26 അം​ഗ സം​ഘ​ത്തെ പ്ര​ഖ്യാ​പി​ക്കും. ക​ഴി​ഞ്ഞ ന​വം​ബ​ർ 21ന് ​ലോ​ക​ക​പ്പ്-​ഏ​ഷ്യ​ൻ ക​പ്പ് യോ​ഗ്യ​താ റൗ​ണ്ടി​ലാ​ണ് ഇ​ന്ത്യ അ​വ​സാ​ന​മാ​യി ക​ളി​ച്ച​ത്. ഖ​ത്ത​റി​നെ​തി​രാ​യ മ​ത്സ​ര​ശേ​ഷം, ക്ല​ബ് ഡ്യൂ​ട്ടി​യി​ലേ​ക്ക് മ​ട​ങ്ങി​യ താ​ര​ങ്ങ​ൾ വീ​ണ്ടും ഒ​ന്നി​ച്ച് ക​ള​ത്തി​ലി​റ​ങ്ങു​ന്ന​ത് ദോ​ഹ​യി​ലാ​ണ്. എ​തി​രാ​ളി​ക​ളെ​ല്ലാം ചു​രു​ങ്ങി​യ​ത് ഒ​രു സ​ന്നാ​ഹ മ​ത്സ​ര​മെ​ങ്കി​ലും ക​ളി​ച്ചാ​ണ് ഖ​ത്ത​റി​ലെ​ത്തു​ന്ന​ത്. ആ​സ്ട്രേ​ലി​യ ജ​നു​വ​രി ആ​റി​ന് ബ​ഹ്റൈ​നെ​യും ഉ​സ്ബെ​ക് കി​ർ​ഗി​സ്താ​നെ​യും സി​റി​യ ര​ണ്ട് സ​ന്നാ​ഹ മ​ത്സ​ര​ങ്ങ​ളും ക​ളി​ക്കു​ന്നു. എ​ന്നാ​ൽ, ഇ​ന്ത്യ​യു​ടെ നി​ല​പാ​ടി​ൽ കോ​ച്ചി​ന് കൃ​ത്യ​മാ​യ മ​റു​പ​ടി​യു​ണ്ട്.

ഇ​ന്ത്യ​ൻ സൂ​പ്പ​ർ ലീ​ഗി​ൽ സ​ജീ​വ​മാ​യ മ​ത്സ​ര​സീ​സ​ണി​ൽ ക​ളി​ച്ചു ത​ള​ർ​ന്ന താ​ര​ങ്ങ​ൾ​ക്ക് ഏ​ഷ്യ​ൻ ക​പ്പി​ലെ സു​പ്ര​ധാ​ന മ​ത്സ​ര​ങ്ങ​ൾ​ക്ക് മു​മ്പ് ആ​വ​ശ്യ​മാ​യ വി​ശ്ര​മം ന​ൽ​കു​ക​യും പ​രി​ക്ക് സാ​ധ്യ​ത ഒ​ഴി​വാ​ക്കു​ക​യു​മാ​ണ് സ​ന്നാ​ഹ മ​ത്സ​ര​ങ്ങ​ളോ​ട് ‘നോ’ ​പ​റ​യാ​നു​ള്ള കാ​ര​ണം. ആ​സ്ട്രേ​ലി​യ​ക്കെ​തി​രെ വി​ജ​യം വ​ലി​യ വെ​ല്ലു​വി​ളി​യാ​ണെ​ന്ന യാ​ഥാ​ർ​ഥ്യം ഉ​​ൾ​ക്കൊ​ണ്ടാ​വും ടീം ​തു​ട​ങ്ങു​ക. ഒ​ന്നാം അ​ങ്ക​ത്തി​ൽ വ​ലി​യ മാ​ർ​ജി​നി​ലെ തോ​ൽ​വി ഒ​ഴി​വാ​ക്കു​ക. ശേ​ഷ​മു​ള്ള ര​ണ്ടി​ൽ ഒ​രു ജ​യ​വും ഒ​രു സ​മ​നി​ല​യു​മാ​യാ​ൽ ടീ​മി​ന് അ​നാ​യാ​സം പ്രീ​ക്വാ​ർ​ട്ട​ർ ഉ​റ​പ്പി​ക്കാ​നാ​വും. അ​വ​സാ​ന ക​ളി​ക​ളി​ലേ​ക്ക് ടീ​മി​ന് മു​ഴു​വ​ൻ ഊ​ർ​ജ​വും നി​ല​നി​ർ​ത്തു​ക​യെ​ന്ന​താ​ണ് ടീം ​പ്ലാ​ൻ. സ​ഹ​ൽ അ​ബ്​​ദു​ൽ സ​മ​ദ്, കെ.​പി രാ​ഹു​ൽ​ എ​ന്നീ മ​ല​യാ​ളി താ​ര​ങ്ങ​ളാ​ണ്​ ടീ​മി​ലു​ള്ള​ത്. സ​ഹ​ൽ പ​രി​ക്കി​ന്റെ പി​ടി​യി​ലാ​ണ്. സു​നി​ൽ ഛേത്രി, ​സ​ന്ദേ​ശ്​ ജി​ങ്ക​ൻ, മ​ൻ​വി​ർ സി​ങ്, ലാ​ലി​യാ​ൻ​സു​വാ​ല ചാ​ങ്​​തേ, ഗു​ർ​പ്രീ​ത്​ സി​ങ്, ഉ​ദാ​ന്ത, ലി​സ്​​റ്റ​ൺ കൊ​ളാ​സോ, രാ​ഹു​ൽ ഭെ​കെ തു​ട​ങ്ങി​യ പ​രി​ച​യ​സ​മ്പ​ന്ന​രു​ടെ നി​ര​യു​മു​ണ്ട്.

ഗാ​ല​റി നീ​ല​ക്ക​ട​ലാ​കും

ക​ഴി​ഞ്ഞ മാ​സം കു​വൈ​ത്തി​ൽ ക​ണ്ട അ​തേ ആ​രാ​ധ​ക ആ​വേ​ശം​ത​ന്നെ​യാ​ണ് ഖ​ത്ത​റി​ലും ടീം ​ഇ​ന്ത്യ​യെ കാ​ത്തി​രി​ക്കു​ന്ന​ത്. ഏ​ഷ്യ​ൻ ക​പ്പി​ൽ ഗാ​ല​റി​യി​ലെ ഏ​റ്റ​വും വ​ലി​യ ആ​രാ​ധ​ക സാ​ന്നി​ധ്യ​മാ​യി സം​ഘാ​ട​ക​ർ പ്ര​തീ​ക്ഷി​ക്കു​ന്ന​തും ഖ​ത്ത​റി​ലെ മ​ല​യാ​ളി​ക​ൾ ഉ​ൾ​പ്പെ​ടെ ഇ​ന്ത്യ​ൻ ഫാ​ൻ​സി​നെ​യാ​ണ്. നി​ല​വി​ൽ ടി​ക്ക​റ്റ് വാ​ങ്ങി​ക്കൂ​ട്ടി​യ​വ​രി​ൽ മൂ​ന്നാം സ്ഥാ​ന​ത്താ​ണ് ഇ​ന്ത്യ. ആ​തി​ഥേ​യ​രാ​യ ഖ​ത്ത​ർ ക​ഴി​ഞ്ഞാ​ൽ, ഏ​റ്റ​വു​മ​ധി​കം ഗാ​ല​റി​യു​ടെ പി​ന്തു​ണ ല​ഭി​ക്കു​ന്ന ടീ​മാ​യി മാ​റു​മ്പോ​ൾ പ​ന്ത്ര​ണ്ടാ​മ​ന്റെ ആ​ര​വം ഛേത്രി​ക്കും കൂ​ട്ട​ർ​ക്കും ക​രു​ത്താ​കും. ഇ​ന്ത്യ​യു​ടെ തു​ട​ർ​ച്ച​യാ​യ ര​ണ്ടാം ഏ​ഷ്യ​ൻ ക​പ്പ് പോ​രാ​ട്ട​മാ​ണി​ത്. 2019 യു.​എ.​ഇ ഏ​ഷ്യ​ൻ ക​പ്പി​ൽ ടീം ​ഗ്രൂ​പ് റൗ​ണ്ടി​ൽ മ​ട​ങ്ങു​ക​യാ​യി​രു​ന്നു. 2011ൽ ​ഖ​ത്ത​ർ വേ​ദി​യാ​യ​പ്പോ​ഴും ഇ​ന്ത്യ ക​ളി​ച്ചു. മി​ക​ച്ച വി​ജ​യ​ങ്ങ​ളും ശ്ര​ദ്ധേ​യ​മാ​യ മു​ന്നേ​റ്റ​ങ്ങ​ളു​മാ​യി ഫു​ട്ബാ​ളി​ൽ കു​തി​ക്കു​ന്ന ‘ബ്ലൂ ​ടൈ​ഗേ​ഴ്സി’​ന് ഗ്രൂ​പ് ഘ​ട്ടം ക​ട​ക്കാ​നാ​യാ​ൽ അ​തു​മൊ​രു നേ​ട്ട​മാ​കും. ലോ​ക​ക​പ്പ് ഫു​ട്ബാ​ളി​ന് വേ​ദി​യാ​യ അ​ഹ​മ്മ​ദ് ബി​ൻ അ​ലി സ്റ്റേ​ഡി​യ​ത്തി​ലും അ​ൽ ബെ​യ്ത് സ്റ്റേ​ഡി​യ​ത്തി​ലു​മാ​ണ് ഗ്രൂ​പ് റൗ​ണ്ട് മ​ത്സ​ര​ങ്ങ​ൾ.