വ​മ്പ​ൻ സ്വ​പ്ന​ങ്ങ​ളി​ലേ​ക്ക് ഖ​ത്ത​റി​ന് സ​ന്നാ​ഹം

ദോ​ഹ: ഇ​​ട​വേ​ള​ക്കു​ശേ​ഷം സ്വ​ന്തം മ​ണ്ണി​ൽ പോ​രാ​ട്ട​ങ്ങ​ൾ​ക്ക് ബൂ​ട്ടു​കെ​ട്ടി ഖ​ത്ത​ർ ​ദേ​ശീ​യ ടീം. ​വ​രാ​നി​രി​ക്കു​ന്ന ലോ​ക​ക​പ്പ് ഫു​ട്ബാ​ൾ യോ​ഗ്യ​ത പോ​രാ​ട്ട​ങ്ങ​ൾ​ക്കും ജ​നു​വ​രി​യി​ലെ ഏ​​ഷ്യ​ൻ ക​പ്പി​നു​മു​ള്ള ഒ​രു​ക്ക​ങ്ങ​ളു​ടെ ഭാ​ഗ​മാ​യാ​ണ് അ​ക്രം അ​ഫീ​ഫും ഹ​സ​ൻ ഹൈ​ദോ​സും ഉ​ൾ​പ്പെ​ടെ താ​ര​ങ്ങ​ൾ കോ​ച്ച് കാ​ർ​ലോ​സ് ക്വി​റോ​സി​നു കീ​ഴി​ൽ ഒ​രു​ങ്ങു​ന്ന​ത്.

ആ​ദ്യ സ​ന്നാ​ഹ മ​ത്സ​ര​ത്തി​ൽ വ്യാ​ഴാ​ഴ്ച വൈ​കീ​ട്ട് 6.15ന് ​കെ​നി​യ​യെ നേ​രി​ടും. ലോ​ക​ക​പ്പ് വേ​ദി​ക​ളി​ൽ ഒ​ന്നാ​യ അ​ൽ ജ​നൂ​ബ് സ്റ്റേ​ഡി​യ​മാ​ണ് സൂ​പ്പ​ർ പോ​രാ​ട്ട​ത്തി​​ന് വേ​ദി​യാ​കു​ന്ന​ത്. ഒ​രാ​ഴ്ച​ക്കു​ള്ളി​ൽ ര​ണ്ടു സൗ​ഹൃ​ദ മ​ത്സ​ര​ങ്ങ​ളാ​ണ് ഷെ​ഡ്യൂ​ൾ ചെ​യ്ത​ത്. കെ​നി​യ​ക്കെ​തി​രാ​യ അ​ങ്ക​ത്തി​നു പി​ന്നാ​ലെ 12ന് ​റ​ഷ്യ​യെ​യും ഖ​ത്ത​ർ നേ​രി​ടും.

ക​ഴി​ഞ്ഞ ജൂ​ലൈ​യി​ൽ കോ​ൺ​ക​കാ​ഫ് ഗോ​ൾ​ഡ് ക​പ്പി​ൽ ക്വാ​ർ​ട്ട​ർ ഫൈ​ന​ൽ വ​രെ​യെ​ത്തി​യ മ​ത്സ​ര​ങ്ങ​ൾ​ക്കു ശേ​ഷ​മാ​ണ് ഖ​ത്ത​ർ ക​ള​ത്തി​ലി​റ​ങ്ങു​ന്ന​ത്. ഫി​ഫ റാ​ങ്കി​ങ്ങി​ൽ 105ാം സ്ഥാ​ന​ക്കാ​ർ മാ​ത്ര​മാ​യ കെ​നി​യ ദു​ർ​ബ​ല​രാ​യ എ​തി​രാ​ളി​ക​ളാ​ണ്.

എ​ന്നാ​ൽ, മ​റു​പാ​തി​യി​ൽ പ​ന്തു​ത​ട്ടു​ന്ന​വ​രു​ടെ വ​ലു​പ്പം നോ​ക്കാ​തെ മി​ക​ച്ച ക​ളി​യി​ലൂ​ടെ പ്ര​ക​ട​നം മെ​ച്ച​പ്പെ​ടു​ത്താ​നു​ള്ള പ​ദ്ധ​തി​ക​ളു​മാ​യാ​ണ് ഖ​ത്ത​ർ ബൂ​ട്ടു​കെ​ട്ടു​ന്ന​ത്. 26 അം​ഗ ടീ​മി​നെ കോ​ച്ച് ക്വി​റോ​സ് ക​ഴി​ഞ്ഞ ദി​വ​സം പ്ര​ഖ്യാ​പി​ച്ചി​രു​ന്നു. ടീ​മി​ലെ എ​ല്ലാ​വ​രും സൗ​ഹൃ​ദ മ​ത്സ​ര​ത്തി​നാ​യി പൂ​ർ​ണ​മാ​യി ഒ​രു​ങ്ങി​യെ​ന്ന് കോ​ച്ച് ക്വി​റോ​സ് പ​റ​ഞ്ഞു.

ലോ​ക​ക​പ്പ് യോ​ഗ്യ​ത ഉ​റ​പ്പി​ക്കാ​ൻ ടീ​മി​ന് ക​ടു​ത്ത പോ​രാ​ട്ട​ങ്ങ​ളാ​ണ് മു​ന്നി​ലു​ള്ള​തെ​ന്നും അ​തി​ലേ​ക്കു​ള്ള തു​ട​ക്ക​മാ​യാ​ണ് ഓ​രോ മ​ത്സ​ര​ങ്ങ​ളു​മെ​ന്നും അ​ദ്ദേ​ഹം വി​ശ​ദീ​ക​രി​ച്ചു. ഗോ​ൾ​ഡ് ക​പ്പി​ൽ സീ​നി​യ​ർ താ​ര​ങ്ങ​ൾ​ക്ക് വി​ശ്ര​മം ന​ൽ​കി യു​വ​നി​ര​യു​മാ​യാ​ണ് ഖ​ത്ത​ർ ക​ളി​ച്ച​ത്.

ഖ​ത്ത​ർ സ്റ്റാ​ർ​സ് ലീ​ഗി​ൽ അ​ൽ ദു​ഹൈ​ലി​ന്റെ ഗോ​ൾ മെ​ഷീ​നാ​യ മൈ​ക​ൽ ഒ​ലു​ങ്ക കെ​നി​യ​ൻ ടീ​മി​നാ​യി ബൂ​ട്ടു​കെ​ട്ടും. കോ​ച്ച് എ​ൻ​ഗി​ൻ ഫി​റാ​തി​നു കീ​ഴി​ൽ ടീം ​ക​ഴി​ഞ്ഞ​ദി​വ​സം ദോ​ഹ​യി​ലെ​ത്തി​യി​രു​ന്നു. ഖ​ത്ത​റി​നെ നേ​രി​ട്ട ശേ​ഷം 12ന് ​സൗ​ത്ത് സു​ഡാ​നു​മാ​യും കെ​നി​യ ഇ​വി​ടെ ക​ളി​ക്കു​ന്നു​ണ്ട്. അ​വ​ർ​ക്കും ലോ​ക​ക​പ്പ് യോ​ഗ്യ​ത മ​ത്സ​ര​ങ്ങ​ൾ​ക്കു​ള്ള ത​യാ​റെ​ടു​പ്പാ​ണി​ത്.