പ​ന്തു​ക​ളി​യു​ടെ നാ​ട്ടി​ൽ സു​ഹൈ​ലും തു​റാ​യ​യും ഹാ​പ്പി​യാ​ണ്...

കാ​ഴ്ച​ക്കാ​രെ കാ​ണു​മ്പോ​ൾ സു​ഹൈ​ലി​നും തു​റാ​യ​ക്കും സ​ന്തോ​ഷം. 21 ദി​വ​സ​മാ​യി ഇ​വി​ടെ​യി​ങ്ങ​നെ അ​ട​ച്ചി​രി​ക്കു​ക​യാ​യി​രു​ന്നു. ചൈ​ന​യി​ൽ​നി​ന്ന് പ​റ​ന്നി​റ​ങ്ങി​യ ശേ​ഷ​മു​ള്ള ക്വാ​റ​ന്റീ​ൻ കാ​ലാ​വ​ധി ക​ഴി​ഞ്ഞു. പ​ന്തു​ക​ളി​യു​ടെ നാ​ട്ടി​ൽ ഇ​നി ഈ ​ഭീ​മ​ൻ പാ​ണ്ട​ക​ളെ കാ​ണാ​ൻ ആ​ളു​ക​ൾ ഇ​ഷ്ടം​പോ​ലെ​യെ​ത്തും. പു​തി​യ ദേ​ശ​വും സാ​ഹ​ച​ര്യ​ങ്ങ​ളു​മാ​യൊ​ക്കെ ഇ​രു​വ​രും പൊ​രു​ത്ത​പ്പെ​ട്ടു​ക​ഴി​ഞ്ഞു. ചാ​ടി​യും മ​റി​ഞ്ഞും ഉ​ണ​ങ്ങി​യ മ​ര​ത്തി​ൽ പാ​ഞ്ഞു​ക​യ​റി​യു​മൊ​ക്കെ ര​ണ്ടു​പേ​രും അ​ത് സാ​ക്ഷ്യ​പ്പെ​ടു​ത്തു​ക​യും ചെ​യ്യു​ന്നു​ണ്ട്. കൂ​ട്ടി​ലെ പ​ഴ​ങ്ങ​ൾ ക​ഴി​ച്ചും മ​രം കൊ​ണ്ടു​ണ്ടാ​ക്കി​യ പാ​ല​ത്തി​ൽ വി​ശ്ര​മി​ച്ചു​മൊ​ക്കെ ഇ​രു​വ​രും ഹാ​പ്പി​യാ​ണ്.

നാ​ളെ ഉ​ദ്ഘാ​ട​ന മ​ത്സ​ര​ത്തി​ന് വേ​ദി​യൊ​രു​ക്കു​ന്ന അ​ൽ​ബെ​യ്ത്ത് സ്റ്റേ​ഡി​യ​ത്തി​ന് എ​ട്ടു കി​ലോ​മീ​റ്റ​ർ അ​ക​ലെ അ​ൽ​ഖോ​ർ പാ​ർ​ക്കി​ൽ സ​ജ്ജ​മാ​ക്കി​യ പാ​ണ്ട ഹൗ​സ് പാ​ർ​ക്കി​ലാ​ണ് സു​ഹൈ​ലും തു​റാ​യ​യും ഇ​പ്പോ​ഴു​ള്ള​ത്. ശീ​തീ​ക​രി​ച്ച്, പ​ച്ച​പ്പോ​ടെ പ്ര​ത്യേ​കം സ​ജ്ജ​മാ​ക്കി​യ​താ​ണ് പു​തി​യ കേ​ന്ദ്രം. വെ​ള്ളി​യാ​ഴ്ച​യാ​ണ് ഇ​ത് പൊ​തു​ജ​ന​ങ്ങ​ൾ​ക്ക് തു​റ​ന്നു​കൊ​ടു​ത്ത​ത്. ഒ​ഴി​വു​ദി​വ​സ​മാ​യ​തു​കൊ​ണ്ടു​ത​ന്നെ പാ​ണ്ട​ക​ളെ കാ​ണാ​ൻ ആ​ളു​ക​ളു​ടെ തി​ര​ക്കാ​യി​രു​ന്നു.

ചൈ​ന​യി​ലെ വൊ​ളോ​ങ് ഷെ​ൻ​ഷൂ​പി​ങ് പാ​ണ്ട ബേ​സി​ലാ​ണ് ഇ​വ​രു​ടെ ജ​ന​നം. ലോ​ക​ക​പ്പ് ആ​തി​ഥേ​യ​രാ​യ ഖ​ത്ത​റി​ന് ചൈ​ന​യു​ടെ സ​മ്മാ​ന​മാ​യാ​ണ് നാ​ലു വ​യ​സ്സു​കാ​ര​നാ​യ സു​ഹൈ​ലും മൂ​ന്നു വ​യ​സ്സു​കാ​രി​യാ​യ തു​റാ​യ​യും അ​ൽ​ഖോ​റി​ലെ​ത്തി​യ​ത്. സി ​ഹാ​യ് എ​ന്ന ചൈ​നീ​സ് പേ​രു മാ​റ്റി​യാ​ണ് തു​റാ​യ എ​ന്നാ​യ​ത്. സു​ഹൈ​ലി​ന്റെ ചൈ​നീ​സ് പേ​ര് ജി​ങ് പി​ങ് എ​ന്നാ​യി​രു​ന്നു. ഇ​രു​രാ​ജ്യ​ങ്ങ​ൾ​ക്കു​മി​ട​യി​ലെ സൗ​ഹൃ​ദ​ത്തി​ന്റെ വ്യാ​പ്തി വ​ർ​ധി​പ്പി​ക്കാ​നും ഖ​ത്ത​ർ ആ​തി​ഥ്യം വ​ഹി​ക്കു​ന്ന ലോ​ക​ക​പ്പ് ഫു​ട്ബാ​ളി​ന് ചൈ​ന​യു​ടെ ആ​ശം​സ​ക​ൾ കൈ​മാ​റാ​നും പാ​ണ്ട​ക​ളു​ടെ വ​ര​വ് വ​ഴി​യൊ​രു​ക്കു​മെ​ന്ന് ഖ​ത്ത​റി​ലെ ചൈ​നീ​സ് അം​ബാ​സ​ഡ​ർ ഷൂ ​ജി​യാ​ൻ പ​റ​ഞ്ഞി​രു​ന്നു.

രാ​വി​ലെ 10 മു​ത​ൽ വൈ​കീ​ട്ട് ആ​റു​മ​ണി വ​രെ​യാ​ണ് പാ​ർ​ക്കി​ലേ​ക്ക് പ്ര​വേ​ശ​നം. മു​തി​ർ​ന്ന​വ​ർ​ക്ക് 50 ഖ​ത്ത​ർ റി​യാ​ലാ​ണ് (ഏ​ക​ദേ​ശം 1100 രൂ​പ) പ്ര​വേ​ശ​ന ഫീ​സ്. 14 വ​യ​സ്സി​ൽ താ​ഴെ​യു​ള്ള കു​ട്ടി​ക​ൾ​ക്ക് 25 ഖ​ത്ത​ർ റി​യാ​ൽ ന​ൽ​ക​ണം. ടി​ക്ക​റ്റു​ക​ൾ പ്ര​ത്യേ​ക ആ​പ്ലി​ക്കേ​ഷ​നി​ലൂ​ടെ ഓ​ൺ​ലൈ​ൻ വ​ഴി​യാ​ണ് എ​ടു​ക്കേ​ണ്ട​ത്.

ചൈ​ന​യി​ൽ​നി​ന്ന് പ്ര​ത്യേ​കം സ​ജ്ജീ​ക​രി​ച്ച വി​മാ​ന​ത്തി​ലാ​ണ് ഇ​വ​ർ ദോ​ഹ​യി​ലെ​ത്തി​യ​ത്. സു​ഹൈ​ലും തു​റാ​യ​യും എ​ത്തി​യ​തോ​ടെ ഭീ​മ​ൻ പാ​ണ്ട​ക​ളു​ള്ള മ​ധ്യ പൂ​ർ​വേ​ഷ്യ​ൻ രാ​ജ്യം എ​ന്ന ബ​ഹു​മ​തി ഇ​പ്പോ​ൾ ഖ​ത്ത​റി​ന് സ്വ​ന്ത​മാ​ണ്. ദോ​ഹ​യി​ൽ​നി​ന്ന് പ്ര​ത്യേ​കം സ​ജ്ജീ​ക​രി​ച്ച വാ​ഹ​ന​ത്തി​ലാ​ണ് ഇ​വ​രെ അ​ൽ​ഖോ​ർ പാ​ർ​ക്കി​ലെ​ത്തി​ച്ച​ത്. മാ​റ്റ് സു​വോ​ള​ജി​ക്ക​ൻ ഓ​പ​റേ​ഷ​ൻ​സ് ടീ​മി​ന്റെ നേ​തൃ​ത്വ​ത്തി​ലാ​യി​രു​ന്നു പാ​ണ്ട​ക​ൾ​ക്ക് രാ​ജ്യാ​ന്ത​ര നി​ല​വാ​ര​ത്തി​ലു​ള്ള സൗ​ക​ര്യ​ങ്ങ​ൾ ഒ​രു​ക്കി​യ​ത്.