നി​രാ​ശ​രാ​യ അ​ർ​ജ​ൻ​റീ​ന കാ​ണി​ക​ൾ​ക്ക് പു​തു​ജീ​വ​ൻ പ​ക​ർ​ന്ന് മെ​ക്സി​കോ​ക്കെ​തി​രാ​യ ജ​യം

ദോ​ഹ: നീ​ല​യും പ​ച്ച​യും നി​റ​ങ്ങ​ളി​ൽ തി​ര​യ​ടി​ച്ച മു​നു​ഷ്യ​ക്ക​ട​ലി​നു മ​ധ്യേ ഒ​രു സ്വ​ർ​ണ​ക്കൂ​ടാ​രം​പോ​ലെ ത​ല​യു​യ​ർ​ത്തി​നി​ന്ന ലു​സൈ​ൽ സ്റ്റേ​ഡി​യ​ത്തി​ന് ചു​റ്റും ശ​നി​യാ​ഴ്ച രാ​ത്രി അ​ദൃ​ശ്യ​മാ​യൊ​രു പ്ര​ഭാ​വ​ല​യ​മു​ണ്ടാ​യി​രു​ന്നു. കൂ​റ്റ​ൻ തെ​രു​വു​വി​ള​ക്കും സ്റ്റേ​ഡി​യ​ത്തി​ലെ ഫ്ല​ഡ് ലി​റ്റു​ക​ളും ചി​ത​റി​യ ചു​വ​ന്ന വെ​ളി​ച്ച​ത്തി​നു​കീ​ഴെ കാ​ൽ​പ​ന്ത് ലോ​ക​ത്തെ പ​ര​വ​താ​നി വി​രി​ച്ച് ലു​സൈ​ൽ സ്വാ​ഗ​തം​ചെ​യ്ത ദി​നം.

സ്പാ​നി​ഷ് ഭാ​ഷ​യി​ൽ ''ഓ​ലെ.. ഓ​ലെ... വോ​ൽ​വെ​റെ​മോ​സ് അ ​സെ​ർ കാം​പി​യോ​നെ​സ് കോ​മോ എ​ൻ എ​ൽ 86...'' (1986ലെ​പ്പോ​ലെ ഞ​ങ്ങ​ൾ വീ​ണ്ടും ചാ​മ്പ്യ​ന്മാ​രാ​കും...) എ​ന്ന് തു​ട​ങ്ങു​ന്ന അ​ഭി​വാ​ദ്യ ഗാ​ന​വു​മാ​യി അ​ർ​ജ​ൻ​റീ​ന ആ​രാ​ധ​ക​ർ മെേ​ട്രാ സ്റ്റേ​ഷ​നി​ലി​റ​ങ്ങി സ്റ്റേ​ഡി​യ​ത്തി​ലേ​ക്കു​ള്ള ര​ണ്ട് കി​ലോ​മീ​റ്റോ​ളം കാ​ൽ​ന​ട​യാ​ത്ര​ക്ക് ഉ​ത്സ​വ​ച്ഛാ​യ പ​ക​രു​ന്നു.

ആ​കാ​ശ​നീ​ല​യും തൂ​വെ​ള്ള​യും നി​റ​ത്തി​ലെ കു​പ്പാ​യ​വും മു​ടി​ക്കെ​ട്ടും അ​ല​ങ്കാ​ര​മാ​ക്കി സ്റ്റേ​ഡി​യ​ത്തി​ലേ​ക്ക് നീ​ങ്ങു​ന്ന​വ​ർ​ക്കി​ട​യി​ൽ, അ​ല​ങ്കാ​ര​ങ്ങ​ൾ​ക്ക് ഒ​ട്ടും കു​റ​വി​ല്ലാ​തെ മെ​ക്സി​കോ ആ​രാ​ധ​ക​രും. ''മെ​ക്കി​ക്കോ... മെ​ക്കി​ക്കോ...'' എ​ന്നു​തു​ട​ങ്ങി അ​ർ​ജ​ൻ​റീ​ന ആ​രാ​ധ​ക​ർ​ക്ക് മ​റു​പ​ടി ന​ൽ​കു​ക​യാ​ണ് വ​ട​ക്ക​ൻ അ​മേ​രി​ക്ക​ൻ പ​ച്ച​ക്കു​പ്പാ​യ​ക്കാ​ർ..

മെേ​ട്രാ ട്രെ​യി​നു​ക​ളി​ലും സ്റ്റേ​ഷ​നു​ക​ളി​ലും​നി​ന്ന് തു​ട​ങ്ങു​ന്ന ആ​ര​വ​ങ്ങ​ൾ​ക്കി​ട​യി​ലും ആ​ശ​ങ്ക​ക​ളു​ടെ ന​ടു​ക്ക​ട​ലി​ലാ​യി​രു​ന്നു അ​ർ​ജ​ൻ​റീ​ന ആ​രാ​ധ​ക​ർ. ആ​ഘോ​ഷ​ങ്ങ​ൾ​ക്കി​ട​യി​ലും മെ​ക്സി​കോ​ക്ക് മു​ന്നി​ൽ തോ​റ്റാ​ൽ ഗ്രൂ​പ് റൗ​ണ്ടി​ൽ പു​റ​ത്താ​വു​മ​ല്ലോ​യെ​ന്ന ഭ​യം പ​ങ്കു​വെ​ക്കു​ന്നു. മി​ഷൈ​രി​ബ് മെേ​ട്രാ സ്റ്റേ​ഷ​നി​ൽ​നി​ന്നു​ള്ള യാ​ത്ര​ക്കി​ട​യി​ൽ കൂ​ട്ടു​കൂ​ടി​യ അ​ർ​ജ​ൻ​റീ​ന​യി​ൽ സം​ഘ​ത്തോ​ട് എ​ന്താ​വും മ​ത്സ​ര​ഫ​ലം എ​ന്ന ചോ​ദ്യ​ത്തി​ന് ജ​യി​ച്ചേ മ​തി​യാ​വൂ എ​ന്നാ​യി ഉ​ത്ത​രം. മെ​സ്സി ഗോ​ള​ടി​ക്കു​മോ എ​ന്നാ​യ​പ്പോ​ൾ ഗ്രൗ​ണ്ടി​ൽ കാ​ണാ​മെ​ന്നാ​യി... ആ​ദ്യ മ​ത്സ​ര​ത്തി​ൽ സൗ​ദി​യോ​ടേ​റ്റ അ​ട്ടി​മ​റി തോ​ൽ​വി​യു​ടെ ആ​ഘാ​തം ര​ണ്ടാം അ​ങ്ക​ത്തി​ൽ മെ​സ്സി​യു​ടെ ബൂ​ട്ടി​ലൂ​ടെ ഗോ​ൾ പി​റ​ക്കും​വ​രെ ഭാ​ര​മാ​യി ആ​രാ​ധ​ക മ​ന​സ്സി​ലു​ണ്ടാ​യി​രു​ന്നു.

ക​ള​മു​ണ​രു​ന്ന​തി​ന് ഒ​രു​മ​ണി​ക്കൂ​ർ മുേ​മ്പ ലു​സൈ​ലി​ന്റെ ഗാ​ല​റി പ​ട​വു​ക​ൾ നി​റ​ഞ്ഞു​ക​വി​ഞ്ഞു. മ​ധ്യ​പൂ​ർ​വേ​ഷ്യ​യു​ടെ മാ​റ​ക്കാ​ന സ്റ്റേ​ഡി​യ​മാ​യി മാ​റി​യ ക​ളി​യി​ട​ത്തി​ലെ ഇ​രി​പ്പി​ട​ങ്ങ​ളി​ൽ പ​ര​മാ​വ​ധി ശേ​ഷി​യേ​ക്കാ​ൾ കാ​ണി​ക​ളെ​ത്തി. 80,000ത്തോ​ളം പേ​ർ​ക്ക് മാ​ത്രം സീ​റ്റു​ള്ള സ്റ്റേ​ഡി​യ​ത്തി​ൽ 88,966 പേ​ർ ഇ​ടം​പി​ടി​ച്ചി​രു​ന്നു. ഇ​രി​പ്പു​റ​ക്കാ​ത്ത 90 മി​നി​റ്റ്.

ഒ​ടു​വി​ൽ, ല​യ​ണ​ൽ മെ​സ്സി​യു​ടെ​യും എ​ൻ​സോ ഫെ​ർ​ണാ​ണ്ടോ​യു​ടെ​യും ഗോ​ളി​ലൂ​ടെ ഉ​യി​ർ​ത്തെ​ഴു​ന്നേ​റ്റ അ​ർ​ജ​ൻ​റീ​ന​യും ആ​ർ​ത്തി​ര​മ്പി​യ ആ​രാ​ധ​ക​ക്കൂ​ട്ട​വും ദോ​ഹ​യെ ഉ​റ​ക്ക​മി​ല്ലാ​ത്ത രാ​ത്രി​യാ​ക്കി മാ​റ്റി. ക​ളി​ക​ഴി​ഞ്ഞ് മ​ണി​ക്കൂ​റു​ക​ൾ പി​ന്നി​ട്ടി​ട്ടും നി​റം​മ​ങ്ങാ​തെ ലു​സൈ​ൽ ആ​ഘോ​ഷ​ത്തെ​രു​വാ​യി. മെ​ട്രോ​യി​ലേ​റി സൂ​ഖ് വാ​ഖി​ഫി​ലേ​ക്കും ദോ​ഹ കോ​ർ​ണി​ഷി​ലേ​ക്കും ഒ​ഴു​കി​യ ജ​നം രാ​വ് വെ​ളു​ത്തി​ട്ടും ആ​ഘോ​ഷ​ങ്ങ​ൾ അ​വ​സാ​നി​പ്പി​ക്കാ​തെ ആ​ദ്യ​ക​ളി​യി​ലെ തോ​ൽ​വി​യു​ടെ ക്ഷീ​ണ​മ​ക​റ്റി.

ആ​ദ്യ മ​ത്സ​ര​ത്തി​ൽ അ​ർ​ജ​ൻ​റീ​ന​യെ അ​ട്ടി​മ​റി​ച്ച​തി​നു പി​ന്നാ​ലെ, സൗ​ദി അ​റേ​ബ്യ​ൻ ആ​രാ​ധ​ക​ർ ഗാ​ല​റി​യി​ലും സാ​മൂ​ഹി​ക മാ​ധ്യ​മ​ങ്ങ​ളി​ലു​മാ​യി ​'മെ​സ്സി എ​വി​ടെ..​?' എ​ന്ന ചോ​ദ്യ​ത്തി​ന്​ ഉ​ത്ത​ര​മാ​യി ലു​സൈ​ൽ സ്​​റ്റേ​ഡി​യ​ത്തി​നു പു​റ​ത്തു നി​ന്നു ക​ണ്ടാ അ​ർ​ജ​ൻ​റീ​ന​ക്കാ​ര​ൻ പ​റ​ഞ്ഞ​പോ​ലെ .. 'മെ​സ്സി ഇ​വി​ടെ​യു​ണ്ട്.. മെ​സ്സി ഞ​ങ്ങ​ളു​ടെ ഹൃ​ദ​യ​ത്തി​ലു​ണ്ട്.. മെ​സ്സി ഈ ​ലോ​ക​ത്തെ​ല്ലാ​മു​ണ്ട്....'.