ആശാന്മാർ ആശയഗംഭീരർ

കാ​ലാ​ന്ത​ര​ങ്ങ​ളി​ലൂ​ടെ മ​ണ്ണു​പോ​ല്‍, ജ​ലം​പോ​ല്‍ മ​നു​ഷ്യ​ന്‍റെ അ​നു​ഭ​വ​പ​ര​മ്പ​ര​ക​ളി​ലേ​ക്ക് ഏ​റ്റ​വും ജൈ​വി​ക​മാ​യി ഉ​ള്‍ച്ചേ​ര്‍ന്ന ' The Most Beautiful game , Football '. ആ ​കാ​ല്‍പ​ന്താ​ട്ട​ത്തി​ന്‍റെ ആ​ത്യ​ന്തി​ക രാ​ജ്യാ​ന്ത​ര കി​രീ​ടം തേ​ടു​ന്ന മ​ഹാ​യു​ദ്ധ​ഭൂ​മി ഉ​ണ​രാ​ന്‍ ഇ​നി ഏ​താ​നും രാ​പ്പ​ക​ലു​ക​ള്‍ ബാ​ക്കി...

2018ല്‍ ​യു​വ​ത്വ​ത്തി​ന്‍റെ​യും പ​രി​ച​യ​സ​മ്പ​ത്തി​ന്‍റെ​യും ബ​ല​ത്തി​ല്‍ ക​പ്പു​യ​ര്‍ത്തി​യ ഫ്രാ​ന്‍സി​ന് ആ​രാ​വും തു​ട​ര്‍ച്ച എ​ന്നാ​ണ് ലോ​കം ഉ​റ്റു​നോ​ക്കു​ന്ന​ത്. 32 ടീ​മു​ക​ളി​ല്‍ കി​രീ​ട​സാ​ധ്യ​ത ക​ല്‍പി​ക്കാ​നാ​വു​ന്ന പ​ത്തു ടീ​മു​ക​ളെ​ങ്കി​ലും മാ​റ്റു​ര​ക്ക​പ്പെ​ടു​ന്നു​ണ്ട്.

ക​ളി​ത​ന്ത്ര​ങ്ങ​ളാ​ലും കേ​ളീ​ശൈ​ലി​ക​ളാ​ലും വ്യ​ത്യാ​സ​മു​ള്ള ആ​ധു​നി​ക ഫു​ട്ബാ​ള്‍ പ​രി​ശീ​ല​ക​രു​ടെ ത​ത്ത്വ​ദ​ര്‍ശ​ന​ങ്ങ​ളി​ലും ക​ർ​മ​പ​ദ്ധ​തി​ക​ളി​ലും ചി​ട്ട​വ​ട്ട​ങ്ങ​ളി​ലു​മാ​ണ് നി​യ​ന്ത്രി​ക്ക​പ്പെ​ടു​ന്ന​ത്. ഈ ​ലോ​ക​ക​പ്പി​ല്‍ ചി​ല പ​രി​ണി​ത​പ്ര​ജ്ഞ​രാ​യ, ത​ങ്ങ​ളു​ടെ ശൈ​ലീ​മു​ദ്ര​ക​ള്‍ ക​ളി​ക്ക​ള​ത്തി​ല്‍ പ​തി​പ്പി​ച്ച പ​രി​ശീ​ല​ക​രി​ല്‍ ചി​ല​രെ പ​രി​ശോ​ധി​ക്കാം.

ലയണൽ സ്‌കലോണി

2018 ലോ​ക​ക​പ്പി​ലെ ര​ണ്ടാം റൗ​ണ്ട് പ​രാ​ജ​യ​ത്തി​ലൂ​ടെ ഒ​രു വ​ലി​യ അ​ഴി​ച്ചു​പ​ണി​യി​ലേ​ക്ക് പോ​യ അ​ര്‍ജ​ന്‍റീ​ന അ​തു​വ​രെ അ​സി​സ്റ്റ​ന്‍റ് കോ​ച്ചാ​യി​രു​ന്ന സ്ക​ലോ​ണി​യെ ഹെ​ഡ്കോ​ച്ചാ​യി സ്ഥി​ര​പ്പെ​ടു​ത്തി. ല​യ​ണ​ൽ മെ​സ്സി എ​ന്ന അ​ച്ചു​ത​ണ്ടി​നെ അ​ടി​സ്ഥാ​ന​പ്പെ​ടു​ത്തി മാ​ത്ര​മേ ക​ളി മെ​ന​യാ​നാ​കൂവെ​ന്ന ദൗ​ര്‍ബ​ല്യ​ത്തെ, ത​ന്‍റെ സാ​ധ്യ​ത​യാ​ക്കി മാ​റ്റാ​ന്‍ സ്ക​ലോ​ണി​ക്ക് ഒ​രു വ​ര്‍ഷ​ത്തി​നു​ള്ളില്‍ ക​ഴി​ഞ്ഞു എ​ന്ന​താ​ണ് അ​ദ്ദേ​ഹ​ത്തി​ന്‍റെ വ​ലി​യ വി​ജ​യം.

അ​ത​യാ​ളെ കോ​പ്പ അ​മേ​രി​ക്ക 2019ലെ ​മൂ​ന്നാം സ്ഥാ​ന​ത്തേ​ക്കും 2021ലെ ​ജേ​താ​ക്ക​ള്‍ എ​ന്ന പ​ദ​വി​യി​ലേ​ക്കും എ​ത്തി​ച്ചു. ച​ന്ത​മാ​ര്‍ന്ന പ​ര​മ്പ​രാ​ഗ​ത​ശൈ​ലി​ക്ക​പ്പു​റ​ത്ത് ഒ​രു മ​ത്സ​ര​ഫ​ലം എ​ങ്ങ​നെ ത​ങ്ങ​ള്‍ക്ക​നു​കൂ​ല​മാ​ക്കാ​മെ​ന്ന ല​ക്ഷ്യം മു​ന്നി​ൽ​ക്ക​ണ്ടാ​ണ് സ്ക​ലോ​ണി ടീ​മി​നെ ചി​ട്ട​പ്പെ​ടു​ത്തി​യി​ട്ടു​ള്ള​തെ​ന്ന് പ​ല​ മാ​ച്ചു​ക​ളും സാ​ക്ഷ്യം​നി​ല്‍ക്കു​ന്നു​ണ്ട്.

മ​ത്സ​ര​സാ​ഹ​ച​ര്യ​ങ്ങ​ള്‍ക്കും എ​തി​ര്‍ടീ​മു​ക​ളു​ടെ ശൈ​ലി​ക്കും പ്ര​ത്യു​പാ​യ​മാ​യി 4-4-2 , 4-3-3, 4-2-3-1, 4-1-4-1, 4-1-3-2 തു​ട​ങ്ങി​യ പ​ല​വി​ധ രൂ​പ​വി​ന്യാ​സ​ങ്ങ​ളി​ലൂ​ടെ ക​ളി മെ​ന​ഞ്ഞെ​ടു​ക്കാ​നാ​വു​ന്ന ഒ​രു സി​സ്റ്റം സ്ക​ലോ​ണി രൂ​പ​പ്പെ​ടു​ത്തി​യി​ട്ടു​ണ്ട്. ടീ​മി​ന്‍റെ രൂ​പ​ഘ​ട​ന​ക​ള്‍ ഏ​താ​യാ​ലും അ​തി​നെ​ല്ലാം മു​ക​ളി​ലാ​യി സ്ഥി​ര​ത​യു​ള്ള ഒ​രു സം​ഘ-​നൈ​സ​ർ​ഗി​ക​ത (Team Characteristics) കാ​ണി​ക്കു​ന്ന അ​ര്‍ജ​ന്‍റീ​ന, എ​ത്ര ശ​ക്ത​രാ​യ എ​തി​രാ​ളി​ക​ളോ​ടും ക​ളി​യു​ടെ ക​ടി​ഞ്ഞാ​ണ്‍ പി​ടി​ച്ചെ​ടു​ക്കാ​നു​ള്ള ശേ​ഷി​യു​ള്ള ടീ​മാ​ണ്.

ഫു​ള്‍ബാ​ക്കു​ക​ളു​ടെ ക്ര​യ​ശേ​ഷി പ​ല​പ്പോ​ഴും ഈ ​സി​സ്റ്റ​ത്തി​ന്‍റെ ആ​ണി​ക്ക​ല്ലാ​വു​ന്നു​ണ്ട്. ഒ​രു വ്യ​വ​സ്ഥാ​പി​ത​രൂ​പ​മി​ല്ലാ​ത്ത മ​ധ്യ​നി​ര​യു​ടെ ക​യ​റി-​ഇ​റ​ങ്ങ​ലു​ക​ള്‍ പ്ര​തി​രോ​ധ​നി​ര​ക്ക് ഇ​ത്തി​രി പ​ണി​ക്കൂ​ടു​ത​ല്‍ ന​ല്‍കു​ന്നു. മ​ധ്യ​നി​ര പ​ല​പ്പോ​ഴും കു​റ​ഞ്ഞ സ്പേ​സി​ലേ​ക്ക് ആ​കാ​ര​പ്പെ​ടു​ന്ന​ത് എ​തി​രാ​ളി​ക​ള്‍ക്ക് ഗോ​ള്‍മു​ഖം ആ​ക്ര​മി​ക്കാ​ന്‍ സു​ഗ​മ​മാ​വും എ​ന്ന​തു​മെ​ല്ലാം ക​ളി​ത​ന്ത്ര​ങ്ങ​ളെ ഇ​ഴ​കീ​റി വി​ല​യി​രു​ത്തു​ന്ന​വ​ര്‍ക്ക് പോ​രാ​യ്മ​യാ​യി ചൂ​ണ്ടി​ക്കാ​ട്ടാ​വു​ന്ന​താ​ണ്.

എ​ന്നി​രു​ന്നാ​ലും മെ​സ്സി​യും ഡി ​മ​രി​യ​യും ഗോ​ണ്‍സാ​ല​സും റോ​ഡ്രി​ഗ​സും ലൊ ​സെ​സ​ല്‍സോ​യും പ​ര​ഡേ​സും ഡെ ​പോ​ളും ഡി​ബാ​ല​യും മാ​ര്‍ട്ടി​ന​സു​മ​ട​ങ്ങു​ന്ന ഈ ​കൂ​ട്ടം ടൂ​ര്‍ണ​മെ​ന്‍റി​ന്‍റെ ഫേ​വ​റി​റ്റു​ക​ള്‍ ത​ന്നെ​യാ​ണ്. നാ​ലു വ​ര്‍ഷ​മാ​യി ഈ ​ടീ​മി​ല്‍ പു​തി​യൊ​രു സം​വി​ധാ​നം രൂ​പ​പ്പെ​ടു​ത്തു​ന്ന​തി​ല്‍ സ്ക​ലോ​ണി​യു​ടെ കൈ​യാ​ളു​ക​ളാ​യി പാ​ബ്ലോ അ​യ്മ​ര്‍, റൊ​ബേ​ര്‍ട്ടോ അ​യാ​ള, വാ​ള്‍ട്ട​ര്‍ സാ​മു​വേ​ല്‍ എ​ന്നീ ഇ​തി​ഹാ​സ താ​ര​ങ്ങ​ളാ​ണു​ള്ള​ത്. സാ​ങ്കേ​തി​ക​ത​യി​ലും പ​രി​ച​യ​സ​മ്പ​ന്ന​ത​യി​ലും വ​മ്പേ​റി​യ ഈ ​മ​ന്ന​ന്മാ​രു​ടെ സാ​ന്നി​ധ്യ​വും അ​ര്‍ജ​ന്‍റീ​ന​ക്ക് ന​ല്‍കു​ന്ന ക​രു​ത്ത് വേ​റെ​ത്ത​ന്നെ​യാ​ണ്.

ഹാൻസ് ഡീറ്റർ ഫ്ലിക്

എ​​ട്ടു വ​​ര്‍ഷം ജോ​​ക്വിം ലോ​​യു​​ടെ കീ​​ഴി​​ല്‍ ജ​​ര്‍മ​​ന്‍ ദേ​​ശീ​​യ​​ടീ​​മി​​ന്‍റെ സ​​ഹ​​പ​​രി​​ശീ​​ല​​ക​​നാ​​യി ലോ​​ക​​ചാ​​മ്പ്യ​​ന്‍ പ​​ട്ടം നേ​​ടി​​യ​​തി​​ന്‍റെ​​യും മു​​ഖ്യ​​പ​​രി​​ശീ​​ല​​ക​​നാ​​യി ബ​​യേ​​ണ്‍ മ്യൂ​​ണി​​ക്കി​​നെ യൂ​​റോ​​പ്യ​​ന്‍ ജേ​​താ​​ക്ക​​ളാ​​ക്കി​​യ​​തി​​ന്‍റെ​​യും ഗ​​രി​​മ​​യാ​​ണ് ഹാ​​ൻ​സ്, ഫ്ലി​​ക്കി​​നെ ദേ​​ശീ​​യ​​ടീ​​മി​​ന്‍റെ ത​​ല​​പ്പ​​ത്തെ​​ത്തി​​ച്ച​​ത്. 2019-20 സീ​​സ​​ണി​​ല്‍ ബ​​യേ​​ണ്‍ മ്യൂ​​ണി​​ക്കി​​ന്‍റെ ചാ​​മ്പ്യ​​ന്‍സ് ലീ​​ഗി​​ലെ വീ​​രോ​​ചി​​ത​ തേ​​രോ​​ട്ട​​ത്തി​​നു പി​​ന്നി​​ല്‍ 'ഹാ​​ന്‍സി​'​യു​​ടെ കു​​ശാ​​ഗ്ര​​ത​​ന്ത്ര​​ങ്ങ​​ളാ​​യി​​രു​​ന്നു.

എ​​ക്കാ​​ല​​ത്തെ​​യും​​പോ​​ലെ താ​​ര​​നി​​ബി​​ഡ​​മാ​​യ ഈ ​​ലോ​​ക​​ക​​പ്പി​​ലെ ജ​​ര്‍മ​​ന്‍ ടീ​​മി​​നെ ഹാ​​ന്‍സി , താ​​ന്‍ ബ​​യേ​​ണ്‍ മ്യൂ​​ണി​​ക്കി​​ല്‍ ന​​ട​​പ്പാ​​ക്കി വി​​ജ​​യി​​പ്പി​​ച്ചെ​​ടു​​ത്ത 4-2-3-1 രൂ​​പ​​ഘ​​ട​​ന​​യി​​ല്‍ പ്ര​​തി​​രോ​​ധ​​ത്തി​​നും മ​​ധ്യ​​നി​​ര​​ക്കും സു​​ദൃ​​ഢ​​മാ​​യ ബാ​​ല​​ന്‍സി​​ലാ​​ണ് ഒ​​രു​​ക്കാ​​ൻ ശ്ര​​മി​​ച്ചി​​ത്. ബ​​യേ​​ണി​​ല്‍ ഹാ​​ന്‍സി ത​​ന്നെ ആ​​ക്ര​​മ​​ണോ​​ല്‍സു​​ക​​രും ശാ​​രീ​​രി​​കാ​​ഭി​​മു​​ഖ്യ​​മു​​ള്ള ക​​ളി​​ക്കാ​​രാ​​ക്കി​​യും രൂ​​പാ​​ന്ത​​ര​​പ്പെ​​ടു​​ത്തി​​യെ​​ടു​​ത്ത ലി​​യോ​​ണ്‍ ഗൊ​​രെ​​ട്സ്ക​​യും ജോ​​ഷ്വാ കി​​മ്മി​​ച്ചും ടീ​​മി​​ലു​​ണ്ടാ​​കും.

സി​​റ്റി​​യു​​ടെ ഗു​​ണ്ടോ​​ഗ്വ​​നും ചേ​​രു​​മ്പോ​​ൾ പ്ര​​തി​​രോ​​ധാ​​ത്മ​​ക​​മ​​ധ്യ​​നി​​ര​​ക്കാ​​രാ​​യി ക​​ളി​​ഗ​​തി​​യെ സ​​ന്തു​​ലി​​ത​​പ്പെ​​ടു​​ത്തു​​ന്ന​​തി​​ലും ആ​​ക്ര​​മ​​ണ​​ത്തി​​ലേ​​ക്കും പ്ര​​തി​​രോ​​ധ​​ത്തി​​ലേ​​ക്കും മി​​ന്ന​​ല്‍വേ​​ഗ​​ത്തി​​ല്‍ ടീ​​മി​​നെ മാ​​റ്റു​​ന്ന​​തി​​ലു​ം ഹാ​​ന്‍സി​​ക്ക് പ​​ല​​വി​​ധ സാ​​ധ്യ​​ത​​ക​​ളു​​ണ്ട്. ആ​​ക്ര​​മ​​ണ​​നി​​ര​​യി​​ല്‍ പ്ര​​തി​​ഭ​​ക​​ളേ​​റെ​​യാ​​ണ്. മ്യൂ​​ള്ള​​റും ഹോ​​ഫ്മാ​​നും നാ​​ബ്രി​​യും ഹ​​വേ​​ര്‍ട്സും വെ​​ര്‍ണ​​റും സാ​​നെ​​യും ജ​​മാ​​ല്‍ മ്യൂ​​സ്യാ​​ല​​യും ഒ​​ക്കെ മി​​ക​​ച്ച ഫോ​​മി​​ല്‍ നി​​ല്‍ക്കു​​ന്ന​​ത് നി​​ര്‍ണാ​​യ​​ക​ തീ​​രു​​മാ​​ന​​ങ്ങ​​ളി​​ലേ​​ക്കു​​പോ​​കാ​​ന്‍ അ​​ദ്ദേ​​ഹ​​ത്തി​​ന് സ​​മ്മ​​ര്‍ദ​​മേ​​റ്റു​​മെ​​ന്ന​​തി​​ല്‍ സം​​ശ​​യ​​മി​​ല്ല. ക​​ള​​ത്തി​​ലെ

ഒ​ാ​രോ സ്ഥാ​​ന​​ങ്ങ​​ളി​​ലും ഏ​​റ്റ​​വും സ​​ജീ​​വ​​മാ​​യും സ​​ക്രി​​യ​​മാ​​യും ഇ​​ട​​പെ​​ട്ട് അ​​തി​​ലൂ​​ടെ എ​​തി​​ര്‍ടീ​​മി​​നെ അ​​തി​​സ​​മ്മ​​ര്‍ദ​​ത്തി​​ലേ​​ക്ക് കൊ​​ണ്ടു​​വ​​ന്ന്, പ​​ന്തി​​ന്‍റെ നി​​യ​​ന്ത്ര​​ണം പ​​ര​​മാ​​വ​​ധി അ​​ധീ​​ശ​​പ്പെ​​ടു​​ത്തി ഗോ​​ള്‍മു​​ഖ​​ങ്ങ​​ള്‍ തു​​റ​​ന്നെ​​ടു​​ക്കു​​ന്ന ജ​​ര്‍മ​​ന്‍ ഫു​​ട്ബാ​​ളി​​ന്‍റെ ഏ​​റ്റ​​വും ഭീ​​തി​​ത​​മാ​​യ പ​​തി​​പ്പാ​​കും ഹാ​​ന്‍സി ഫ്ലി​​ക്കും പി​​ള്ളേ​​രും പ്ര​​ദ​​ര്‍ശി​​പ്പി​​ക്കു​​ക എ​​ന്ന് പ്ര​​ത്യാ​​ശി​​ക്കാം.

ലൂയി വാൻഗാൽ

ഈ ​ലോ​​ക​​ക​​പ്പി​​ലെ വ​​യോ​​ധി​​ക​​പ​​രി​​ശീ​​ല​​ക​​രി​​ല്‍ മു​​ന്‍പ​​ന്തി​​യി​​ലു​​ള്ള​​യാ​​ളാ​​ണ് 71കാ​​ര​​നാ​​യ നെ​​ത​​ർ​​ല​​ൻ​​ഡ്സ് കോ​​ച്ച് ലൂ​​യി വാ​​ന്‍ഗാ​​ല്‍. യൂ​​റോ​​പ്യ​​ന്‍ ഫു​​ട്ബാ​​ളി​​ല്‍ ക​​ഴി​​ഞ്ഞ മൂ​​ന്നു ദ​​ശ​​ക​​ങ്ങ​​ളി​​ല്‍ പ്രോ​​ജ്ജ്വ​​ല​​മാ​​യ നേ​​ട്ട​​ങ്ങ​​ളു​​ണ്ടാ​​ക്കി​​യ​​വ​​രി​​ല്‍ പ്ര​​ഥ​​മ​​ഗ​​ണ​​നീ​​യ​​ന്‍. പൂ​​ര്‍വാ​​ശ്ര​​മ​​ത്തി​​ല്‍ ഫി​​സി​​ക്ക​​ല്‍ എ​​ജു​​ക്കേ​​ഷ​​ന്‍ അ​​ധ്യാ​​പ​​ക​​നാ​​യി​​രു​​ന്ന വാ​​ന്‍ഗാ​​ല്‍ ക​​ളി​​വ​​ര​​ക്ക​​പ്പു​​റ​​ത്തും കൂ​​ടാ​​ര​​ത്തി​​നു​​ള്ളി​​ലും അ​​ക്ഷ​​രാ​​ര്‍ഥ​​ത്തി​​ല്‍ ക​​ണി​​ശ​​ക്കാ​​ര​​നാ​​യ പ്ര​​ഫ​​സ​​റാ​​ണ്.

ത​​ന്‍റെ പ്രൊ ​​ആ​​ക്ടി​​വ് ശൈ​​ലി​​യി​​ല്‍ സീ​​നി​​യ​​ര്‍ താ​​ര​​ങ്ങ​​ള്‍ക്കു​​പോ​​ലും സ്വാ​​ധീ​​നം ചെ​​ലു​​ത്താ​​നാ​​വാ​​ത്ത​​വി​​ധം ക​​രി​​ങ്ക​​ല്‍സ​​മാ​​ന​​ഹൃ​​ദ​​യ​​നാ​​ണ്. 2014 ലോ​​ക​​ക​​പ്പി​​ല്‍ ടീ​​മി​​ന് മൂ​​ന്നാം സ്ഥാ​​നം നേ​​ടി​​ക്കൊ​​ടു​​ക്കാ​​നാ​​യ​​തും ഒ​​ഴു​​ക്കു​​ള്ള ഡ​​ച്ച് ഫു​​ട്ബാ​​ള്‍ ശൈ​​ലി കൊ​​ണ്ട് കാ​​ണി​​ക​​ളോ​​ട് സം​​വ​​ദി​​ക്കാ​​നാ​​വു​​ന്ന​​തും സീ​​നി​​യ​​ര്‍-​​ജൂ​​നി​​യ​​ര്‍ ക​​ളി​​ക്കാ​​രെ ഒ​​രേ​​പോ​​ലെ കൈ​​കാ​​ര്യം ചെ​​യ്യാ​​നാ​​വു​​ന്ന​​തു​​മെ​​ല്ലാം നെ​​ത​​ർ​​ല​​ൻ​​ഡ്സി​​ന് ഗു​​ണ​​പ​​ര​​മാ​​വു​​മെ​​ന്നാ​​ണ് ക​​രു​​തു​​ന്ന​​ത്.

'90ക​​ളി​​ല്‍ അ​​യാ​​ക്സ് ആം​​സ്റ്റ​​ര്‍ഡാം ക്ല​​ബി​​ലൂ​​ടെ തു​​ട​​ങ്ങി​​വെ​​ച്ച ഡ​​ച്ച് ശൈ​​ലി​​യാ​​യ ഗ​​ത​​കാ​​ല​​ഗ​​രി​​മ​​യു​​ള്ള ആ '​​ഫ്ലു​​യി​​ഡി​​ക് ഫു​​ട്ബാ​​ള്‍' യൊ​​ഹാ​​ൻ ക്രൈ​​ഫി​​നു ശേ​​ഷം പി​​ന്തു​​ട​​ര്‍ന്ന പ​​രി​​ശീ​​ല​​ക​​നാ​​ണ് വാ​​ന്‍ഗാ​​ല്‍. ആ​​ള്‍, സ്ഥാ​​ന ഭേ​​ദ​െ​​മ​​ന്യേ ആ​​ക്ര​​മ​​ണ​​ത്തി​​ലും പ്ര​​തി​​രോ​​ധ​​ത്തി​​ലും ഒ​​രേ​​പോ​​ലെ ച​​ലി​​ച്ചു​​കൊ​​ണ്ടി​​രി​​ക്കു​​ന്ന​​താ​​യി​​രു​​ന്നു പ​​ഴ​​യ ക്രൈ​​ഫി​​യ​​ന്‍ ഡ​​ച്ച് ശൈ​​ലി.

സ്ഥാ​​ന​ബോ​​ധ (പൊ​​സി​​ഷ​​ന​​ല്‍ സെ​​ന്‍സ്) ത്തി​​ന് പ്രാ​​മു​​ഖ്യം ന​​ല്‍കി കു​​റെ​​ക്കൂ​​ടി ആ​​യാ​​സ​​ര​​ഹി​​ത​​മാ​​യി പ​​ന്തി​​ല്‍ ആ​​ധി​​പ​​ത്യം നി​​ല​​നി​​ര്‍ത്തി ഗോ​​ളി​​ലേ​​ക്കെ​​ത്തു​​ക എ​​ന്ന അ​​ടി​​സ്ഥാ​​ന കേ​​ളീ​​ശൈ​​ലി ത​​ന്നെ​​യാ​​ണ് വാ​​ന്‍ഗാ​​ല്‍ ന​​ട​​പ്പി​​ല്‍ വ​​രു​​ത്താ​​ന്‍ ശ്ര​​മി​​ക്കു​​ന്ന​​ത്. 4-3-3 എ​​ന്ന ആ​​ക്ര​​മ​​ണ​​സ്വ​​ഭാ​​വ​​മു​​ള്ള പ​​ര​​മ്പ​​രാ​​ഗ​​ത ഫോ​​ര്‍മേ​​ഷ​​നെ ഉ​​ട​​ച്ച് 3-4-2-1 പോ​​ലു​​ള്ള അ​​ത്യാ​​ധു​​നി​​ക ശൈ​​ലി​​യി​​ലേ​​ക്ക് വ​​രെ പോ​​കാ​​നും അ​​തി​​നാ​​യി ക​​ളി​​ക്കാ​​രെ മൂ​​ര്‍ച്ഛ​​പ്പെ​​ടു​​ത്താ​​നും വാ​​ന്‍ഗാ​​ലി​​ന് ക​​രു​​ത്തു​​ണ്ട്.

എ​​ക്കാ​​ല​​ത്തും യൂ​​റോ​​പ്പി​​ലെ ഏ​​റ്റ​​വും മി​​ക​​ച്ച പ്ര​​തി​​ഭ​​ക​​ളു​​ടെ കൂ​​ടാ​​ര​​മാ​​വാ​​റു​​ള്ള നെ​​ത​​ർ​ല​ൻ​​ഡ്സി​​ന് ഇ​​ത്ത​​വ​​ണ​​വ​​യും ഫു​​ട്ബാ​​ള്‍ പ​​ണ്ഡി​​റ്റ്സ് വ​​ലി​​യ സാ​​ധ്യ​​ത​​ക​​ള്‍ ക​​ല്‍പി​​ക്കു​​ന്നു​​ണ്ട്. ഈ ​​അ​​ടു​​ത്ത​​കാ​​ല​​ത്ത് സ്ഥി​​രീ​​ക​​രി​​ക്ക​​പ്പെ​​ട്ട അ​​ര്‍ബു​​ദ രോ​​ഗ​​ത്തെ നി​​സ്സാ​​ര​​വ​​ത്ക​​രി​​ച്ച് രാ​​ജ്യ​​ത്തി​​നി​​തു വ​​രെ കി​​ട്ടാ​​ക്ക​​നി​​യാ​​യ വി​​ശ്വ​​കി​​രീ​​ടം നേ​​ടി​​ക്കൊ​​ടു​​ക്കു​​ക എ​​ന്ന​​തു ത​​ന്നെ​​യാ​​ണ് ഈ ​​മ​​ഹാ​​ത​​ന്ത്ര​​ശാ​​ലി​​യാ​​യ പ​​രി​​ശീ​​ല​​ക​​ന്‍റെ ല​​ക്ഷ്യം.