ചാമ്പ്യൻസ്​ ലീഗ്​: റയലിന്​ ജീവന്മരണ പോരാട്ടം, പഴങ്കഥ ആവർത്തിക്കുമോ?

മഡ്രിഡ്​: 'ബെർണബ്യൂവിലെ 90 മിനിറ്റ്​ ഏറെ ദൈർഘ്യമുള്ള സമയമാണ്...​' റയൽ മഡ്രിഡ്​ ആരാധകകൂട്ടങ്ങളുടെ ഇൗരടിയായി മാറിയ ഇൗ പഞ്ച്​ ഡയലോഗിന്​ ഒരു പോരാട്ടകഥയുടെ ചരിത്രമുണ്ട്​. സാൻസിറോയിൽനിന്നും ഇൻറർമിലാൻ റയൽ മഡ്രിഡിനെ​ നേരിടാനായി ബെർണബ്യൂവിലെത്തു​േമ്പാൾ പകയുടെ ആ ചരിത്രം വീണ്ടും ഒാർമയിലെത്തുകയാണ്​.

1984-85 സീസൺ യുവേഫ കപ്പ്​ സെമി ഫൈനൽ. സാൻസിറോയിൽ ഇൻറർമിലാന്​ മുന്നിൽ 2-0ത്തിന്​ തോറ്റത്​ റയലിന്​ വലിയ നാണക്കേടായി. സാൻയാനയും ജോർജ്​ വാൽഡാനോയും അണിനിരന്ന റയലിനെയാണ്​ ഇൻറർവീഴ്​ത്തിയത്​. ​അന്ന്​ കളി കഴിഞ്ഞ്​ കളംവിടാൻ നേരം, റയൽ ഫോർവേഡ്​ ജുവാനിറ്റോ ഇൻറർ പ്രതിരോധ താരത്തിനരികിലെത്തി സ്​പാനിഷിൽ ഒരു ഭീഷണി മുഴക്കി. 'ബെർണബ്യൂവിലെ 90 മിനിറ്റ്​ ഏറെ ​ൈദർഘ്യമുള്ള സമയമായിരിക്കും'. രണ്ടാഴ്​ചക്കുശേഷം ഇൻറർ മിലാൻ രണ്ടാം പാദ മത്സരത്തിനായി മഡ്രിഡിലെത്തു​േമ്പാൾ ആ ഭീഷണിയായിരുന്നു ഡ്രസിങ്​ റൂം നിറയെ. ജുവാനിറ്റോയുടെ മുന്നറിയിപ്പ്​ ഫലിച്ചു. 3-0ത്തിന്​ ഇൻററിനെ വീഴ്​ത്തി റയൽ ഫൈനലിലെത്തുകയും കിരീടമണിയുകയും ചെയ്​തു. പിന്നെ, ലോസ്​ ബ്ലാ​േങ്കാസ്​ ആരാധകരുടെ ഗാനങ്ങളിലെല്ലാം ഇൗ വരികൾ നിറഞ്ഞു.

****

പതിറ്റാണ്ടുകൾക്കിപ്പുറം ചാമ്പ്യൻസ്​ ലീഗിൽ ഇൻറർ മിലാൻ വീണ്ടും മഡ്രിഡിലെത്തുകയാണ്​. ലേഖനങ്ങളിലും കമൻററികളിലും ഇൗ പഴയ കഥ സ്​മരിക്കു​ന്നെങ്കിലും റയലിന്​ കാര്യങ്ങൾ അത്ര പന്തിയല്ല. ആദ്യ ജയത്തിനായി ജീവന്മരണ പോരാട്ടമാണിത്​. ഷാക്​തറിനെതിരെ തോൽവിയും, മൊൻഷൻഗ്ലാഡ്​ബാഹിനെതി​രെ സമനിലയുമായി ഗ്രൂപ്​ 'ബി'യിൽ പരുങ്ങലിലാണ്​ സിനദിൻ സിദാ​െൻറ ടീം. ഒരു പോയൻറുമായി നാലാം സ്​ഥാനത്തുള്ളവർക്ക്​ തിരിച്ചുവരവിനുള്ള നിർണായക സമയമാണിത്​. രണ്ടു​ കളിയും സമനില വഴങ്ങിയ ഇൻറർമിലാനും ഇൗ കളി നിർണായകമാണ്​.

മികച്ച താരങ്ങൾ അണിനിരന്നിട്ടും നിർഭാഗ്യവും അലസതയുമാണ്​ കഴിഞ്ഞ രണ്ട്​ മത്സര ഫലവും റയലിന്​ എതിരായി മാറിയത്​. ഷാക്​തറിനോട്​ 3-2ന്​ തോറ്റപ്പോൾ, ഗ്ലാഡ്​ബാഹിനോട്​ തോൽവിയിൽ നിന്ന്​ ഒരുവിധം കഷ്​ടിച്ചാണ്​ രക്ഷപ്പെട്ടത്​ (2-2).

അ​േൻറാണിയോ കോ​െൻറയുടെ ഇൻറർ ആക്രമണത്തിലും പ്രതിരോധത്തിലും കരുത്തരാണ്​. ചുരുക്കത്തിൽ, റയലി​െൻറ കഴിഞ്ഞ എതിരാളികളേക്കാൾ ശക്​തർ. ഇവാൻ പെരിസിചും ലതുറോ മാർടിനസും ക്രിസ്​റ്റ്യൻ എറിക്​സണുമാണ്​ മുന്നേറ്റത്തിൽ പ്രധാനികൾ. പരിക്കേറ്റ റൊമേലു ലുകാകുവി​െൻറ കാര്യം സംശയത്തിലാണെങ്കിലും ആ വിടവ്​ നികത്താനുള്ള കരുത്ത്​ വിദാലും ആഷ്​ലി യങ്ങും അണിനിരക്കുന്ന ബെഞ്ചിനുമുണ്ട്​.

എഡൻ ഹസാഡ്​ ഗോളടിച്ച്​ തുടങ്ങിയതും വിനീഷ്യസ്​ ജൂനിയർ, ബെൻസേമ, ക്രൂസ്​ കൂട്ടി​െൻറ മികവുമാണ്​ റയലി​െൻറ പ്രതീക്ഷ.ചാമ്പ്യൻസ്​ ലീഗിലെ മറ്റ്​ അങ്കങ്ങളിൽ ലിവർപൂൾ അറ്റ്​ലാൻറയെയും, മാഞ്ചസ്​റ്റർ സിറ്റി ഒളിമ്പിയാകോസിനെയും ബയേൺ മ്യൂണിക്​​ സാൽസ്​ബർഗിനെയും നേരിടും. കളിച്ച മത്സരങ്ങളെല്ലാം ജയിച്ച്​ ഇവരെല്ലാം സേഫ്​ സോണിലാണ്​.