റയലിന്​ 12-ാം സ്പാനിഷ്​ സൂപ്പർ കപ്പ് കിരീടം; താരമായി ലൂക മോഡ്രിച്​

അത്ലറ്റിക്ക് ബിൽബാവോയെ ഏകപക്ഷീയമായ രണ്ട്​ ഗോളുകൾക്ക്​ തകർത്ത്​ സ്പാനിഷ് സൂപ്പർ കപ്പ് കിരീടത്തിൽ മുത്തമിട്ട്​ റയൽ മാഡ്രിഡ്​. സൗദി അറേബ്യയിൽ നടന്ന ഫൈനലിൽ കളിയിലുടനീളം ആധിപത്യം സ്ഥാപിച്ചുകൊണ്ടായിരുന്നു റയലി​െൻറ മിന്നും ജയം. ലൂക മോഡ്രിച്ചാണ്​ വെള്ളപ്പട്ടാളത്തിന്​ വിജയം സമ്മാനിച്ചത്​.

38-ാം മിനിറ്റിലായിരുന്നു മോഡ്രിച്ചിലൂടെ റയൽ ആദ്യം സ്​കോർ ചെയ്​തത്​. വലതു വിങ്ങിലൂടെ ഒറ്റക്ക് മുന്നേറിയ റോഡ്രിഗോ നൽകിയ പന്ത് ഒറ്റ ടച്ചിൽ​ മോഡ്രിച് വലയിൽ എത്തിക്കുകയായിരുന്നു​. പെനാൽട്ടിയിലൂടെയായിരുന്നു രണ്ടാം ഗോൾ. ബെൻസീമയുടെ ഷോട്ടിൽ നിന്ന് വന്ന ഹാൻഡ് ബോളിലൂടെയാണ്​ പെനാൽട്ടി ലഭിച്ചത്​. ബെൻസീമ തന്നെയായിരുന്നു ഷോട്ട്​ പായിച്ചത്​​.

ബാഴ്​സയെ സെമിയിൽ പരാജയപ്പെടുത്തിയായിരുന്നു റയൽ ഫൈനലിലെത്തിയത്​. റയലി​െൻറ 12-ാം സ്പാനിഷ്​ സൂപ്പർ കപ്പ്​ നേട്ടമാണിത്​. അതേസമയം കഴിഞ്ഞ 18 മാസമായി കിരീട വരൾച്ചയിലായിരുന്ന ടീമിന്​ ഇൗ നേട്ടം ആശ്വാസമായി.