റയൽ മാഡ്രിഡിന് ലാഭം 13 ദശലക്ഷം യൂറോ

സ്പെയിനിലെ വമ്പൻ ഫുട്ബാൾ ക്ലബുകളിലൊന്നായ റയൽ മാഡ്രിഡിന് 2021-22 സാമ്പത്തിക വർഷം 13 ദശലക്ഷം യൂറോ ലാഭം. കോവിഡ് കാരണം വരുമാനത്തിൽ കുറവുണ്ടായെങ്കിലും ക്ലബിന് ലാഭത്തിൽ തുടരാൻ കഴിഞ്ഞതായി അധികൃതർ അറിയിച്ചു.

2021-22 സീസണിൽ ചാമ്പ്യൻസ് ലീഗ്, ലാലിഗ, സ്പാനിഷ് സൂപ്പർ കപ്പ് എന്നിവ റയൽ മാ​ഡ്രിഡ് സ്വന്തമാക്കിയിരുന്നു. സ്റ്റേഡിയം വികസന പദ്ധതി ഒഴികെ 2022 ജൂൺ 30 വരെയുള്ള ക്യാഷ് ബാലൻസ് 425 ദശലക്ഷം യൂറോ ആണെന്നും 2020 മാർച്ച് മുതൽ കോവിഡ് മൂലമുള്ള വരുമാന നഷ്ടം 400 ദശലക്ഷം യൂറോയാണെന്നും ക്ലബ് അധികൃതർ പറഞ്ഞു. 2021-22 സാമ്പത്തിക വർഷത്തിലെ പ്രവർത്തന വരുമാനം 722 ദശലക്ഷം യൂറോയിൽ എത്തി. 69 ദശലക്ഷം യൂറോ വർഷം തോറും വർധിച്ചു.