കാ​ല്‍പ്പ​ന്ത് ക​ളി​പ്രേ​മി​ക​ള്‍ക്ക് തി​ങ്ക​ളാ​ഴ്ച ഫു​ട്ബാ​ള്‍ പെ​രു​ന്നാൾ

മ​ല​പ്പു​റം: കേ​ര​ള​ത്തി​ലെ കാ​ല്‍പ്പ​ന്ത് ക​ളി​പ്രേ​മി​ക​ള്‍ക്ക് തി​ങ്ക​ളാ​ഴ്ച ഫു​ട്ബാ​ള്‍ പെ​രു​ന്നാ​ളാ​ണ്. മ​ല​പ്പു​റ​ത്തെ​ത്തി​യ സ​ന്തോ​ഷ് ട്രോ​ഫി പ്ലാ​റ്റി​നം ജൂ​ബി​ലി പ​തി​പ്പി​ന്റെ കി​രീ​ട​പ്പോ​രാ​ട്ടം രാ​ത്രി എ​ട്ട് മു​ത​ല്‍ പ​യ്യ​നാ​ട് സ്റ്റേ​ഡി​യ​ത്തി​ല്‍ ന​ട​ക്കും. ആ​തി​ഥേ​യ​ര്‍ക്കെ​തി​രെ ക​ലാ​ശ​പ്പോ​രി​ന് ഇ​റ​ങ്ങു​ന്ന​താ​വ​ട്ടെ സ​ന്തോ​ഷ് ട്രോ​ഫി​യു​ടെ ത​റ​വാ​ട്ടു​കാ​രാ​യ ബം​ഗാ​ള്‍. നാ​ല് വ​ര്‍ഷം മു​മ്പ് ക​ടു​വ​ക​ളെ കൂ​ട്ടി​ല്‍ ത​ള​ച്ചി​ട്ട് ക​പ്പു​മാ​യി വ​ന്ന അ​നു​ഭ​വ​മു​ണ്ട് കേ​ര​ള​ത്തി​ന്. അ​തി​നൊ​രു മ​ധു​ര​പ്ര​തി​കാ​രം പ​യ്യ​നാ​ട്ട് വെ​ച്ച് കൊ​ടു​ക്കു​ക എ​ന്ന​തി​ല്‍ ക​വി​ഞ്ഞൊ​രു ല​ക്ഷ്യം ബം​ഗാ​ളി​നി​ല്ല.

ക​ട്ട​ക്ക് ക​ട്ട നാ​ലാം​വ​ട്ടം; ഷൂ​ട്ടൗ​ട്ട് ത​ന്നെ ശ​ര​ണം

ഇ​ത് നാ​ലാം ത​വ​ണ​യാ​ണ് കേ​ര​ള​വും ബം​ഗാ​ളും സ​ന്തോ​ഷ് ട്രോ​ഫി ഫൈ​ന​ലി​ല്‍ നേ​രി​ട്ട് മു​ട്ടു​ന്ന​ത്. 1989 ഗു​വാ​ഹ​ത്തി​യി​ലും 1994 ക​ട്ട​ക്കി​ലും ബം​ഗാ​ളി​നാ​യി​രു​ന്നു കി​രീ​ടം. 2018ല്‍ ​പ​ക്ഷെ കേ​ര​ളം ച​രി​ത്രം തി​രു​ത്തി. കൊ​ല്‍ക്ക​ത്ത​യി​ല്‍ ട്രൈ ​ബ്രേ​ക്ക​റി​ലേ​ക്ക് നീ​ണ്ട ക​ളി​യി​ല്‍ കി​രീ​ട​വു​മാ​യാ​ണ് സ​തീ​വ​ന്‍ ബാ​ല​ന്റെ കു​ട്ടി​ക​ള്‍ മ​ട​ങ്ങി​യ​ത്. 1989 ഏ​പ്രി​ല്‍ 23ന് ​ന​ട​ന്ന ഫൈ​ന​ല്‍ 1-1ന് ​സ​മ​നി​ല​യി​ലാ​ണ് നി​ശ്ചി​ത, അ​ധി​ക സ​മ​യ​ങ്ങ​ളി​ല്‍ ക​ലാ​ശി​ച്ച​ത്.

ഷൂ​ട്ടൗ​ട്ടി​ല്‍ 4-5ന് ​ബം​ഗാ​ള്‍ ജ​യി​ച്ചു. 1994 ഫെ​ബ്രു​വ​രി 26ന് ​വീ​ണ്ടും കേ​ര​ളം-​ബം​ഗാ​ള്‍ ഫൈ​ന​ല്‍. ക​ട്ട​ക്കി​ലും ക​ളി ക​ട്ട​ക്ക് ക​ട്ട. 2-2ന് ​സ​മ​നി​ല​ക്കൊ​ടു​വി​ല്‍ ഷൂ​ട്ടൗ​ട്ട്. 3-5നാ​യി​രു​ന്നു ബം​ഗാ​ളി​ന്റെ ജ​യം. കേ​ര​ള​ത്തി​ന് വേ​ണ്ടി ര​ണ്ട് ഗോ​ളും നേ​ടി​യ​ത് സി.​വി പാ​പ്പ​ച്ച​ന്‍. 2018 ഏ​പ്രി​ല്‍ ഒ​ന്നി​ന് കൊ​ല്‍ക്ക​ത്ത​യി​ലും കേ​ര​ള​വും ബം​ഗാ​ളും. ആ​തി​ഥേ​യ​ര്‍ക്കെ​തി​രെ നി​ശ്ചി​ത, അ​ധി​ക സ​മ​യ​ങ്ങ​ളി​ല്‍ ക​ളി 2-2 സ​മ​നി​ല​യി​ല്‍. ഇ​ക്കു​റി ഗോ​ള്‍ കീ​പ്പ​ര്‍ വി. ​മി​ഥു​ന്‍ ഹീ​റോ ആ​യ​പ്പോ​ള്‍ ക​പ്് കേ​ര​ള​ത്തി​ലേ​ക്ക് പോ​ന്നു. ഷൂ​ട്ടൗ​ട്ടി​ലെ സ്‌​കോ​ര്‍ 4-2.

33ാം കി​രീ​ട​ത്തി​ന് ബം​ഗാ​ള്‍; കേ​ര​ളം നേ​ടി​യ​ത് ആ​റെ​ണ്ണം

സ​ന്തോ​ഷ് ട്രോ​ഫി​യി​ല്‍ ഏ​റ്റു​വ​മ​ധി​കം ത​വ​ണ ഫൈ​ന​ലി​ലെ​ത്തി​യ​തും കി​രീ​ടം നേ​ടി​യ​തും ബം​ഗാ​ളാ​ണ്. ഇ​ത് വ​രെ 45 പ്രാ​വ​ശ്യം ക​ലാ​ശ​ക്ക​ളി​ക്കി​റ​ങ്ങി. 32 ത​വ​ണ​യും വം​ഗ​നാ​ട്ടു​കാ​ര്‍ക്കൊ​പ്പ​മാ​യി​രു​ന്നു ജ​യം. തോ​റ്റ​ത് 13 വ​ട്ട​വും. കേ​ര​ളം 14 ത​വ​ണ​യും ഫൈ​ന​ലി​ലെ​ത്തി. ആ​റ് പ്രാ​വ​ശ്യം കി​രീ​ടം നേ​ടി​യ​പ്പോ​ള്‍ എ​ട്ടെ​ണ്ണ​ത്തി​ല്‍ തോ​റ്റു.

1973-74ല്‍ ​കൊ​ച്ചി​യി​ലാ​യി​രു​ന്നു ആ​ദ്യ നേ​ട്ടം. 1991-92ല്‍ ​കോ​യ​മ്പ​ത്തൂ​രി​ലും 1992-93ല്‍ ​കൊ​ച്ചി​യി​ലും 2001-02ല്‍ ​മും​ബൈ​യി​ലും 2004-05ല്‍ ​ഡ​ല്‍ഹി​യി​ലും കേ​ര​ളം ക​പ്പ് സ്വ​ന്ത​മാ​ക്കി. നീ​ണ്ട ഇ​ട​വേ​ള​ക്ക് ശേ​ഷം 2017-18ല്‍ ​കൊ​ല്‍ക്ക​ത്ത​യി​ലും കി​രീ​ട​ധാ​ര​ണം. പ​ക്ഷെ തൊ​ട്ട​ടു​ത്ത കൊ​ല്ലം യോ​ഗ്യ​ത നേ​ടാ​ന്‍ പോ​ലു​മാ​യി​ല്ല. 13ാം ത​വ​ണ ആ​തി​ഥ്യ​മ​രു​ളു​ന്ന കേ​ര​ളം അ​പ​രാ​ജി​ത​രാ​യാ​ണ് ഫൈ​ന​ലി​ലെ​ത്തി​യി​രി​ക്കു​ന്ന​ത്. ബം​ഗാ​ളും അ​വ​സാ​നം ഫൈ​ന​ല്‍ ക​ളി​ച്ച​ത് 2018ല്‍ ​കേ​ര​ള​ത്തി​നെ​തി​രെ​യാ​ണ്.