മലപ്പുറത്ത് കേരളത്തിന്റെ ആറാട്ട്; കർണാടകയെ 7-3ന് തകർത്ത് ഫൈനലിൽ

പയ്യനാട് (മലപ്പുറം): അലമാല കണക്കെ ആർത്തിരമ്പിയ സഹസ്രങ്ങളെ നെഞ്ചിലേറ്റി സന്തോഷ് ട്രോഫി ഫുട്ബാളിൻറെ കലാശപ്പോരിലേക്ക് പന്തടിച്ചുകയറി കേരളം. പയ്യനാട് സ്റ്റേഡിയത്തിൽ വ്യാഴാഴ്ച രാത്രി നടന്ന ആദ്യ സെമി ഫൈനൽ മത്സരത്തിൽ മൂന്നിനെതിരെ ഏഴ് ഗോളിന് അയൽക്കാരായ കർണാടകയെ കശക്കിയാണ് ആതിഥേയർ ഫൈനൽ ടിക്കറ്റെടുത്തത്.

കേരളത്തിന് വേണ്ടി ആദ്യ പകുതിയിൽത്തന്നെ ഹാട്രിക് തികച്ച പകരക്കാൻ സ്ട്രൈക്കർ ജെസിൻ തോണിക്കര അഞ്ചു ഗോളുകൾ നേടി. 35, 42, 44, 56, 74 മിനിറ്റുകളിലായിരുന്നു ജെസിൻറെ ഗോൾ. ആദ്യ പകുതിയുടെ ഇൻജുറി ടൈമിൽ ഷിഗിലും 52ാം മിനിറ്റിൽ അർജുൻ ജയരാജും സ്കോർ ചെയ്തു. കർണാടകക്ക് വേണ്ടി സുധീർ കൊട്ടികല (25), കമലേഷ് (54), തൊലൈമലൈ (62) എന്നിവരും ഗോളടിച്ചു. മെയ് രണ്ടിന് നടക്കുന്ന സെമി ഫൈനലിൽ വെള്ളിയാഴ്ചത്തെ മണിപ്പൂർ-ബംഗാൾ രണ്ടാം സെമി വിജയികളെ കേരളം നേരിടും. കളിയുടെ തുടക്കം മുതൽ കേരളത്തിൻറെ ആക്രമണമാണ് കണ്ടത്. ആദ്യ അരമണിക്കൂറിൽ ലഭിച്ച ഗോളവസരങ്ങൾ പക്ഷെ ലക്ഷ്യത്തിലെത്തിക്കാനായില്ല.

25ാം മിനിറ്റിൽ കൊട്ടികലയിലൂടെ അപ്രതീക്ഷിതമായി കർണാടക ലീഡ് പിടിച്ചു. ഗോൾ വീണതോടെ മുറിവേറ്റ കേരളം പിന്നീട് പുറത്തെടുത്ത ജീവന്മരണ കളി. 30ാം മിനിറ്റിൽ സ്ട്രൈക്കർ വിഘ്നേഷിനെ പിൻവലിച്ച് ജെസിനെ ഇറക്കിയതോടെ ആക്രമണത്തിന് മൂർച്ച കൂടി. ഒമ്പത് മിനിറ്റിനകം ജെസിൻ കർണാടകയുടെ വലയിലേക്ക് തൊടുത്ത് വിട്ടത് മൂന്ന് ഗോളുകൾ. സന്തോഷ് ട്രോഫിയിൽ ഇത് 15ാം തവണയാണ് കേരളം ഫൈനലിലെത്തുന്നത്. ആറ് തവണ കിരീടം നേടിയപ്പോൾ എട്ട് പ്രാവശ്യം രണ്ടാം സ്ഥാനക്കാരായി. 2018ൽ കൊൽക്കത്തയിൽ ബംഗാളിന് തോൽപ്പിച്ചാണ് ഏറ്റവും ഒടുവിൽ കിരീടം നേടിയത്. ഇക്കുറി സെമി ഫൈനലിലേക്ക് ആതിഥേയർ എത്തിയത് അപരാജിതരായാണ്. നാലിൽ മൂന്നും ജയിച്ചപ്പോൾ ഒന്ന് സമനിലയിലായി.

കൈയടിക്കാൻ താരനിര

മ​ഞ്ചേ​രി: സ​ന്തോ​ഷ് ട്രോ​ഫി ചാ​മ്പ്യ​ൻ​ഷി​പ്പി​ലെ ആ​ദ്യ സെ​മി​യി​ൽ കേ​ര​ള​ത്തി​നാ​യി കൈ​യ​ടി​ക്കാ​നെ​ത്തി​യ​ത് വ​ൻ താ​ര​നി​ര. ഗ​താ​ഗ​ത മ​ന്ത്രി ആ​ന്‍റ​ണി രാ​ജു, മു​ൻ കാ​യി​ക മ​ന്ത്രി എം. ​വി​ജ​യ​കു​മാ​ർ, മു​ൻ കേ​ര​ള ബ്ലാ​സ്റ്റേ​ഴ്സ് താ​രം സി.​കെ. വി​നീ​ത്, മു​ൻ താ​ര​ങ്ങ​ളാ​യ ഐ.​എം. വി​ജ​യ​ൻ, ജോ​പോ​ൾ അ​ഞ്ചേ​രി, കെ.​ടി. ചാ​ക്കോ, മു​ൻ ചീ​ഫ് സെ​ക്ര​ട്ട​റി ജി​ജി തോം​സ​ൺ, എം.​എ​ൽ.​എ​മാ​രാ​യ യു.​എ. ല​ത്തീ​ഫ്, എ.​പി. അ​നി​ൽ​കു​മാ​ർ, വ​ഖ​ഫ് ബോ​ർ​ഡ് ചെ​യ​ർ​മാ​ൻ ടി.​കെ. ഹം​സ, സ​ബ് ക​ല​ക്ട​ർ ശ്രീ​ധ​ന്യ സു​രേ​ഷ്, മു​ൻ കേ​ര​ള ക്യാ​പ്റ്റ​ൻ വി.​പി. സ​ത്യ​ന്‍റെ ഭാ​ര്യ അ​നി​ത സ​ത്യ​ൻ, എം.​ഇ.​എ​സ് ചെ​യ​ർ​മാ​ൻ ഡോ. ​ഫ​സ​ൽ ഗ​ഫൂ​ർ എ​ന്നി​വ​ർ ഗാ​ല​റി​യി​ലെ​ത്തി. സി.​കെ. വി​നീ​ത്, ഐ.​എം. വി​ജ​യ​ൻ, ജോ​പോ​ൾ തു​ട​ങ്ങി​യ​വ​ർ കു​ടും​ബ​സ​മേ​ത​മാ​ണ് എ​ത്തി​യ​ത്