സന്തോഷ് ട്രോഫി; ബം​ഗാ​ളി​നെ 2-0ത്തി​ന് ത​ക​ർ​ത്ത കേ​ര​ള​ത്തി​ന് തു​ട​ർ​ച്ച​യാ​യ ര​ണ്ടാം ജ​യം

പ​യ്യ​നാ​ട് (മ​ല​പ്പു​റം): ഗാ​ല​റി തി​ങ്ങി​നി​റ​ഞ്ഞ കാ​ൽ​ല​ക്ഷ​ത്തോ​ളം കാ​ണി​ക​ൾ​ക്ക് മു​ന്നി​ൽ ആ​ക്ര​മ​ണ ഫു​ട്ബാ​ളി​ലെ പ​തി​നെ​ട്ട​ട​വും പു​റ​ത്തെ​ടു​ത്തി​ട്ടും 83 മി​നി​റ്റ് വ​രെ സ്കോ​ർ ചെ​യ്യാ​നാ​വാ​തെ കേ​ര​ളം. ഗോ​ൾ​കീ​പ്പ​റും ഡി​ഫ​ൻ​ഡ​റു​മൊ​രു​ക്കി​യ പ്ര​തി​രോ​ധ​ക്കോ​ട്ട​യി​ൽ ആ​തി​ഥേ​യ​രെ ചെ​റു​ത്ത് ബം​ഗാ​ൾ. സന്തോഷ് ട്രോഫി ഗ്രൂ​പ്പ് എ​യി​ലെ നി​ർ​ണാ​യ​ക മ​ത്സ​രം ഗോ​ൾ ര​ഹി​ത സ​മ​നി​ല​യി​ലേ​ക്ക് നീ​ങ്ങ​വെ 84ാം മി​നി​റ്റി​ൽ ജെ​സി​ൻ ബോ​ക്സി​ന​ക​ത്തേ​ക്ക് ന​ൽ​കി​യ ലോ​ങ് പാ​സ് ക്യാ​പ്റ്റ​ൻ ജി​ജോ ജോ​സ​ഫ് പോ​സ്റ്റി​ന​രി​കി​ലേ​ക്ക് നീ​ക്കി​യ​ത് ബം​ഗാ​ൾ പ്ര​തി​രോ​ധ​ക്കോ​ട്ട​ ഭേ​ദി​ച്ച് പ​ക​ര​ക്കാ​ര​ൻ പി.​എ​ൻ. നൗ​ഫ​ൽ ഗോ​ൾ​വ​ര ക​ട​ത്തി​യ​പ്പോ​ൾ ഗാ​ല​റി ഒ​ന്ന​ട​ങ്കം ആ​ർ​പ്പു​വി​ളി​ച്ചു. പ​ത്ത് മി​നി​റ്റ് ക​ഴി​ഞ്ഞ് ഇ​ഞ്ചു​റി സ​മ​യ​ത്ത് മ​റ്റൊ​രു പ​ക​ര​ക്കാ​ര​ൻ ജെ​സി​നും സ്കോ​ർ ചെ​യ്തു. തു​ട​ർ​ച്ച​യാ​യ ര​ണ്ടാം മ​ത്സ​ര​വും ജ​യി​ച്ച് സെ​മി ഫൈ​ന​ലി​ലേ​ക്ക് ഒ​രു പ​ടി കൂ​ടി അ​ടു​ത്തു ആ​തി​ഥേ​യ​ർ.

കളി തുടങ്ങി ര​ണ്ടാം മി​നി​റ്റി​ൽ തന്നെ ബം​ഗാ​ളി​ന് ഫ്രീകി​ക്ക്. കേരള പ്ര​തി​രോ​ധം ത​ട്ടി​യ​ക​റ്റി. പി​ന്നാ​ലെ കേ​ര​ള ഡി​ഫ​ൻ​ഡ​ർ സോ​യ​ൽ ജോ​ഷി വ​ല​തു​വി​ങ്ങി​ലൂ​ടെ പ​ന്തു​മാ​യി കു​തി​ച്ചു. ഗാ​ല​റി​യു​ടെ ആ​ർ​പ്പു​വി​ളി​ക​ൾ പ​ക്ഷെ പാ​തി​വ​ഴി​യി​ലൊ​ടു​ങ്ങി. നാ​ലാം മി​നി​റ്റി​ൽ കേ​ര​ള ഗോ​ൾ​മു​ഖ​ത്ത് വീ​ണ്ടും ബം​ഗാ​ൾ. ഇ​ത്ത​വ​ണ ഗോ​ളി മി​ഥു​ൻ ര​ക്ഷ​ക​നാ​യി. 11ാം മി​നി​റ്റി​ൽ സ്കോ​ർ ചെ​യ്യാ​ൻ കേ​ര​ള​ത്തി​ന് ല​ഭി​ച്ച അ​വ​സ​രം ആ​ശ​യ​ക്കു​ഴ​പ്പ​ത്തി​ൽ പാ​ഴാ​യി. പി​ന്നാ​ലെ ല​ഭി​ച്ച കോ​ർ​ണ​റി​നെ​ത്തു​ട​ർ​ന്ന് മു​ഹ​മ്മ​ദ് ഷ​ഹീ​ഫി​ന്റെ ഹെ​ഡ്ഡ​ർ ബാ​റി​ന് മു​ക​ളി​ലൂ​ടെ പു​റ​ത്തേ​ക്ക്. 19ാം മി​നി​റ്റി​ൽ ബം​ഗാ​ൾ താ​രം ശു​ഭം ഭൗ​മി​ക്കി​ന്റെ ഷോ​ട്ട് ഗാ​ല​റി​ക്ക് നെ​ഞ്ചി​ടി​പ്പും ആ​ശ്വാ​സ​വും ന​ൽ​കി ബാ​റി​ന് മീ​തേ പ​റ​ന്നു. 22ാം മി​നി​റ്റി​ൽ അ​ഡ്വാ​ൻ​സ് ചെ​യ്ത ഗോ​ളി മി​ഥു​ന്റെ പാ​സ് പി​ഴ​ച്ചു. ഞൊ​ടി​യി​ട​യി​ൽ പ​ന്ത് വ​രു​തി​യി​ലാ​ക്കി​യ ബം​ഗാ​ളി​ന്റെ അ​ണ്ട​ർ 21 താ​രം സ​ജ​ൽ ബാ​ഗ് കേ​ര​ള ഗോ​ളി പോ​സ്റ്റി​ലേ​ക്ക് തി​രി​ച്ചെ​ത്തും​മു​മ്പെ തൊ​ടു​ത്തു​വി​ട്ടെ​ങ്കി​ലും നേ​രി​യ വ്യ​ത്യാ​സ​ത്തി​ൽ പു​റ​ത്തേ​ക്ക് പോ​യി.

25ാം മി​നി​റ്റി​ൽ ബോ​ക്സി​ന് പു​റ​ത്ത് നി​ന്ന് വി​ഘ്നേ​ഷി​ന്റെ മി​ക​ച്ച ശ്ര​മം ബം​ഗാ​ൾ ഗോ​ളി പ്രി​യ​ന്ത് ത​ടു​ത്തു. തൊ​ട്ട​ടു​ത്ത മി​നി​റ്റി​ൽ നി​ജോ ഗി​ൽ​ബ​ർ​ട്ട് ബോ​ക്സി​ലേ​ക്ക് ന​ൽ​കി​യ ക്രോ​സ് കേ​ര​ള താ​ര​ങ്ങ​ളെ മ​റി​ക​ട​ന്ന് പ്രി​യ​ന്ത് കൈ​പ്പി​ടി​യി​ലൊ​തു​ക്കി. 29ാം മി​നി​റ്റി​ൽ ഭൗ​മി​ക്കി​ന്റെ മു​ന്നേ​റ്റം അ​ജ​യ് അ​ല​ക്സ് ര​ക്ഷ​പ്പെ​ടു​ത്തി​യ​ത് ആ​തി​ഥേ​യ​ർ​ക്ക് ആ​ശ്വാ​സ​മാ​യി. 38ാം മി​നി​റ്റി​ൽ അ​ർ​ജു​ൻ ജ​യ​രാ​ജി​ന്റെ ഫ്രീ ​കി​ക്ക് ബം​ഗാ​ൾ ഗോ​ളി ഉ​ഗ്ര​ൻ സേവിലൂടെ ത​ട്ടി​യ​ക​റ്റി.

ആ​ദ്യ പ​കു​തി​യു​ടെ ഇ​ഞ്ചുറി സമയത്ത് ക്യാ​പ്റ്റ​ൻ ജി​ജോ​ക്ക് ല​ഭി​ച്ച സു​വ​ർ​ണാ​വ​സ​ര​വും ബാ​റി​ന് മു​ക​ളി​ലൂ​ടെ പു​റ​ത്തേ​ക്ക്. ര​ണ്ടാം പ​കു​തി തു​ട​ങ്ങി​യ​ത് കേ​ര​ള​ത്തി​ന്റെ ആ​ക്ര​മ​ണ​ത്തോ​ടെ. ബം​ഗാ​ൾ പ്ര​തി​രോ​ധ​ത്തി​ൽ നി​ന്ന് ഗോ​ൾ കീ​പ്പ​ർ​ക്ക് ല​ഭി​ച്ച മൈ​ന​സ് പാ​സ് ക്ലി​യ​ർ ചെ​യ്യും മു​മ്പ് ഷി​ഗി​ലി​ന് ല​ഭി​ച്ചു. വി​ഘ്നേ​ഷി​ന് ന​ൽ​കി​യ പാ​സ് പു​റ​ത്തേ​ക്ക​ടി​ച്ചു. 49ാം മി​നി​റ്റി​ൽ വീ​ണ്ടും കേ​ര​ള​ത്തി​ന് അ​വ​സ​രം. ബം​ഗാ​ളി​ന്റെ പ്ര​ത്യാ​ക്ര​മ​ണ​വും ഫ​ലം ക​ണ്ടി​ല്ല.

തൊ​ട്ട​ടു​ത്ത മി​നി​റ്റു​ക​ളി​ൽ അ​വ​സ​ര​ങ്ങ​ൾ മ​ത്സ​രി​ച്ച് തു​ല​ക്കു​ക​യാ​യി​രു​ന്നു കേ​ര​ള താ​ര​ങ്ങ​ൾ. ഏ​ത് സ​മ​യ​ത്തും ബം​ഗാ​ൾ പോ​സ്റ്റി​ൽ ഗോ​ൾ വീ​ഴു​മെ​ന്ന അ​വ​സ്ഥ. പ​ക്ഷെ, നി​രാ​ശ​യാ​യി​രു​ന്നു ഫ​ലം. 59ാം മി​നി​റ്റി​ൽ പ​ന്തു​മാ​യി കേ​ര​ള ഗോ​ൾ​മു​ഖ​ത്തേ​ക്ക് കു​തി​ച്ച സ​ജ​ൽ​ബാ​ഗി​നെ അ​തി​സാ​ഹ​സി​ക​മാ​യി ചെ​റു​ത്ത ഗോ​ൾ കീ​പ്പ​ർ മി​ഥു​ൻ പ​രി​ക്കേ​റ്റു വീ​ണു. 66ാം മി​നി​റ്റി​ൽ വി​ഘ്നേ​ഷി​ൻ​റെ മ​റ്റൊ​രു ആ​ക്ര​മ​ണം ബം​ഗാ​ളി ഗോ​ളി അ​ഡ്വാ​ൻ​സ് ചെ​യ്ത് ര​ക്ഷ​പ്പെ​ടു​ത്തി.​

പി​ന്നാ​ലെ കേ​ര​ള​ത്തി​ന് ഫ്രീകി​ക്ക്. അ​ർ​ജു​ൻ നേ​രി​ട്ട് പോ​സ്റ്റി​ലേ​ക്ക​ടി​ച്ച​ത് കീ​പ്പ​ർ ത​ട്ടി​യ​ക​റ്റി​യ​തി​നെ​ത്തു​ട​ർ​ന്ന് കി​ട്ടി​യ പ​ന്ത് പു​റ​ത്തേ​ക്ക​ടി​ച്ചു​ക​ള​ഞ്ഞു. 71ാം മി​നി​റ്റി​ൽ കേ​ര​ള​ത്തി​നും പി​ന്നാ​ലെ ബം​ഗാ​ളി​നും തു​ട​ർ​ച്ച​യാ​യ അ​വ​സ​ര​ങ്ങ​ൾ. പ​ക​ര​ക്കാ​ര​നാ​യി​റ​ങ്ങി​യ നൗ​ഫ​ൽ 79ാം മി​നി​റ്റി​ൽ ബം​ഗാ​ളി​ന്റെ പോ​സ്റ്റി​ൽ അ​പ​ക​ടം​വി​ത​ച്ചെ​ങ്കി​ലും കൃ​ത്യ​സ​മ​യ​ത്ത് ഗോ​ളി​യും ഡി​ഫ​ൻ​ഡ​ർ​മാ​രും ഇ​ട​പെ​ട്ടു.

കാ​ത്തി​രി​പ്പി​നൊ​ടു​വി​ൽ 85ാം മി​നി​റ്റി​ൽ നൗ​ഫ​ൽ കേ​ര​ള​ത്തി​ന് വേ​ണ്ടി ല​ക്ഷ്യം കാ​ണു​ക​യാ​യി​രു​ന്നു. ഇ​ഞ്ചുറി സമയത്തിന്റെ ര​ണ്ടാം മി​നി​റ്റി​ൽ ബം​ഗാ​ളി​ന്റെ സ​മ​നി​ല ഗോ​ൾ പി​റ​ന്നെ​ന്ന് ഉ​റ​പ്പി​ച്ച നി​മി​ഷം ഗോ​ളി​യും പ്ര​തി​രോ​ധ​വും കാ​ത്തു. പി​ന്നാ​ലെ കേ​ര​ള​ത്തി​ന്റെ ര​ണ്ടാം ഗോ​ളു​മെ​ത്തി. ഇ​ഞ്ചുറി സമയത്തിന്റെ നാ​ലാം മി​നി​റ്റി​ൽ ഷ​ഹീ​ഫ് എ​ത്തി​ച്ച പ​ന്ത് ജെ​സി​ൻ ഗോ​ളി​യെ വീ​ഴ്ത്തി പോ​സ്റ്റി​ലേ​ക്ക് തൊ​ടു​ത്തു.

യുവരാജസ്ഥാനുമേൽ മേഘാലയം

മലപ്പുറം: സന്തോഷ് ട്രോഫി ഫുട്ബാൾ ഗ്രൂപ് എയിൽ ബംഗാളിനും കേരളത്തിനും പിന്നാലെ ആദ്യ മത്സരം ജയിച്ച് മേഘാലയയും. രണ്ടിനെതിരെ മൂന്ന് ഗോളിന് രാജസ്ഥാനെയാണ് വീഴ്ത്തിയത്. മേഘാലയക്ക് വേണ്ടി ഫിഗോ സിന്‍ഡായി (25, 39) ഇരട്ടഗോള്‍ നേടി. ക്യാപ്റ്റന്‍ ഹോര്‍ഡിക്ലിഫ് നോണ്‍ഗബ്രിയും (62) സ്കോർ ചെയ്തു. രാജസ്ഥാൻ നിരയിൽ യുവരാജ് സിങ്ങും (രണ്ടാം മിനിറ്റ്), ഇംറാന്‍ ഖാനും (56) സ്കോർ ചെയ്തു. തുടർച്ചയായ രണ്ട് തോൽവിയോടെ രാജസ്ഥാന്‍റെ കാര്യം പരുങ്ങലിലായി.

മൈതാനം ഉണർന്നതുതന്നെ ഗോളോടെയാണ്. രണ്ടാം മിനിറ്റിൽ ത്രിലോക്ക് ലോഹര്‍ എറിഞ്ഞ ലോങ് ത്രോ രാജസ്ഥാന്‍ സ്‌ട്രൈക്കര്‍ യുവരാജ് സിങ് ഹെഡറിലൂടെ ഗോളാക്കി.

ഗോള്‍ വഴങ്ങിയ ശേഷം മേഘാലയ പ്രത്യാക്രമണങ്ങൾക്ക് തുടക്കമിട്ടു. 25ാം മിനിറ്റില്‍ വലതുവിങ്ങില്‍നിന്ന് ഫിഗോ സിന്‍ഡായിയുടെ ഇടംകാലന്‍ മഴവില്‍ ഗോൾ. 39ാം മിനിറ്റില്‍ മേഘാലയക്ക് ലീഡായി. പകരക്കാരൻ ഷാനോ ടാരിയങ്ക് ബോക്‌സിലേക്ക് നീട്ടി നൽകിയ പാസില്‍നിന്ന് ലഭിച്ച പന്ത് കിട്ടിയ സിന്‍ഡായി അനായാസം രണ്ടാം പോസ്റ്റിലേക്ക് തൊടുത്തു.

56ാം മിനിറ്റിൽ മേഘാലയയുടെ മധ്യനിരയിലെ പിഴവില്‍നിന്ന് വീണുകിട്ടിയ അവസരത്തിൽ ഗൗതം ബിസ ബോക്‌സിന് പുറത്തുനിന്ന് ഗോള്‍പോസ്റ്റ് ലക്ഷ്യമാക്കി അടിച്ചത് ഗോള്‍കീപ്പര്‍ തട്ടിയകറ്റിയെങ്കിലും കൃത്യമായി ഇടപെട്ട് ഇംറാന്‍ ഖാന്‍ സ്കോർ ചെയ്തു . പകരക്കാരനായ മേഘാലയയുടെ സ്റ്റീഫന്‍സണ്‍ പെലെയെ ബോക്‌സിനകത്തുനിന്ന് ഫൗള്‍ ചെയ്തതിന് 62ാം മിനിറ്റിൽ ലഭിച്ച പെനാല്‍റ്റി കിക്കിൽ ക്യാപ്റ്റന്‍ നോണ്‍ഗബ്രി ഗോൾ നേടി.