സന്തോഷ്​ ട്രോഫി ലൂസേഴ്​സ്​ ഫൈനലിൽ സർവിസസ്​

റിയാദ്: 76-ാമത്​ സന്തോഷ്​ ട്രോഫി ടൂർണമെൻറിൽ മൂന്നാം സ്ഥാനം സർവിസസിന്​. ശനിയാഴ്​ച ഉച്ചക്ക്​ ശേഷം 3.30 മുതൽ റിയാദ്​ ബഗ്ലഫിലെ കിങ്​ ഫഹദ്​ ഇൻറർനാഷനൽ സ്​റ്റേഡിയത്തിൽ നടന്ന ലൂസേഴ്​സ്​ ഫൈനലിൽ കരുത്തരായ പഞ്ചാബിനെ മറുപടിയില്ലാത്ത രണ്ട്​ ഗോളിന്​ തോൽപിച്ചാണ്​ മൂന്നാം സ്ഥാനം സ്വന്തമാക്കിയത്​.

കേരളവും ബംഗാളും ഗോവയുമൊക്കെ ആദ്യം തന്നെ പുറത്തായ ടൂർണമെൻറിൽ സെമി വരെ എത്തിയ പഞ്ചാബിന്റെ വലിയ പ്രതീക്ഷയാണ്​ സർവിസസി​െൻറ ആക്രമണത്തിന്​ മുന്നിൽ തകർന്നടിഞ്ഞത്​. സർവിസസിന്റെ ഗോൾമുഖത്തെ ഒന്ന്​ ഞെട്ടിക്കാൻ പോലും പഞ്ചാബിനായില്ല. സെമി ഫൈനലിൽ പഞ്ചാബ്​ മേഘാലയയോടാണ്​ തോൽവി ഏറ്റുവാങ്ങിയത്​. സെമിയിൽ കർണാടകയോട്​ തോറ്റുവന്ന സർവിസസിനോട്​ ലൂസേഴ്​സ്​ ഫൈനലിലും പഞ്ചാബിന് തോൽവി ഏറ്റുവാങ്ങേണ്ടി വന്നത്​ ആരാധകരെ നിരാ​ശപ്പെടുത്തി​. സർവിസസിനുവേണ്ടി ഇരുപകുതികളിലായി പി. ശഫീലും ക്രിസ്​റ്റഫർ കാമെയും ഗോളടിച്ചു.