രണ്ടാമത്തെ ക്രൂസ് കപ്പലും ദോഹ തുറമുഖത്ത് എത്തി
text_fieldsലോകകപ്പിനുള്ള എം.എസ്.സി പൊയേഷ്യ ദോഹ തുറമുഖത്തേക്ക് വരവേൽക്കുന്നു
ദോഹ: ലോകകപ്പിന്റെ മണ്ണിലേക്കുള്ള രണ്ടാമത്തെ േഫ്ലാട്ടിങ് ഹോട്ടലായി എം.എസ്.സി പൊയേഷ്യയും ദോഹ തുറമുഖത്ത് എത്തി. തിങ്കളാഴ്ച രാവിലെയായിരുന്നു ആഡംബര ക്രൂസ് കപ്പലിന്റെ വരവ്.ലോകകപ്പിനെത്തുന്ന കാണികൾക്ക് താമസത്തിനുള്ള ഫോർ സ്റ്റാർ ഹോട്ടൽ സംവിധാനത്തോടെയാണ് ക്രൂസ് കപ്പൽ ദോഹ തുറമുഖത്ത് നങ്കൂരമിടുന്നത്. എം.എസ്.സി വേൾഡ് യൂറോപ ഒരാഴ്ച മുമ്പു തന്നെ ദോഹ തുറമുഖത്തെത്തിയിരുന്നു.
1256 കാബിനുകൾ, മൂന്ന് നീന്തൽകുളം, സ്പാ, വെൽനസ് സെൻറർ, സിനിമ, പൂൾസൈഡ്, ടെന്നിസ്, ബാസ്കറ്റ്ബാൾ കോർട്ട്, നാല് തീൻമുറികൾ, 15 കോഫി ഷോപ്, പരിപാടികളുടെ വേദി ഉൾപ്പെടെ വിശാലമായ സൗകര്യങ്ങളോടെയാണ് ലോകകപ്പിനുള്ള രണ്ടാമത്തെ കപ്പലും ദോഹ തീരത്തെത്തിയത്.മൂന്നു കപ്പലുകളിലായി 13,000ത്തോളം കാണികൾക്കാണ് ലോകകപ്പ് സംഘാടകർ താമസ സൗകര്യമൊരുക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.