ഏഷ്യൻ കപ്പിലെ രണ്ടാം തോൽവി: നിരാശ മാത്രം ബാക്കി

ദോ​ഹ: ഏ​ഷ്യ​ൻ ക​പ്പ് ഫു​ട്ബാ​ളി​ലെ ര​ണ്ടാം അ​ങ്ക​ത്തി​ൽ ഉ​സ്ബ​കി​സ്താ​നെ​തി​രെ മ​റു​പ​ടി​യി​ല്ലാ​ത്ത മൂ​ന്നു ഗോ​ളി​ന് ഇ​ന്ത്യ തോ​റ്റ​തി​നു പി​ന്നാ​ലെ അ​ഹ​മ്മ​ദ് ബി​ൻ അ​ലി സ്റ്റേ​ഡി​യ​ത്തി​ലെ മി​ക്സ​ഡ് സോ​ണി​ൽ ക​ളി​ക്കാ​രു​ടെ വ​ര​വും കാ​ത്തി​രി​ക്കു​ക​യാ​ണ് ഇ​ന്ത്യ​യി​ലെ​യും ഉ​സ്ബ​കി​സ്താ​നി​​ലെ​യും മാ​ധ്യ​മ​പ്ര​വ​ർ​ത്ത​ക​രു​ടെ സം​ഘം. ആ​ദ്യ​മെ​ത്തി​യ​ത് ഉ​സ്ബ​ക് താ​ര​ങ്ങ​ൾ. ത​ങ്ങ​ളു​ടെ നാ​ട്ടി​ൽ​നി​ന്നു​ള്ള മാ​ധ്യ​മ​പ്ര​വ​ർ​ത്ത​ക​രു​മാ​യി സം​സാ​രി​ച്ചും വി​ജ​യ​ത്തി​ലെ സ​ന്തോ​ഷം പ​ങ്കു​വെ​ച്ചും അ​വ​ർ ന​ട​ന്നു​നീ​ങ്ങി.

പി​ന്നെ​യാ​ണ് ഇ​ന്ത്യ​ൻ ടീം ​അം​ഗ​ങ്ങ​ളു​ടെ വ​ര​വ്. തോ​ൽ​വി​യു​ടെ നി​രാ​ശ പ്ര​ക​ട​മാ​യ ശ​രീ​ര​ഭാ​ഷ. ആ​രും മാ​ധ്യ​മ​പ്ര​വ​ർ​ത്ത​ക​ർ​ക്ക് മു​ഖം ന​ൽ​കു​ന്നി​ല്ല. സു​നി​ൽ ​ഛേത്രി​യും സ​ന്ദേ​ശ് ജി​ങ്കാ​നും ഗു​ർ​പ്രീ​തും ഒ​ഴി​ഞ്ഞു​മാ​റി ന​ട​ന്നു​നീ​ങ്ങി. ര​ണ്ടാം പ​കു​തി​യി​ലി​റ​ങ്ങി ഗോ​ളെ​ന്നു തോ​ന്നി​പ്പി​ച്ച മി​ക​ച്ച നീ​ക്ക​ങ്ങ​ളു​മാ​യി പ്ര​തീ​ക്ഷ ന​ൽ​കി​യ കെ.​പി. രാ​ഹു​ലി​നെ പേ​രെ​ടു​ത്തു വി​ളി​ച്ചു​വെ​ങ്കി​ലും ഇ​ന്ന് ഒ​ന്നും പ​റ​യാ​നി​ല്ലെ​ന്ന് പ​റ​ഞ്ഞ് ന​ട​ന്നു.

ആ​ദ്യ മ​ത്സ​ര​ത്തി​ൽ ആ​സ്ട്രേ​ലി​യ​ക്കെ​തി​രെ മി​ക​ച്ച പ്ര​തി​രോ​ധം പു​റ​ത്തെ​ടു​ത്ത് തോ​ൽ​വി​ഭാ​രം കു​റ​ച്ച ഇ​ന്ത്യ​ൻ ടീം ​ര​ണ്ടാം അ​ങ്ക​ത്തി​ൽ കൂ​ടു​ത​ൽ മെ​ച്ച​പ്പെ​ട്ട ഫ​ലം പ്ര​തീ​ക്ഷി​ച്ചി​രു​ന്നു​വെ​ന്ന് മ​ത്സ​ര​ശേ​ഷ​മു​ള്ള അ​വ​രു​ടെ ശ​രീ​ര​ഭാ​ഷ ത​ന്നെ പ​റ​യു​ന്നു. ഒ​രു സ​മ​നി​ല, അ​ല്ലെ​ങ്കി​ൽ തോ​ൽ​വി​ഭാ​രം കു​റ​ക്കാ​ൻ ഒ​രു മ​റു​പ​ടി ഗോ​ൾ... ഗാ​ല​റി​യി​ൽ ആ​ര​വ​മാ​യെ​ത്തി​യ 38,000ത്തോ​ളം ആ​രാ​ധ​ക​ർ പ്ര​തീ​ക്ഷി​ച്ച​തൊ​ന്നും ന​ൽ​കാ​ൻ ക​ഴി​യാ​ത്ത​തി​ന്റെ നി​രാ​ശ​യു​മാ​യാ​ണ് ര​ണ്ടാം അ​ങ്കം ക​ഴി​ഞ്ഞ് കോ​ച്ച് ഇ​ഗോ​ർ സ്റ്റി​മാ​കും കു​ട്ടി​ക​ളും ക​ളം​വി​ട്ട​ത്.

ക​രു​ത്ത​രാ​യ ആ​സ്ട്രേ​ലി​യ​ക്കെ​തി​രെ മി​ക​ച്ച പ്ര​തി​രോ​ധം ന​ട​ത്തി​യ ആ​ത്മ​വി​ശ്വാ​സ​വു​മാ​യാ​ണ് ടീം ​ര​ണ്ടാം അ​ങ്ക​ത്തി​നി​റ​ങ്ങി​യ​ത്. ക​ഴി​ഞ്ഞ ദി​വ​സ​ങ്ങ​ളി​ൽ പ​രി​ശീ​ല​ന​ത്തി​ലും മ​റ്റും ടീം ​അം​ഗ​ങ്ങ​ൾ മി​ക​ച്ച പ്ര​ക​ട​ന​വും ഒ​ത്തി​ണ​ക്ക​വും ആ​ത്മ​വി​ശ്വാ​സ​വും പ്ര​ക​ടി​പ്പി​ച്ച​താ​യി കോ​ച്ച് സ്റ്റി​മാ​ക് ത​ന്നെ സാ​ക്ഷ്യ​പ്പെ​ടു​ത്തു​ന്നു. അ​തേ ആ​ത്മ​വി​ശ്വാ​സ​വു​മാ​യി ഉ​സ്ബ​കി​സ്താ​നെ​തി​രെ ബൂ​ട്ടു​കെ​ട്ടി​യെ​ങ്കി​ലും ആ​ദ്യ മി​നി​റ്റി​ൽ വ​ഴ​ങ്ങി​യ ഗോ​ൾ ടീ​മി​ന്റെ ക​ണ​ക്കു​കൂ​ട്ട​ലു​ക​ൾ തെ​റ്റി​ച്ചു.

എ​തി​രാ​ളി​ക​ൾ, ചെ​റി​യ അ​വ​സ​ര​ങ്ങ​ൾ​പോ​ലും ഫ​ല​പ്ര​ദ​മാ​യി ഉ​പ​യോ​ഗ​പ്പെ​ടു​ത്തി​യ​പ്പോ​ൾ, പ​ന്തു കൈ​വ​ശം​വെ​ക്കാ​നും, മു​ൻ​മ​ത്സ​ര​ത്തേ​ക്കാ​ൾ കൂ​ടു​ത​ൽ പാ​സു​ക​ളും സെ​റ്റ്പീ​സു​ക​ളും സൃ​ഷ്ടി​ക്കാ​നും ക​ഴി​ഞ്ഞി​ട്ടും ഇ​ന്ത്യ​ക്ക് ഒ​രു ത​വ​ണ​പോ​ലും ല​ക്ഷ്യം നേ​ടാ​ൻ ക​ഴി​ഞ്ഞി​ല്ല. മാ​ത്ര​മ​ല്ല, പ്ര​തി​രോ​ധ​ത്തി​ൽ വി​ള്ള​ലു​ക​ൾ വീ​ഴ്ത്തി കു​തി​ച്ചു​ക​യ​റു​ന്ന എ​തി​രാ​ളി​യെ ത​ട​യാ​നും സ​ന്ദേ​ശ് ജി​ങ്കാ​നും രാ​ഹു​ൽ ഭെ​കെ​യും പ​രാ​ജ​യ​പ്പെ​ട്ടു.

എ​തി​രാ​ളി​ക​ൾ അ​തി​വേ​ഗം; ഇ​ന്ത്യ​ക്ക് ഒ​ച്ചി​ഴ​യും വേ​ഗം

മ​ത്സ​ര​ശേ​ഷം ന​ട​ന്ന വാ​ർ​ത്ത​സ​മ്മേ​ള​ന​ത്തി​ൽ ഇ​ന്ത്യ​ൻ കോ​ച്ച് ഇ​ഗോ​ർ സ്റ്റി​മാ​ക് ന​ട​ത്തി​യ താ​ര​ത​മ്യ​ത്തി​ലു​ണ്ട് ഇ​ന്ത്യ​ൻ ഫു​ട്ബാ​ളും മേ​ഖ​ല​യി​ലെ മ​റ്റു ഫു​ട്ബാ​ളു​ക​ളും ത​മ്മി​ലെ വ​ള​ർ​ച്ച​യു​ടെ വ്യ​ത്യാ​സം. ക​ഴി​ഞ്ഞ ഏ​താ​നും വ​ർ​ഷ​ങ്ങ​ൾ​ക്കു​ള്ളി​ലാ​യി അ​തി​വേ​ഗ​ത്തി​ൽ വ​ള​രു​ന്ന ഫു​ട്ബാ​ൾ രാ​ജ്യ​മാ​ണ് ഉ​സ്ബ​കി​സ്താ​ൻ. ഒ​രു വ​ർ​ഷം മു​മ്പ് 77ാം റാ​ങ്കു​കാ​രാ​യി​രു​ന്ന​വ​രാ​ണ് ഇ​പ്പോ​ൾ 68ലേ​ക്ക് കു​തി​ച്ചു​ക​യ​റി​യ​ത്. ഇ​തി​നു കാ​ര​ണ​മാ​യി ഇ​ന്ത്യ​ൻ പ​രി​ശീ​ല​ക​ൻ ചൂ​ണ്ടി​ക്കാ​ട്ടു​ന്ന​ത് അ​ണ്ട​ർ 18, 20 തു​ട​ങ്ങി​യ യൂ​ത്ത്ത​ല ഫു​ട്ബാ​ളി​ൽ ഉ​സ്ബ​കി​ന്റെ വ​ള​ർ​ച്ച​യാ​ണ്.

ഒ​രു​പി​ടി യു​വ​താ​ര​ങ്ങ​ളെ ദേ​ശീ​യ​ത​ല​ത്തി​ലേ​ക്ക് സൃ​ഷ്ടി​ക്കാ​നും അ​വ​രെ പ്ര​മു​ഖ ക്ല​ബു​ക​ളി​ലൂ​ടെ മു​ൻ​നി​ര​യി​ലെ​ത്തി​ക്കാ​നും ക​ഴി​ഞ്ഞ​തോ​ടെ ഉ​സ്ബ​കി​സ്താ​ൻ ശ​ക്ത​മാ​യ ഫു​ട്ബാ​ൾ ക​രു​ത്താ​യി മാ​റു​ന്നു. അ​തേ​സ​മ​യം, ഇ​ന്ത്യ​ൻ ഫു​ട്ബാ​ളി​ന് ഉ​ള്ള വി​ഭ​വ​ങ്ങ​ളെ ​ആ​ശ്ര​യി​ക്കാ​ൻ മാ​ത്ര​മേ ക​ഴി​യൂ​വെ​ന്നും ഇ​ഗോ​ർ തു​റ​ന്നു​പ​റ​യു​ന്നു. കാ​ര്യ​മാ​യ നീ​ക്ക​ങ്ങ​ളോ ടീ​മി​ന് പ്ര​ചോ​ദ​ന​മോ ന​ൽ​കാ​ൻ ക​ഴി​യാ​തെ വ​ല​യു​ന്ന നാ​യ​ക​ൻ സു​നി​ൽ ഛേത്രി​യെ മാ​റ്റി​നി​ർ​ത്തു​മോ എ​ന്ന ​വി​ദേ​ശ മാ​ധ്യ​മ പ്ര​വ​ർ​ത്ത​ക​ന്റെ ചോ​ദ്യ​ത്തി​ന് ‘നോ..’ ​എ​ന്ന് അ​തി​വേ​ഗ​ത്തി​ലാ​യി​രു​ന്നു കോ​ച്ചി​ന്റെ മ​റു​പ​ടി.

ഛേത്രി​ക്കു പ​ക​രം​വെ​ക്കാ​ൻ സെ​ന്റ​ർ ഫോ​ർ​വേ​ഡ് ഇ​ല്ലെ​ന്നു പ​റ​ഞ്ഞ അ​ദ്ദേ​ഹം ഇ​ന്ത്യ​ക്ക് മി​ക​ച്ച സെ​ന്റ​ർ ഫോ​ർ​വേ​ഡ് ഇ​ല്ലെ​ന്നും ക്ല​ബു​ക​ളി​ൽ​നി​ന്നു​ള്ള മി​ക​ച്ച താ​ര​ങ്ങ​ളെ ദേ​ശീ​യ ടീ​മി​ലേ​ക്ക് എ​ടു​ക്കാ​നേ ക​ഴി​യൂ​വെ​ന്നും പ​റ​ഞ്ഞു​വെ​ക്കു​മ്പോ​ൾ മു​ന്നി​ലു​ള്ള പ​രി​മി​ത​മാ​യ വി​ഭ​വ​ങ്ങ​ൾ​കൊ​ണ്ടു മാ​ത്രം കേ​മ​മാ​യ സ​ദ്യ ഒ​രു​ക്കാ​ൻ വി​ധി​ക്ക​പ്പെ​ട്ട പാ​ച​ക​ക്കാ​ര​നെ​പ്പോ​ലെ നി​സ്സ​ഹാ​യ​നാ​വു​ന്നു കോ​ച്ചും.

ഇ​നി​യെ​ന്ത് സാ​ധ്യ​ത

ഗ്രൂ​പ് റൗ​ണ്ടി​ൽ ര​ണ്ടു തോ​ൽ​വി വ​ഴ​ങ്ങി​യ​തോ​ടെ പ്രീ​ക്വാ​ർ​ട്ട​ർ എ​ന്ന ഇ​ന്ത്യ​ൻ സ്വ​പ്ന​ങ്ങ​ൾ പാ​തി​യോ​ളം അ​ട​ഞ്ഞു​ക​ഴി​ഞ്ഞു. ഇ​നി 23ന് ​സി​റി​യ​ക്കെ​തി​രെ​യാ​ണ് ഇ​ന്ത്യ​യു​ടെ മൂ​ന്നാം അ​ങ്കം. അ​തേ​സ​മ​യം, ഗ്രൂ​പ്പി​ൽ പോ​യ​ന്റൊ​ന്നു​മി​ല്ലാ​തെ നാ​ലാ​മ​തു​ള്ള ഇ​ന്ത്യ​ക്ക് സി​റി​യ​ക്കെ​തി​രെ ജ​യി​ച്ചാ​ൽ ല​ഭി​ക്കു​ന്ന​ത് മൂ​ന്നു പോ​യ​ന്റ് മാ​ത്രം. ഇ​പ്പോ​ൾ വ​ഴ​ങ്ങി​യ അ​ഞ്ചു ഗോ​ൾ കൂ​ടി​യാ​കു​മ്പോ​ൾ മി​ക​ച്ച മൂ​ന്നാം സ്ഥാ​ന​ക്കാ​രി​ൽ ഒ​ന്നാ​യി പ്രീ​ക്വാ​ർ​ട്ട​റി​ൽ ഇ​ടം​നേ​ടു​ക​യെ​ന്ന​ത് വി​ദൂ​ര സാ​ധ്യ​ത​യാ​ണ്.

ജപ്പാനെ കീഴടക്കി ഇറാഖ്

ദോ​ഹ: ഏ​ഷ്യ​ൻ ക​പ്പ് ഫു​ട്ബാ​ളി​ൽ ഗ്രൂ​പ്പ് ഡി​യി​ലെ ക​രു​ത്ത​രു​ടെ അങ്കത്തി​ൽ ജ​പ്പാ​നെ​തി​രെ ഇ​റാ​ഖി​ന് 2-1ന്റെ ​ജ​യം. അ​യ്മ​ൻ ഹു​സൈ​ന്റെ ഇ​ര​ട്ട ഗോ​ളു​ക​ളാ​ണ് എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ൽ ന​ട​ന്ന മു​ൻ ജേ​താ​ക്ക​ളു​ടെ ക​ളി​യി​ൽ ഇ​റാ​ഖി​ന് തു​ണ​യാ​യ​ത്. അ​ഞ്ചാം മി​നി​റ്റി​ലും ഒ​ന്നാം പ​കു​തി​യു​ടെ ഇ​ഞ്ച്വ​റി സ​മ​യ​ത്തു​മാ​ണ് അ​യ്മ​ൻ ഗോ​ൾ നേ​ടി​യ​ത്. ര​ണ്ടാം പ​കു​തി​യു​ടെ ഇ​ഞ്ച്വ​റി സ​മ​യ​ത്ത് വാ​ട്ട​രു എ​ൻ​ഡോ ജ​പ്പാ​ന്റെ ഏ​ക​ഗോ​ൾ നേ​ടി. ര​ണ്ട് ക​ളി​ക​ളി​ൽ നി​ന്ന് ആ​റ് പോ​യ​ന്റു​മാ​യി ഇ​റാ​ഖ് അ​ടു​ത്ത റൗ​ണ്ടി​ലേ​ക്ക് പ്ര​വേ​ശ​ന​മു​റ​പ്പി​ച്ചു. ജ​പ്പാ​ന് മൂ​ന്ന് പോ​യ​ന്റാ​ണു​ള്ള​ത്.