ഇറ്റാലിയൻ സീരി എ; കുതിപ്പ് തുടർന്ന് നാപോളി
text_fieldsറോം: ഇറ്റാലിയൻ സീരി എയിൽ വിജയക്കുതിപ്പുമായി നാപോളി. ഉദിനീസെയെ ഏകപക്ഷീയമായ നാലു ഗോളുകൾക്ക് തകർത്ത നാപോളി തുടർച്ചയായ നാലാം വിജയവുമായി പോയൻറ് പട്ടികയിൽ തലപ്പത്ത് സ്ഥാനം നിലനിർത്തി. പത്ത് പോയൻറുള്ള നിലവിലെ ജേതാക്കൾ ഇൻറർ മിലാനാണ് രണ്ടാം സ്ഥാനത്ത്. മൂന്നാമതുള്ള എ.സി മിലാനും തുല്യ പോയൻറുണ്ട്. യുവൻറസ് രണ്ടു പോയൻറുമായി 18ാമതാണ്. യുവൻറസ്-എ.സി മിലാൻ മത്സരം കഴിഞ്ഞദിവസം 1-1ന് സമനിലയിൽ അവസാനിച്ചിരുന്നു. ഇൻറർ 6-1ന് ബൊളോണയെ തകർക്കുകയും ചെയ്തു.
വിക്ടർ ഒസിമെൻ, ആമിർ റഹ്മാനി, ഖാലിദു കൗലിബാലി, ഹെർവിങ് ലൊസാനോ എന്നിവരാണ് നാപോളിയുടെ ഗോളുകൾ നേടിയത്. റഹ്മാനി നേടിയ ഗോളിെൻറ വരവ് മനോഹരമായിരുന്നു. ഫ്രീകിക്കിൽ ലോറൻസോ ഇൻസീന്യെ പന്ത് കുറുകെ ഫാബിയൻ റൂയിസിന് പാസ് ചെയ്യുന്നു. റൂയിസ് പോസ്റ്റിനരികിലേക്ക് ഉയർത്തിവിട്ട പന്തിൽ ഖൗലിബാലിയുടെ ക്രോസിൽ റഹ്മാനിയുടെ ഹെഡർ വലയിലേക്ക്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.