'ഒരിക്കലും സംഭവിക്കാൻ പാടില്ലാത്ത അബദ്ധം'; സെൽഫ്​ ഗോൾ പട്ടികയിലേക്ക്​ സ്​പാനിഷ്​ ഗോൾകീപ്പറുടെ 'ഉഗ്രൻ' സംഭാവന VIDEO

കോപ്പൻഹേഗൻ: പാർക്കൻ സ്​റ്റേഡിയത്തിൽ ക്ലാസിക്​ മത്സരം കാണാനെത്തിയ കാണികൾ ഒരുവേള ഇത്​ യൂറോകപ്പ്​ വേദിയാണോ എന്നുപോലും ചിന്തിച്ചിരിക്കണം. യൂറോ പ്രീക്വാർട്ടറിൽ ക്രൊയേഷ്യക്കെതിരെ നിർണായക പോരാട്ടത്തിനിറങ്ങിയ സ്​പാനിഷ്​ പടക്ക്​ വിനയായി ഗോളി ഉനൈ സിമണി​െൻറ ഭീമൻ അബദ്ധം. സെൽഫ്​ ഗോളുകൾ അരങ്ങുവാഴുന്ന ടൂർണമെൻറിൽ സൈമൺ നൽകിയ സംഭാവന കാൽപന്ത്​ ലോകം പെ​ട്ടെന്ന്​ മറക്കാനിടയില്ല. പിഴവ്​ സൈമണി​േൻറതാണെങ്കിലും ഗോൾ പെട്രിയുടെ പേരിലാണ്​ എഴുതപ്പെട്ടത്​.

സ്​പാനിഷ്​ മധ്യനിര നിര താരം പെട്രി കൊടുത്ത മൈനസ്​ പാസ്​ സ്വീകരിക്കുന്നതിൽ ഗോൾ കീപ്പർ സിമൺ അവിശ്വസനീയമാം വിധം പരാജയപ്പെടുകയായിരുന്നു. പന്ത്​ സ്​റ്റോപ്​ ചെയ്യാനുള്ള ശ്രമത്തിൽ ടൈമിങ്​ തെറ്റിയ ഉനൈ സിമണി​െൻറ കാലിൽ സ്​പർശിക്കാതെ പന്ത്​ വലയിലേക്ക്​ നീങ്ങുകയായിരുന്നു. സംഭവം വിശ്വസിക്കാനാകാതെ സഹതാരങ്ങളും കോച്ചും തലകുലുക്കു​േമ്പാൾ ക്രൊയേഷ്യൻ പട ആഘോഷം തുടങ്ങിയിരുന്നു.

ആദ്യ മിനുറ്റ്​ മുതൽ ആക്രമിച്ചു സ്​പാനിഷ്​ പടക്ക്​ ഇടിത്തീയായാണ്​ സെൽഫ്​ ഗോളെത്തിയത്​. എന്നാൽ ഉണർന്നെണീറ്റ സ്​പാനിഷ്​ പടക്കായി 38ാം മിനുറ്റിൽ പാ​േബ്ലാ സെറാബിയ മറുപടി ഗോൾ നൽകി. മത്സരത്തി​െൻറ ആദ്യ പകുതി പിന്നിടു​േമ്പാൾ ഗോളവസരങ്ങൾ സൃഷ്​ടിക്കുന്നതിലും പന്തടക്കത്തിലും സ്​പെയിൻ ബഹുദൂരം മുന്നിലാണ്​.