സ്പാനിഷ് ലാ ലിഗ: റയലിന് ജയം

മഡ്രിഡ്: മൈതാന മധ്യത്തിലെ കരുത്തനായ കാസെമിറോ ടീം വിട്ടതൊന്നും റയൽ മഡ്രിഡിനെ ബാധിച്ചിട്ടില്ല. പതിവുശൈലിയിൽ തകർപ്പൻ കളി കെട്ടഴിച്ച കാർലോ ആഞ്ചലോട്ടിയുടെ ടീം സ്പാനിഷ് ലാ ലിഗയിൽ സെൽറ്റവിഗോയെ 4-1ന് തകർത്തുവിട്ടു. മനോഹരമായ ഗോൾ നേടുകയും മറ്റൊന്നിന് വഴിയൊരുക്കുകയും ചെയ്ത മിഡ്ഫീൽഡ് മാസ്ട്രോ ലുക മോഡ്രിചായിരുന്നു മഡ്രിഡിന്റെ വിജയശിൽപി. കരീം ബെൻസേമ, ഫെഡറികോ വാൽവെർഡെ, വിനീഷ്യസ് ജൂനിയർ എന്നിവരായിരുന്നു മഡ്രിഡിന്റെ മറ്റു സ്കോറർമാർ.