സംസ്ഥാന ജൂനിയർ ഫുട്ബാൾ: ലൂസേഴ്‌സ് ഫൈനലിൽ കാസർകോട്

തൃക്കരിപ്പൂർ: സംസ്ഥാന ജൂനിയർ ഫുട്ബാൾ ചാമ്പ്യൻഷിപ്പ് ലൂസേഴ്‌സ് ഫൈനലിൽ കാസർകോടിന്‌ ജയം. രണ്ടിനെതിരെ നാലുഗോളുകൾക്ക് കണ്ണൂരിനെയാണ് ആതിഥേയർ തോൽപിച്ചത്. കാസർകോടിന് വേണ്ടി പതിമൂന്നാം മിനിറ്റിൽ പാർഥിവ് ആദ്യഗോൾ നേടി. നായകൻ കെ.പി. ഇനാസ് 42-ാം മിനിറ്റിൽ നേടിയ ഗോളോടെ നില ഭദ്രമാക്കി.

കണ്ണൂരിന്റെ ആദ്യഗോൾ ഇടവേളക്ക് പിരിയും മുമ്പ് അക്ഷയ് നേടി. 58ാം മിനിറ്റിൽ കിരൺ സമനില പിടിച്ചു(2 - 2). അവസാന അഞ്ചുമിനിറ്റിൽ അഭിഷേക് നേടിയ രണ്ടുഗോളുകളാണ് കാസർകോടിന്‌ ജയമൊരുക്കിയത്.