സലാഹിനൊപ്പം സുവർണപാദുകം പങ്കിട്ട് സൺ ഹ്യൂങ് മിൻ

ലണ്ടൻ: ഇംഗ്ലീഷ് പ്രീമിയർ ലീഗ് ചരിത്രത്തിലാദ്യമായി സുവർണപാദുകം ഏഷ്യയിലേക്ക്. ടോട്ടൻഹാമിന്റെ ദക്ഷിണ കൊറിയൻ സ്ട്രൈക്കർ സൺ ഹ്യൂങ് മിൻ 23 ഗോളുമായി ലിവർപൂൾ സൂപ്പർതാരം മുഹമ്മദ് സലാഹുമായി ഗോൾഡൻ ബൂട്ട് പങ്കിട്ടു. 22 ഗോളുമായി മുന്നിലുണ്ടായിരുന്ന സലാഹ്, അവസാന മത്സരത്തിൽ വുൾവ്സിനെതിരെ സ്കോർ ചെയ്താണ് 23ലെത്തിയത്. സൺ ഞായറാഴ്ച നോർവിച്ചിനെതിരെ രണ്ട് ഗോളടിച്ച് ഒപ്പമെത്തി.

2017-18 സീസണിൽ ഗോൾഡൻ ബൂട്ട് നേടിയ സലാഹ്, പിറ്റേവർഷം ഒബുമെയാങ്, സാഡിയോ മനേ എന്നിവരുമായി പങ്കിട്ടു.