സൂ​പ്പ​ർ ലീ​ഗ് കേ​ര​ള ക​ലാ​ശ​പ്പോ​രാ​ട്ടം ഇ​ന്ന്; കൊ​ച്ചി​യു​ടെ ക​രു​ത്താ​യി അ​ർ​ജു​നും അ​മീ​നും

മ​ഞ്ചേ​രി: സൂ​പ്പ​ർ ഹി​റ്റാ​യ പ്ര​ഥ​മ സൂ​പ്പ​ർ ലീ​ഗ് കേ​ര​ള​യി​ൽ ക​ലാ​ശ​പ്പോ​രാ​ട്ട​ത്തി​ൽ ഫോ​ഴ്സ കൊ​ച്ചി​യും കാ​ലി​ക്ക​റ്റ് എ​ഫ്.​സി​യും ത​മ്മി​ൽ ഞാ​യ​റാ​ഴ്ച നേ​ർ​ക്കു​നേ​ർ ഏ​റ്റു​മു​ട്ടു​മ്പോ​ൾ കൊ​ച്ചി​ക്കാ​യി മ​ഞ്ചേ​രി ആ​ർ​പ്പു​വി​ളി​ക്കും.

കൊ​ച്ചി ടീ​മി​നാ​യി ര​ണ്ട് മ​ഞ്ചേ​രി സ്വ​ദേ​ശി​ക​ളാ​ണ് ക​ള​ത്തി​ലി​റ​ങ്ങു​ന്ന​ത്. ടീം ​ക്യാ​പ്റ്റ​നും തൃ​ക്ക​ല​ങ്ങോ​ട് സ്വ​ദേ​ശി​യു​മാ​യ അ​ർ​ജു​ൻ ജ​യ​രാ​ജ് (28), നെ​ല്ലി​ക്കു​ത്ത് സ്വ​ദേ​ശി അ​മീ​ൻ (26) എ​ന്നി​വ​രാ​ണ് ഫോ​ഴ്സ​യു​ടെ താ​ര​ങ്ങ​ൾ. അ​ർ​ജു​ൻ മ​ധ്യ​നി​ര​യി​ൽ ക​ളി​മെ​ന​യു​മ്പോ​ൾ സെ​ന്‍റ​ർ ബാ​ക്കാ​യി ടീ​മി​ന്‍റെ പ്ര​തി​രോ​ധ​ക്കോ​ട്ട കാ​ക്കു​ക​യാ​ണ് അ​മീ​ൻ. മൈ​താ​ന​ത്ത് ഇ​റ​ങ്ങി​യ​പ്പോ​ഴെ​ല്ലാം ഇ​രു​വ​രും ടീ​മി​നാ​യി നി​റ​ഞ്ഞു​ക​ളി​ച്ചു. ലീ​ഗി​ലെ ആ​ദ്യ മ​ത്സ​ര​ത്തി​ൽ മ​ല​പ്പു​റം എ​ഫ്.​സി​യോ​ട് എ​തി​രി​ല്ലാ​ത്ത ര​ണ്ടു ഗോ​ളു​ക​ൾ​ക്ക് തോ​റ്റു തു​ട​ങ്ങി​യ കൊ​ച്ചി പി​ന്നീ​ട് മി​ക​ച്ച പ്ര​ക​ട​നം ന​ട​ത്തി​യാ​ണ് ഫൈ​ന​ൽ പോ​രാ​ട്ട​ത്തി​ന് ടി​ക്ക​റ്റെ​ടു​ത്ത​ത്. 10 ക​ളി​യി​ൽ നാ​ലു വീ​തം ജ​യ​വും സ​മ​നി​ല​യു​മാ​യി 16 പോ​യ​ന്‍റ് നേ​ടി ര​ണ്ടാ​മ​താ​യാ​ണ് ലീ​ഗ് ഘ​ട്ടം അ​വ​സാ​നി​പ്പി​ച്ച​ത്.

സെ​മി​ഫൈ​ന​ലി​ൽ ലീ​ഗി​ലെ മി​ക​ച്ച ടീ​മാ​യ ക​ണ്ണൂ​ർ വാ​രി​യേ​ഴ്സി​നെ എ​തി​രി​ല്ലാ​ത്ത ര​ണ്ടു ഗോ​ളു​ക​ൾ​ക്കും പ​രാ​ജ​യ​പ്പെ​ടു​ത്തി. ഇ​രു​വ​രും ടീ​മി​നാ​യി കി​രീ​ടം നേ​ടി​ക്കൊ​ടു​ക്കാ​നു​ള്ള അ​വ​സാ​ന​വ​ട്ട ശ്ര​മ​ത്തി​ലാ​ണ്.

2012ൽ ​സു​ബ്ര​തോ ക​പ്പി​ലെ മി​ക​ച്ച താ​ര​മാ​യി തി​ര​ഞ്ഞെ​ടു​ത്ത​തോ​ടെ​യാ​ണ് അ​ർ​ജു​ൻ ദേ​ശീ​യ ത​ല​ത്തി​ൽ ശ്ര​ദ്ധ​യാ​ക​ർ​ഷി​ക്കു​ന്ന​ത്. പു​ണെ എ​ഫ്.​സി​യി​ലൂ​ടെ​യാ​യി​രു​ന്നു പ്ര​ഫ​ഷ​ന​ൽ ഫു​ട്ബാ​ളി​ലെ അ​ര​ങ്ങേ​റ്റം. ഓ​ൾ ഇ​ന്ത്യ ചാ​മ്പ്യ​ൻ​ഷി​പ്പി​ലെ ജേ​താ​ക്ക​ളാ​യ കാ​ലി​ക്ക​റ്റ് സ​ർ​വ​ക​ലാ​ശാ​ല ടീ​മി​നാ​യി മ​ധ്യ​നി​ര​യി​ൽ മി​ന്നും പ്ര​ക​ട​നം കാ​ഴ്ച​വെ​ച്ചു. കാ​ലി​ക്ക​റ്റ് യൂ​നി​വേ​ഴ്സി​റ്റി​യും ഗോ​കു​ലം കേ​ര​ള എ​ഫ്.​സി​യും ത​മ്മി​ൽ ന​ട​ന്ന സൗ​ഹൃ​ദ​മ​ത്സ​ര​ത്തി​ലെ പ്ര​ക​ട​നം അ​ർ​ജു​നെ ഗോ​കു​ലം കേ​ര​ള​യി​ലെ​ത്തി​ച്ചു.

കേ​ര​ള പ്രീ​മി​യ​ർ ലീ​ഗി​ലും ഐ ​ലീ​ഗി​ലും ഗോ​കു​ല​ത്തി​നാ​യി മി​ക​ച്ച പ്ര​ക​ട​നം ന​ട​ത്തി. ഇ​തോ​ടെ ഐ.​എ​സ്.​എ​ല്ലി​ലെ കേ​ര​ള​ത്തി​ന്‍റെ ‘മ​ഞ്ഞ​പ്പ​ട’​യാ​യ കേ​ര​ള ബ്ലാ​സ്റ്റേ​ഴ്സി​ലേ​ക്കും വി​ളി​യെ​ത്തി. പ്രീ​സീ​സ​ണി​ൽ ദു​ബൈ​യി​ൽ ര​ണ്ടു മ​ത്സ​ര​ങ്ങ​ൾ ക​ളി​ച്ചെ​ങ്കി​ലും പ​രി​ക്ക് കാ​ര​ണം പി​ന്നീ​ട് ടീ​മി​നാ​യി ക​ള​ത്തി​ലി​റ​ങ്ങാ​ൻ സാ​ധി​ച്ചി​ല്ല.

കേ​ര​ള യു​നൈ​റ്റ​ഡ് എ​ഫ്.​സി​യു​ടെ ക്യാ​പ്റ്റ​നു​മാ​യി. 2022ൽ ​മ​ല​പ്പു​റ​ത്ത് ന​ട​ന്ന സ​ന്തോ​ഷ് ട്രോ​ഫി​യി​ൽ കേ​ര​ള​ത്തി​നെ കി​രീ​ട​ത്തി​ലേ​ക്കു ന​യി​ച്ച​തി​ൽ നി​ർ​ണാ​യ​ക പ​ങ്കു​വെ​ച്ചു. സെ​മി​ഫൈ​ന​ലി​ൽ ക​ർ​ണാ​ട​ക​ക്കെ​തി​രെ ഗോ​ളും നേ​ടി.

ഒ​രു ഗോ​ളും ര​ണ്ട് അ​സി​സ്റ്റു​മാ​യി ചാ​മ്പ്യ​ൻ​ഷി​പ്പി​ൽ തി​ള​ങ്ങി. തു​ട​ർ​ന്നാ​ണ് പ്ര​ഥ​മ സൂ​പ്പ​ർ ലീ​ഗ് കേ​ര​ള​യി​ൽ ഫോ​ഴ്സ കൊ​ച്ചി​ൻ എ​ഫ്.​സി​ക്കാ​യി ബൂ​ട്ടു​കെ​ട്ടാ​ൻ അ​വ​സ​രം ല​ഭി​ച്ച​ത്. റി​ട്ട. കെ.​എ​സ്.​ആ​ർ.​ടി.​സി ഡ്രൈ​വ​ർ ജ​യ​രാ​ജ്-​തൃ​ക്ക​ല​ങ്ങോ​ട് മാ​ന​വേ​ദ​ൻ യു.​പി സ്കൂ​ൾ പ്ര​ധാ​നാ​ധ്യാ​പി​ക ജ്യോ​തി ജി. ​നാ​യ​ർ എ​ന്നി​വ​രു​ടെ മ​ക​നാ​ണ്.

നാ​ട്ടി​ലെ ക്യാ​മ്പു​ക​ളി​ൽ പ​ന്തു​ത​ട്ടി​യാ​ണ് അ​മീ​ൻ ഫു​ട്ബാ​ളി​ന്‍റെ ബാ​ല​പാ​ഠ​ങ്ങ​ൾ പ​ഠി​ച്ച​ത്. പി​ന്നീ​ട് മ​മ്പാ​ട് എം.​ഇ.​എ​സ് കോ​ള​ജി​നാ​യും ക​ളി​ച്ചു. കാ​ലി​ക്ക​റ്റ് യൂ​നി​വേ​ഴ്സി​റ്റി ടീ​മി​ലും ഇ​ടം​നേ​ടി. 2021ൽ ​ഓ​ൾ ഇ​ന്ത്യ ചാ​മ്പ്യ​ൻ​ഷി​പ്പി​ൽ കാ​ലി​ക്ക​റ്റ് ചാ​മ്പ്യ​ന്മാ​രാ​യ​പ്പോ​ൾ അ​മീ​ൻ ടീ​മി​ലു​ണ്ടാ​യി​രു​ന്നു. ക​ഴി​ഞ്ഞ വ​ർ​ഷം കേ​ര​ള സ​ന്തോ​ഷ് ട്രോ​ഫി ടീ​മി​ലും സെ​ന്‍റ​ർ ബാ​ക്കാ​യി അ​മീ​നു​ണ്ടാ​യി​രു​ന്നു. ആ​ദ്യ​മാ​യാ​ണ് പ്ര​ഫ​ഷ​ന​ൽ ക്ല​ബി​നാ​യി ക​ളി​ക്കു​ന്ന​ത്. നെ​ല്ലി​ക്കു​ത്ത് കോ​ട്ട​ക്കു​ത്ത് അ​ബ്ദു​ൽ സ​ലാം-​ഫൗ​സി​യ ദ​മ്പ​തി​ക​ളു​ടെ മ​ക​നാ​ണ്. ടീ​മി​നാ​യി കി​രീ​ടം നേ​ടു​ക​യാ​ണ് ല​ക്ഷ്യ​മെ​ന്ന് ഇ​രു​വ​രും ‘മാ​ധ്യ​മ’​ത്തോ​ട് പ​റ​ഞ്ഞു.