സൂപ്പർ ലീഗിൽ കൊ​മ്പ​ൻ​സി​നെ ത​ക​ർ​ത്ത് ഫോ​ഴ്സ കൊ​ച്ചി; ജയം ഒന്നിനെതിരെ മൂന്ന് ഗോളുകൾക്ക്

തി​രു​വ​ന​ന​ന്ത​പു​രം: സെ​മി​യി​ലേ​ക്ക് കു​തി​ച്ചു​ക​യ​റാ​നി​റ​ങ്ങി​യ കൊ​മ്പ​ന്മാ​രു​ടെ മ​സ്ത​ക​ത്തി​ല​ടി​ച്ച് വീ​ഴ്ത്തി ഫോ​ഴ്സ കൊ​ച്ചി.​ ച​ന്ദ്ര​ശേ​ഖ​ര​ൻ നാ​യ​ർ സ്റ്റേ​ഡി​യ​ത്തി​ൽ ന​ട​ന്ന ആ​വേ​ശ​ക​ര​മാ​യ മ​ത്സ​ര​ത്തി​ൽ ഒ​ന്നി​നെ​തി​രെ മൂ​ന്നു​ഗോ​ളു​ക​ൾ​ക്കാ​ണ് കൊ​ച്ചി​യു​ടെ ചു​ണ​ക്കു​ട്ടി​ക​ൾ തി​രു​വ​ന​ന്ത​പു​ര​ത്തി​ന്‍റെ കാ​ട്ടാ​ന​ക്കൂ​ട്ട​ത്തെ മ​യ​ക്കു​വെ​ടി​വെ​ച്ചി​ട്ട​ത്. കൊ​ച്ചി​ക്കാ​യി ബ്ര​സീ​ലി​യ​ൻ താ​രം ഡോ​റി​യ​ൽ​ട്ട​ൻ ര​ണ്ടും ലൂ​യി​സ് റോ​ഡി​ഗ്ര​സ് ഒ​രു ഗോ​ളും നേ​ടി​യ​പ്പോ​ൾ ബ്ര​സീ​ലി​യ​ൻ താ​രം ഓ​ട്ടോ​മ​ർ ബി​സ്പോ​യി​ലൂ​ടെ​യാ​യി​രു​ന്നു തി​രു​വ​ന​ന്ത​പു​ര​ത്തി​ന്‍റെ ആ​ശ്വാ​സ​ഗോ​ൾ. വി​ജ​യ​ത്തോ​ടെ 12 പോ​യ​ന്‍റു​മാ​യി കൊ​ച്ചി സെ​മി സാ​ധ്യ​ത നി​ല​നി​ർ​ത്തി.

സെ​മി​യി​ലേ​ക്ക് വി​ജ​യം ഇ​രു​ടീ​മി​നും നി​ർ​ണാ​യ​ക​മാ​യി​രി​ക്കെ ആ​ക്ര​മ​ണ ഫു​ട്ബാ​ളി​ന്‍റെ ബ്ലൂ ​പ്രി​ന്‍റു​മാ​യാ​ണ് ഇ​രു​ടീ​മി​നെ​യും പ​രി​ശീ​ല​ക​ർ ക​ള​ത്തി​ലി​റ​ക്കി​യ​ത്. അ​തു​കൊ​ണ്ടു​ത​ന്നെ ക​ളി​യു​ടെ ആ​ദ്യ​വി​സി​ൽ മു​ത​ൽ ഇ​രു​ടീ​മി​ന്‍റെ​യും ഗോ​ൾ​മു​ഖ​ത്ത് തീ​പ്പൊ​രി പാ​റി. കൊ​ച്ചി​യാ​ണ് ആ​ദ്യം മു​ന്നി​ലെ​ത്തി​യ​ത്. എ​ട്ടാം മി​നി​ട്ടി​ൽ പ്ര​തി​രോ​ധ​നി​ര​യെ നോ​ക്കു​കു​ത്തി​യാ​ക്കി ഡോ​റി​യ​ൽ​ട്ട​ൻ കൊ​മ്പ​ന്മാ​രു​ടെ ഗോ​ൾ​വ​ല​യി​ലേ​ക്ക് നി​റ​യൊ​ഴി​ച്ചു. മ​ധ്യ​നി​ര​യി​ൽ നി​ന്ന് നി​ജോ ഗി​ൽ​ബ​ർ​ട്ട് മൂ​ന്നോ​ട്ടേ​ക്ക് ന​ൽ​കി​യ പാ​സ് കൊ​മ്പ​ൻ​സി​ന്‍റെ ബ്ര​സീ​ലി​യ​ൻ ഗോ​ളി സാ​ന്‍റോ​സി​നെ ക​മ്പ​ളി​പ്പി​ച്ച് പോ​സ്റ്റി​ന്‍റെ വ​ല​ത് മൂ​ല​യി​ലേ​ക്ക് ഡോ​റി​യ​ൽ​ട്ട​ൻ കോ​രി​യി​ടു​ക​യാ​യി​രു​ന്നു. ഗോ​ൾ വീ​ണ​തോ​ടെ ഓ​ട്ടോ​മ​ർ ബി​സ്പോ​യു​ടെ നേ​തൃ​ത്വ​ത്തി​ൽ ആ​ക്ര​മ​ണം ക​ടു​പി​ച്ച കൊ​മ്പ​ൻ​സ് നി​ര​ന്ത​രം കൊ​ച്ചി​യു​ടെ ഗോ​ൾ​മു​ഖം വി​റ​പ്പി​ച്ചു. എ​ന്നാ​ൽ കൊ​ച്ചി​യു​ടെ ഗോ​ൾ​കീ​പ്പ​ർ ഹ​ജ്മ​ലി​ന്‍റെ ക​ണ്ണ​ഞ്ചി​പ്പി​ക്കു​ന്ന സേ​വു​ക​ൾ​ക്ക് മു​ന്നി​ൽ കൊ​മ്പ​ന്മാ​രു​ടെ ആ​ക്ര​മ​ണ​ങ്ങ​ൾ പ​ല​തും ല​ക്ഷ്യം കാ​ണാ​തെ പോ​കു​ക​യാ​യി​രു​ന്നു.

ര​ണ്ടാം പ​കു​തി​യി​ൽ ന​യം മാ​റ്റാ​ൻ കൊ​മ്പ​ന്മാ​ർ ത​യ്യാ​റാ​യി​രു​ന്നി​ല്ല. അ​തി​ന്‍റെ ഫ​ലം 66ാമി​നി​ട്ടി​ൽ ല​ഭി​ക്കു​ക​യും ചെ​യ്തു. വ​ല​തു​വി​ങ്ങി​ൽ നി​ന്ന് ഗോ​ൾ​പോ​സ്റ്റി​ലേ​ക്ക് അ​ഷ​ർ ന​ൽ​കി​യ പാ​സ് ഓ​ട്ടോ​മ​ർ ബി​സ്പോ ഗ്രൗ​ണ്ടി​ലേ​ക്ക് പ​റ​ന്നി​റ​ങ്ങി കൊ​ച്ചി​യു​ടെ വ​ല കു​ലു​ക്കു​ക​യാ​യി​രു​ന്നു. തു​ട​ർ​ന്ന് മ​ത്സ​രം സ​മ​നി​ല​യി​ലേ​ക്ക് നീ​ങ്ങു​ന്ന​തി​നി​ട​യി​ലാ​ണ് കൊ​മ്പ​ന്മാ​രു​ടെ നെ​ഞ്ചി​ലേ​ക്ക് റോ​ഡി​ഗ്ര​സ് വെ​ടി​യു​തി​ർ​ത്ത​ത്. പെ​ന​ൽ​ട്ടി ബോ​ക്സി​ന് പു​റ​ത്ത് നി​ന്ന് രാ​ഹു​ൽ കെ.​പി എ​ടു​ത്ത ഫ്രീ​കി​ക്ക് ഗോ​ൾ​പോ​സ്റ്റി​ന് മു​ന്നി​ലെ കൂ​ട്ട​പൊ​രി​ച്ചി​ലി​നൊ​ടു​വി​ൽ റോ​ഡി​ഗ്ര​സ് വ​ല​യി​ലെ​ത്തി​ക്കു​ക​യാ​യി​ര​ന്നു. തൊ​ടു​പി​ന്നാ​ലെ ഇ​ഞ്ച്വ​റി ടൈ​മി​ൽ കൊ​മ്പ​ന്മാ​രു​ടെ ക​ഥ​ക​ഴി​ച്ച് ഡോ​റി​യ​ൽ​ട്ട​ൻ മൂ​ന്നാം ഗോ​ളും ക​ണ്ടെ​ത്തു​ക​യാ​യി​രു​ന്നു.