സൂ​പ്പ​ർ ലീ​ഗ് കേ​ര​ള: ക​ണ്ണൂ​രി​ന് കൊ​മ്പ​ന്മാ​രു​ടെ സമനിലപൂട്ട്

തി​രു​വ​ന​ന്ത​പു​രം: മ​ദ​മി​ള​കി​യ കൊ​മ്പ​ന്മാ​രെ വാ​രി​ക്കു​ഴി​യി​ലി​ട്ട് പൂ​ട്ടാ​നു​ള്ള അ​വ​സ​രം ക​ണ്ണൂ​ർ വാ​രി​യേ​ഴ്സ് ക​ള​ഞ്ഞു​കു​ളി​ച്ചു. ച​ന്ദ്ര​ശേ​ഖ​ര​ൻ നാ​യ​ർ സ്റ്റേ​ഡി​യ​ത്തി​ൽ ഇ​ന്ന​ലെ ന​ട​ന്ന ആ​വേ​ശ​ക​ര​മാ​യ മ​ത്സ​ര​ത്തി​ൽ ക​ണ്ണൂ​രി​ന്‍റെ പ​ട​യാ​ളി​ക​ളെ 1-1ന് ​ത​ള​ച്ചാ​ണ് തി​രു​വ​ന​ന്ത​പു​ര​ത്തി​ന്‍റെ കൊ​മ്പ​ന്മാ​ർ തോ​ൽ​വി​യി​ൽ നി​ന്ന് ക​ഷ്ടി​ച്ച് ര​ക്ഷ​പ്പെ​ട്ട​ത്. ക​ണ്ണൂ​രി​നാ​യി 56ാം മി​നി​റ്റി​ൽ കാ​മ​റൂ​ൺ താ​രം ഏ​ണ​സ്റ്റീ​ൻ റൂ​ബീ​സ് സാ​ബ​യും തി​രു​വ​ന​ന്ത​പു​രം കൊ​മ്പ​ൻ​സി​നാ​യി 84ാം മി​നി​റ്റി​ൽ ഗ​ണേ​ശ​നു​മാ​ണ് ഗോ​ൾ​വ​ല കു​ലു​ക്കി​യ​ത്.

⊿മോ​ട്ട​ക്ക് ചു​വ​പ്പ് കാ​ർ​ഡ്

ഫോ​ഴ്സ കൊ​ച്ചി​യു​മാ​യി സ​മ​നി​ല​യി​ൽ പി​രി​ഞ്ഞ​തി​ന്‍റെ ക്ഷീ​ണം തീ​ർ​ക്കാ​ൻ ഫോ​ർ​വേ​ഡ് ലൈ​നി​ൽ മൂ​ന്ന് മാ​റ്റ​ങ്ങ​ളു​മാ​യാ​ണ് സ്പാ​നി​ഷ് കോ​ച്ച് മാ​നു​വ​ല്‍ സാ​ഞ്ച​സ് മു​രി​യാ​സി​ൻ ക​ണ്ണൂ​ർ വാ​രി​യേ​ഴ്സി​നെ പ​ട​ക്ക​ള​ത്തി​ലേ​ക്ക് ഇ​റ​ക്കി​യ​ത്. അ​തേ​സ​മ​യം, മു​ന്നേ​റ്റ​നി​ര​യി​ൽ ബ്ര​സീ​ലി​യ​ൻ താ​രം ഓ​ട്ടേ​മേ​ര്‍ ബി​സ്പോ​ക്ക് പ​ക​രം മാ​ർ​ക്കോ​സ് വെ​ൽ​ഡ​റെ ഇ​റ​ക്കി​യാ​യി​രു​ന്നു കൊ​മ്പ​ന്മാ​രു​ടെ ചെ​ക്ക്. ആ​ദ്യ 12 മി​നി​റ്റി​നു​ള്ളി​ൽ ര​ണ്ടു​ത​വ​ണ ക​ണ്ണൂ​രി​ന്‍റെ താ​ര​ങ്ങ​ൾ കൊ​മ്പ​ൻ​സി​ന്‍റെ ഗോ​ൾ​വ​ല കു​ലു​ക്കി​യെ​ങ്കി​ലും ര​ണ്ടും റ​ഫ​റി ഓ​ഫ്സൈ​ഡ് വി​ളി​ക്കു​ക​യാ​യി​രു​ന്നു. തീ​പ്പൊ​രി​നീ​ക്ക​ങ്ങ​ളി​ലൂ​ടെ ക​ണ്ണൂ​ർ ആ​ക്ര​മ​ണം ക​ടു​പ്പി​ച്ച​തോ​ടെ ആ​ദ്യ 30 മി​നി​റ്റ് കൊ​മ്പ​ൻ​മാ​ർ ചി​ത്ര​ത്തി​ലേ ഉ​ണ്ടാ​യി​രു​ന്നി​ല്ല.

34ാം മി​നി​റ്റി​ലാ​ണ് ക​ണ്ണൂ​രി​ന്‍റെ ഗോ​ൾ​മു​ഖ​ത്തേ​ക്ക് ആ​ദ്യ​മാ​യി പ​ന്തു​മാ​യി എ​ത്താ​ൻ കൊ​മ്പ​ന്മാ​ർ​ക്ക് സാ​ധി​ച്ച​ത്. 34 മി​നി​റ്റി​ൽ മു​ഹ​മ്മ​ദ് അ​ഷ​ർ ഗോ​ൾ മു​ഖ​ത്തേ​ക്ക് അ​ടി​ച്ച പ​ന്ത് മാ​ർ​ക്കോ​സ് വെ​ൽ​ഡ​ർ കാ​ൽ​കൊ​ണ്ട് മ​റി​ച്ച് വി​ഷ്ണു​വി​ന്‍റെ ത​ല​യി​ലേ​ക്ക് ന​ൽ​കി​യെ​ങ്കി​ലും ക​ണ്ണൂ​രി​ന്‍റെ കാ​വ​ൽ​ക്കാ​ര​ൻ പി.​എ. അ​ജ്മ​ൽ സു​ര​ക്ഷി​ത​മാ​യി കൈ​വ​ള്ള​യി​ലൊ​തു​ക്കു​ക​യാ​യി​രു​ന്നു. 45ാം മി​നി​റ്റി​ൽ ക്യാ​പ്റ്റ​നും ടീ​മി​ന്‍റെ എ​ൻ​ജി​നു​മാ​യ പാ​ട്രി​ക് മോ​ട്ട ചു​വ​പ്പ് കാ​ർ​ഡ് ക​ണ്ട് പു​റ​ത്താ​യ​ത് തി​രു​വ​ന​ന്ത​പു​ര​ത്തി​ന് തി​രി​ച്ച​ടി​യാ​യി.

⊿സ​മ​നി​ല തെ​റ്റാ​തെ കൊ​മ്പ​ൻ​സ്

ര​ണ്ടാം പ​കു​തി​യി​ൽ പ​ത്തു​പേ​രു​മാ​യാ​ണ് കൊ​മ്പ​ന്മാ​ർ ക​ളി തു​ട​ങ്ങി​യ​ത്. 56 മി​നി​റ്റി​ൽ ക​ണ്ണൂ​ർ കൊ​മ്പ​ന്മാ​രു​ടെ വ​ല​കു​ലു​ക്കി. ക്യാ​പ്ട​ൻ അ​ഡ്രി​യാ​ൻ കോ​ർ​പ്പ വ​ല​തു വ​ശ​ത്തു നി​ന്ന് ന​ൽ​കി​യ കു​റി​യ പാ​സ് മ​ധ്യ​നി​ര​താ​രം സാ​മ്പ കൊ​മ്പ​ന്മാ​രു​ടെ പ്ര​തി​രോ​ധ​ക്കാ​രെ ട്രി​പ്പ്ൾ ചെ​യ്ത് പെ​നാ​ൽ​റ്റി ഏ​രി​യ​ക്ക് പു​റ​ത്തു​നി​ന്ന് ലോ​ങ് റേ​ഞ്ചി​ലൂ​ടെ വ​ല​യി​ലേ​ക്ക് പ​റ​ന്നി​റ​ക്കു​ക​യാ​യി​രു​ന്നു. 84ാം മി​നി​റ്റി​ൽ ച​ന്ദ്ര​ശേ​ഖ​ര​ൻ നാ​യ​ർ സ്റ്റേ​ഡി​യ​ത്തെ ഇ​ള​ക്കി​മ​റി​ച്ച് കൊ​മ്പ​ൻ​സ് തി​രി​ച്ച​ടി​ച്ചു. പ​ക​ര​ക്കാ​ര​നാ​യി എ​ത്തി​യ ബ്ര​സീ​ലി​യ​ൻ യു​വ​താ​രം ഡേ​വി കു​ന​നെ സാ​ബ പെ​നാ​ൽ​റ്റി ബോ​ക്സി​ന് മു​ന്നി​ൽ വീ​ഴ്ത്തി. ഫ്രീ ​കി​ക്കെ​ടു​ത്ത മാ​ർ​ക്കോ​സ് വെ​ൽ​ഡ​ർ ക​ണ്ണൂ​രി​ന്‍റെ പ്ര​തി​രോ​ധ​ക്കാ​രു​ടെ കാ​ലു​ക​ൾ​ക്കി​ട​യി​ലൂ​ടെ​യാ​ണ് പ​ന്ത് അ​ടി​ച്ച​ത്. പ്ര​തി​രോ​ധ​ക്കാ​രു​ടെ കാ​ലു​ക​ൾ ത​ട്ടി പ​ന്തെ​ത്തി​യ​ത് വ​ല​ത് വ​ശ​ത്തു നി​ന്ന് ഗ​ണേ​ഷ​ന്‍റെ കാ​ലു​ക​ളി​ൽ. ഗോ​ളി​മാ​ത്രം മു​ന്നി​ൽ നി​ൽ​ക്കെ മ​നോ​ഹ​ര​മാ​യി ത​മി​ഴ്നാ​ട്ടു​കാ​ര​ൻ ക​ണ്ണൂ​രി​ന്‍റെ വ​ല കു​ലു​ക്കു​ക​യാ​യി​രു​ന്നു. തു​ട​ർ​ന്ന് തി​രി​ച്ച​ടി​ക്കാ​ൻ ഇ​രു ടീ​മും ശ്ര​മി​ച്ചെ​ങ്കി​ലും സ​മ​നി​ല തെ​റ്റാ​തെ ക​ളി ഫൈ​ന​ൽ വി​സി​ലേ​ക്ക് നീ​ങ്ങു​ക​യാ​യി​രു​ന്നു.