സൂപ്പർ ലീഗ് കേരള: ഇന്ന് വമ്പൻ പോര്, കൊ​ച്ചി ഫോ​ഴ്സ​യും കാ​ലി​ക്ക​റ്റ് എ​ഫ്.​സി​യും മു​ഖാ​മു​ഖം

കോ​ഴി​ക്കോ​ട്: ക​രു​ത്ത​രാ​യ മ​ല​പ്പു​റം എ​ഫ്.​സി​യെ അ​വ​രു​ടെ ത​ട്ട​ക​ത്തി​ൽ ത​റ​പ​റ്റി​ച്ച ആ​ത്മ​വി​ശ്വാ​സ​ത്തി​ൽ സൂ​പ്പ​ർ ലീ​ഗ് കേ​ര​ള മ​ത്സ​ര​ത്തി​ൽ കാ​ലി​ക്ക​റ്റ് എ​ഫ്.​സി ബു​ധ​നാ​ഴ്ച കൊ​ച്ചി ഫോ​ഴ്സ​യെ നേ​രി​ടും. കോ​ഴി​ക്കോ​ട് ഇ.​എം.​എ​സ് കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ വൈ​കീ​ട്ട് 7.30നാ​ണ് ക​ളി.

ര​ണ്ടു ക​ളി​ക​ളി​ൽ ഒ​രു തോ​ൽ​വി​യും ഒ​രു​സ​മ​നി​ല​യു​മു​ള്ള കൊ​ച്ചി​ക്ക് കോ​ഴി​ക്കോ​ട​ൻ ക​രു​ത്ത് ശ​രി​ക്കും ബാ​ലി​കേ​റാ​മ​ല​യാ​കും. കൊ​ച്ചി ഫോ​ഴ്സ ര​ണ്ടു​ക​ളി​യി​ൽ മൂ​ന്നു ഗോ​ൾ വ​ഴ​ങ്ങി​യ​പ്പോ​ൾ ഒ​രു​വ​ട്ട​മാ​ണ് എ​തി​ർ​വ​ല കു​ലു​ക്കി​യ​ത്. മ​റു​വ​ശ​ത്ത്, സൂ​പ്പ​ർ ലീ​ഗ് കേ​ര​ള​യി​ലെ ആ​ദ്യ മ​ത്സ​ര​ത്തി​ൽ തി​രു​വ​ന​ന്ത​പു​രം കൊ​മ്പ​ൻ​സി​നെ 1-1ന് ​സ​മ​നി​ല​യി​ൽ പി​ടി​ച്ചു​കെ​ട്ടി​യ​വ​ർ അ​വ​സാ​ന മ​ത്സ​ര​ത്തി​ൽ മ​ല​പ്പു​റ​ത്തെ ആ​രാ​ധ​ക​പ്പ​ട​യെ നി​ശ്ശ​ബ്ദ​രാ​ക്കി മ​റു​പ​ടി​യി​ല്ലാ​ത്ത മൂ​ന്നു ഗോ​ളു​ക​ൾ​ക്കാ​ണ് ജ​യി​ച്ചു​ക​യ​റി​യ​ത്.

മ​ല​പ്പു​റ​ത്തെ പ​യ്യ​നാ​ട് ഗ്രൗ​ണ്ടി​ൽ ഗ​നി അ​ഹ​മ്മ​ദും ബെ​ൽ​ഫോ​ർ​ട്ടു​മാ​യി​രു​ന്നു കാ​ലി​ക്ക​റ്റി​ന്റെ വി​ജ​യ​ശി​ൽ​പി​ക​ൾ. ഗോ​ൾ കീ​പ്പ​ർ വി​ശാ​ൽ ജൂ​ണും പ്ര​തി​രോ​ധ​കോ​ട്ട​യി​ലെ ക​രു​ത്ത​രാ​യ റി​ച്ചാ​ർ​ഡ് ഒ​സേ​യും ഹ​ക്കു​വും മു​ഹ​മ്മ​ദ് റി​യാ​സും പാ​പേ​യും ചേ​രു​ന്ന പി​ൻ​വ​ല ഭേ​ദി​ക്ക​ൽ ദു​ഷ്ക​ര​മാ​കും. മു​ൻ​നി​ര​യി​ൽ ഗ​നി, ജി​ജോ ജോ​സ​ഫ്, സി​ങ് ഖാ​ൻ​ഗേ​ബാം, ബ്രി​റ്റോം ഏ​ണ​സ്റ്റ് ബാ​ർ​ഫോ തു​ട​ങ്ങി​യ​വ​രും ക​ഴി​ഞ്ഞ ക​ളി​യി​ൽ കാ​ലി​ക്ക​റ്റി​നു​വേ​ണ്ടി ആ​ദ്യ ഇ​ല​വ​നി​ൽ ഇ​റ​ങ്ങി കാ​ണി​ക​ളെ നി​രാ​ശ​രാ​ക്കാ​തെ ക​ളം​വി​ട്ട​വ​ർ. കൊ​ച്ചി​ക്കെ​തി​രെ ആ​ദ്യ ഇ​ല​വ​നി​ൽ ഇ​വ​രി​ൽ ഏ​റെ​പേ​രും ഇ​ടം​നേ​ടു​മെ​ന്നു​ത​​ന്നെ​യാ​ണ് സൂ​ച​ന. റോ​ഡ്രി​ഗ​സും സാ​ന്റോ​സും സെ​യ്ദ് നി​ദാ​ലും റോ​യ് ചൗ​ധ​രി​യും നി​ഥി​ൻ മ​ധു, അ​ർ​ജു​ൻ ജ​യ​രാ​ജും ഫോ​മി​ലു​ള്ള​ത് കൊ​ച്ചി​ക്ക് തു​ണ​യാ​കും. നി​ജോ, അ​ജ​യ് അ​ല​ക്സ്, ജ​ഗ​നാ​ഥ്, ബ​സ​ന്താ, ആ​സി​ഫ് കോ​ട്ട​യി​ൽ, ക​മ​ൽ​പ്രീ​ത്, അ​രു​ൺ​ലാ​ൽ എ​ന്നി​വ​രെ​ല്ലാം ആ​ദ്യ ഇ​ല​വ​നി​ൽ ഇ​ടം​നേ​ടാ​ൻ സാ​ധ്യ​ത​യു​ണ്ട്.