സൂ​പ്പ​ർ ലീ​ഗ് കേ​ര​ള: മലപ്പുറത്തിന് ഇന്ന് ജയിച്ചേതീരൂ, എതിരാളി തൃശൂർ

മ​ഞ്ചേ​രി: സൂ​പ്പ​ർ ലീ​ഗ് കേ​ര​ള​യി​ൽ സെ​മി​സാ​ധ്യ​ത നി​ല​നി​ർ​ത്താ​ൻ ജീ​വ​ന്മ​ര​ണ പോ​രാ​ട്ട​ത്തി​ന് മ​ല​പ്പു​റം എ​ഫ്.​സി വെ​ള്ളി​യാ​ഴ്ച ഇ​റ​ങ്ങും. പ​യ്യ​നാ​ട് സ്റ്റേ​ഡി​യ​ത്തി​ൽ തൃ​ശൂ​ർ മാ​ജി​ക് എ​ഫ്.​സി​യു​മാ​ണ് പോ​രാ​ട്ടം. രാ​ത്രി 7.30ന് ​വി​സി​ൽ മു​ഴ​ങ്ങും. വി​ജ​യ​ത്തി​ൽ കു​റ​ഞ്ഞ​തൊ​ന്നും ആ​രാ​ധ​ക​ർ പ്ര​തീ​ക്ഷി​ക്കു​ന്നി​ല്ല. സ​മ​നി​ല​പോ​ലും പു​റ​ത്തേ​ക്കു​ള്ള വ​ഴി​തു​റ​ക്കു​മെ​ന്നു​റ​പ്പ്.

തൃ​ശൂ​രി​നാ​ക​ട്ടെ ന​ഷ്ട​പ്പെ​ടാ​നൊ​ന്നു​മി​ല്ല. ലീ​ഗി​ലെ ആ​ദ്യ​ജ​യം തേ​ടി​യാ​ണ് തൃ​ശൂ​ർ ഇ​റ​ങ്ങു​ന്ന​ത്. ഏ​ഴു റൗ​ണ്ട് മ​ത്സ​ര​ങ്ങ​ൾ പൂ​ർ​ത്തി​യാ​യ​പ്പോ​ൾ പോ​യ​ൻ​റ് ടേ​ബി​ളി​ൽ അ​ഞ്ചാം സ്ഥാ​ന​ത്താ​ണ് മ​ല​പ്പു​റം. ഏ​ഴു മ​ത്സ​ര​ങ്ങ​ളി​ൽ മൂ​ന്നു വീ​തം സ​മ​നി​ല​യും തോ​ൽ​വി​യു​മാ​യി ആ​റു പോ​യ​ന്‍റാ​ണ് സ​മ്പാ​ദ്യം. കൊ​ച്ചി​യു​മാ​യു​ള്ള മ​ത്സ​രം മോ​ശം കാ​ലാ​വ​സ്ഥ മൂ​ലം ഉ​പേ​ക്ഷി​ച്ചി​രു​ന്നു. ഇ​നി​യു​ള്ള ക​ളി​ക​ളി​ൽ വെ​റു​മൊ​രു ജ​യം മാ​ത്രം പോ​ര മ​ല​പ്പു​റ​ത്തി​ന്. വ​ലി​യ മാ​ർ​ജി​നി​ൽ ജ​യി​ച്ചാ​ൽ മാ​ത്ര​മേ ഗോ​ൾ ശ​രാ​ശ​രി​യി​ൽ മു​ന്നി​ലെ​ത്താ​നാ​കൂ.

മി​ക​ച്ച ആ​രാ​ധ​ക പി​ന്തു​ണ ല​ഭി​ച്ചി​ട്ടും പ്ര​തീ​ക്ഷി​ച്ച മു​ന്നേ​റ്റം കാ​ഴ്ച​വെ​ക്കാ​ൻ ടീ​മി​നാ​യി​ട്ടി​ല്ല. നാ​യ​ക​ൻ അ​ന​സ് എ​ട​ത്തൊ​ടി​ക​യ​ട​ക്കം പ്ര​മു​ഖ​രാ​യ ഏ​ഴു താ​ര​ങ്ങ​ൾ പ​രി​ക്കി​​ന്റെ പി​ടി​യി​ലാ​ണ്. ഇ​ന്ത്യ​ൻ സൂ​പ്പ​ർ ലീ​ഗി​ല​ട​ക്കം പ​ന്തു​ത​ട്ടി​യ പു​തി​യ നാ​ലു താ​ര​ങ്ങ​ളെ മ​ല​പ്പു​റം ടീ​മി​ലെ​ത്തി​ച്ചി​രു​ന്നു. പ​രി​ക്കു കാ​ര​ണം ഓ​രോ മ​ത്സ​ര​ത്തി​ലും വ്യ​ത്യ​സ്ത ഇ​ല​വ​നെ​യാ​ണ് കോ​ച്ച് ജോ​ൺ ഗ്രി​ഗ​റി പ​രീ​ക്ഷി​ച്ച​ത്. പ​രി​ക്ക് മാ​റി ആ​രൊ​ക്കെ ക​ള​ത്തി​ലി​റ​ങ്ങു​മെ​ന്ന് ക​ണ്ട​റി​യ​ണം. പ​ക​ര​ക്കാ​ര​ൻ നാ​യ​ക​ൻ അ​ൽ​ദാ​ലൂ​ർ, സ്പാ​നി​ഷ് താ​രം അ​ല​ക്സി​സ് സാ​ഞ്ച​സ്, ഫ​സ​ലു​റ​ഹ്മാ​ൻ തു​ട​ങ്ങി​യ​വ​രി​ലാ​ണ് ടീ​മി​ന്റെ പ്ര​തീ​ക്ഷ. ബ്ര​സീ​ലു​കാ​ര​ൻ ബാ​ർ​ബോ​സ, ഉ​റു​ഗ്വാ​യ്ക്കാ​ര​ൻ പെ​ഡ്രോ മാ​ൻ​സി എ​ന്നി​വ​രും മ​ധ്യ​നി​ര​യി​ലും മു​ന്നേ​റ്റ​ത്തി​ലു​മാ​യു​ണ്ടാ​കും.

അ​വ​സാ​ന സ്ഥാ​ന​ക്കാ​രാ​യ തൃ​ശൂ​രി​ന് സെ​മി ബ​ർ​ത്ത് ഏ​റ​ക്കു​റെ അ​വ​സാ​നി​ച്ച​താ​ണ്. ഇ​ന്ന് ജ​യി​ച്ചാ​ൽ നാ​ട്ടി​ലേ​ക്ക് മ​ട​ങ്ങു​മ്പോ​ൾ ഒ​രു ക​ളി​പോ​ലും ജ​യി​ക്കാ​ത്ത​വ​രെ​ന്ന ചീ​ത്ത​പ്പേ​ര് മാ​റ്റാ​മെ​ന്ന് മാ​ത്രം. ഏ​ഴു മ​ത്സ​ര​ത്തി​ൽ ര​ണ്ടു സ​മ​നി​ല​യു​മാ​യി ര​ണ്ടു പോ​യ​ന്‍റാ​ണ് സ​മ്പാ​ദ്യം. ക​ളി​ക്ക​ള​ത്തി​ൽ പേ​രി​ലെ മാ​ജി​ക് കാ​ഴ്ച​വെ​ക്കാ​ൻ ടീ​മി​ന് സാ​ധി​ച്ചി​ട്ടി​ല്ല. ബ്ര​സീ​ൽ താ​ര​ങ്ങ​ളാ​യ മാ​ഴ്‌​സ​ലോ ടോ​സ്കാ​നോ, അ​ല​ക്സ് സാ​ന്‍റോ​സ്, യു​ൽ​ബ​ർ സി​ൽ​വ എ​ന്നി​വ​രാ​ണ് തൃ​ശൂ​ർ മു​ന്നേ​റ്റ​ത്തി​ലെ വി​ദേ​ശ​ക്ക​രു​ത്ത്. ക്യാ​പ്റ്റ​ൻ വി​നീ​ത​ട​ക്കം പ്ര​ധാ​ന താ​ര​ങ്ങ​ൾ പ​രി​ക്കി​ന്‍റെ പി​ടി​യി​ലാ​ണ്. മ​ല​യാ​ളി യു​വ​താ​ര​ങ്ങ​ളാ​യ അ​ർ​ജു​ൻ, സ​ഫ്നാ​ദ്, സ​ഫ്നീ​ദ് ഉ​ൾ​പ്പെ​ടെ​യു​ള്ള​വ​ർ മി​ക​വ് പു​ല​ർ​ത്തു​ന്ന​ത് കോ​ച്ച് ജി​യോ​വ​നി സാ​നു​വി​ന് പ്ര​തീ​ക്ഷ ന​ൽ​കു​ന്നു. ലീ​ഗി​ൽ ആ​ദ്യം ഇ​രു​ടീ​മു​ക​ൾ ഏ​റ്റു​മു​ട്ടി​യ​പ്പോ​ൾ ഗോ​ൾ​ര​ഹി​ത സ​മ​നി​ല​യാ​യി​രു​ന്നു ഫ​ലം.